طلب قصديه لسعد بن جدلان

[الحضبي]

السلام عليكم ...


يا أخوان اللي عنده خبر و ممكن يعطيني القصيده الكاملة لسعد بن جدلان اللي مطلعها:

ألا يا الهبوب البارده عجلي هبي ** على جاش من قامت هواجيسه تلوبي


مع جزيل الشكر مقدماً ...


تحياتي ,,,

[اخو شما]

ابشر يالحضبي
انت تامر امر



الا يالهبوب البارده عجلي هبي=على جاش من قامت هواجيسه اتلوبه
انا مرة أصحى ومره يغيبي=واسرح مع كثر الطواري بغيبوبه
الا يادهر ماهو بحق تلاعبي=وخليتني لمقرد الخلق لعبوبه
اعباد مغفلها الزمان وتعجبي=يحسبون قل المال في الرجال عذروبه
وانا قانع باللي علي كاتبه ربي=ومومن بمقدوره وقانع بمكتوبه
ولاأبغى عما الاريا برايه يجربي=وهو ماعرف ماجوب ربي وماجوبه
هدور المجالس راعي المدح والسبي=وهو بالخلا لو جاه بنت خذت ثوبه
يقولون لي جز من تصرفك وتحبي=وهي توبتي من مجتمعهم هي التوبه
ديار الوباء من طبها راح متوبي=وقرابة الجرباء على الحول مجروبه
انا عارف منصاي الا من بدا نبي=وعارف طريقي والذي باتجه صوبه
وانا اعرف من أعادي وانا اعرف من احبي=وبه ناس لاتعرف ولاهي بمحبوبه

[الحضبي]

مشكور جدا جداً يا اخو شما و هذا موب غريب عليك ...

و ماجور إن شاء الله و ما تشوف شر يا الذيب ..



تحياتي ... الحضبي.

[نديم القوافي]

ألا يا الهبوب البارده عجلي هبي =على جاش من قامت هواجيسه تلوبه
انامرتٍ اصحي ومر يغيبي =اسرح معاكثر الطواري بغيبوبه
ألا يادهر ماهوب حق تلعبي=وخليتني لمقردالخلق لعبوبه
اعباد مغفلها الزمان وتعجبي=يحسبون قل المال فرجل عذروبه
ونا قانع بالي علي كاتب ربي=وقانع أب مقدور ه وقانع أب مكتوبه
ولابغاعمالريا برايه يجربي=وهو ماعرف ماجوب ربي اوماجوبه
هذور المجالس راعي المدح وسبي=وهوفلخلا لوجاهبنت خذت ثوبه
يقولونلي جز عن تصرفك وتحبي=وناتوبتي عن مجتمعهم هي التوبه
ديارالوبا من طبها راح متوبي=ومن داحن الجربا على الحول مجروبه


هاذي القصيدة وعذرني اذانسيت شي منها


جاراه الشاعر غازي العتبي

اناللكلام الزين يبداح ياحبي=وراع القصيدة داعب القلب باسلوبه

تشوقت منها يوم لقيتها لبي=تشوق محب شايف زول محبوبه

الخ


مجارت أشاعر محمد بن نايف بن عون


انايوم غازي جاب تقريره الطبي=عن الكلبي صغته أوفوجيت بعجوبه
وجنح للجنوبي جانح الشوق وجنبي=على شوف ابن جدلان خاويت مندوبه
لون ماجذبني لارسالة ولانبي= جذبني حديثه مع اثنين تناجوبه


الخ


ارجو ان اكون قدمت شي من طلبك خوي الحضبي


وتقبل تحياتي يالغالي

[ابن بداح]

أخوي نديم القوافي

الشاعر الثاني لمجراة ابن جدلان ليسى محمد بن عون

هو الشاعر الكبير المعروف ويرشح دائماً للمركز الاول بالمملكه

عبدالله بن نائف بن عووووووووووون

هذي الملاحظة الوحيده على الموضوع بغض النظر عن تغير بعض الكلمات في رد أخوشماْ

ولكم جميعاً التحيه.

[نديم القوافي]

أخوي ابن بداح الله يعطيك العافيه

[نديم القوافي]

أخوي ابن بداح الله يعطيك العافية


ومشكور على الملاحظة


محمد بن نائف بن عووووووووووووووون




عبدالله بن نائف بن عووووووووووون


أخوة وكلهم شـعار معروفين



ماعليش الغاوي في الاخوان مدل



تحياتي لك

[الحضبي]

السلام عليكم ...


مشكور يا نديم القوافي و بيض الله وجهك ... أنت و ابن بداح على مداخلته ...


و أشكرك أيضاً على إيراد مجاراة الشعار الكبار غازي و عبدالله بن عون ...


و لكم تحياتي جميعاً ...


الحضبي.