اتمنا من يقرا هذا النص ان يقول رائيه حتى ولو كان نقد

[نجم الجدي]

يالله يالي فاتحن للعفو باب @@@ يواحدن مغيرك احدن نهابه

ارحم ضعيفن طول الايام مرتاب@@@شاف الزمان مكشر بسن نابه

عايش في وقتن لووقع بين الاصحاب@@@ضحكو عليه وكلن اقفت ركابه

حتى الفقير الي بلا فرش وزهاب@@@ قام الغني في وجهه يصك بابه

يعني على قول العرب احسب حساب @@@والم تكن ذئبن كلتك الذيابه

مليت من كثر التعب خاطري طاب @@@ مابه مكانن يمتلي بالرحابه

ماغير نسمع من مشاريه وعتاب@@@ وبعض السنين نشوف ظلم القرابه

من لوعتي ارقا على راس مرقاب@@@مرقاب حزنن كم غيري رقابه

فيه ايتسايل دمعي من بين الاهداب@@@ عزي لمنهو يشتكي من عذابه

زمانن اقشر يعني احسبله حساب@@@ والم تكن ذئبن كلتك الذيابه

[سبيعي مهجول]

القصيده اعجبتني والله يو فقك

[صـــــــــــرام]

بيض الله وجهك قصيدة رائعة جداً وتتوهج بالشعر واحساس شاعر جميل وتصوير الاحداث داخل النص بصوره رائعة وتتدرج في المعاني (التسلسل) بحيث ذكرت في البداية الله عز وجل والدعاء وثانياً بدأت تسرد معاناتك وصح لسانك ولايوجد ملاحظات
تقبل مروري أخوك صـــرام

[فارس العشر]

احسنت يا نجم الجدي وبيض الله وجهك على النظم والمعنى

[عليمي ومتعلم]

اخوي نجم الجدي القصيده طيبه وانت اطيب وفيه عندي بعض الاقتراحات والتي لا تقلل من شاعريتك ولا من مستوى القصيده وارجو ان تتقبلها بصدر رحب :
1-في البيت الاول تقول انك لاتخاف الا من الله سبحانه ولكن في البيت الثاني تقول انك طول الايام مرتاب والريبه من الخوف.
2-البت الثالث غير واضح معناه اذا ممكن توضح المقصود منه .
3-البت الرابع كلمة زهاب مجبوره جبر واقتر تبديلها مثل ان تقول بلا فرش وركاب.
4-البيت السادس اقتر تيديل كلمة يمتلي بالرحابه بكلمة يتصف بالرحابه.
5-البيت السابع اقتر تبديل من بعن وتقول نسمع عن مشاريه.
6-البيت التاسع اقترح تغيير الشطر الاول بحيث تقول فيه الدمع ينساب من بين الاهداب.

وسلامتك وهذا مجرد راي شخصي يمكن يكون صح ويمكن العكس

[نجم الجدي]

شكرا يا عليمي وانشهد انك منتب عليمي الحقيقه اسعدتني ملاحضاتك الي في محلها واتمنى انك تطلع على قصائدي وتبدي عليها الملاحضات ان وجد لكي نستفيد منك ياعليمي اقصد يامتعلم واشكرك على مرورك الطيب

[عليمي ومتعلم]

العفو ياخوي نجم الجدي ...................وانت فيك البركه