المنظمه الإرهابيه .. وينك ياطويق

[حمر عين]

إستلم ياطويق
ولايهونون الربع


عد من هلل من الحجاج في مكة ولبا = ياسلام الله على اللي بالوفا يقضي نصابه
العصابه سرها قدام نكشفها مخبا = مير أنا وياك فجّرنا دهاليز العصابه

[طويق]

مرحبافي مرحبا وعداد مالنسناس هبا = بالعميل اللي ليامنه حضر طول غيابه
تبت (ا)يدين العصابة من فعايلها وتبا = شرذمة والشرذمة حجر لها وتقول تابة

[حمر عين]

شاف نفسه في المنام وقال أنا فيكم منبا = من يخالفني ولايمشي ورايه ياعذابه
الشهاده كانها من معهد الجاهل تكبا = من متى والجاهل يعرف القرايه والكتابه

[طويق]

الدعاية ماتفيد المدعي مدحٍ وسبا = وقفة الرجال تغني عن خواله والنسابه
الشهادة ماتجي من صيدته مما وببا = لو يغني للصفوف ولو يغني بالربابة

[حمر عين]

ليت أخو شبا تريح وسط بيته عند شبا = والله إنه لايزيد.. ولانقص لا صك بابه
عادة الطيب يطول الفول وصحون المربا = ويحرب ربعه ولايقوى البقوم ولاعتابه

[مشعاب]

يسلموووووو الثنائي

أنا متأكد إن هالشطر يا حمر عين بعجب أبو تركي:D

عادة الطيب يطول الفول وصحون المربا=.....................................

[حمر عين]

يالله حيه
تسلم ياريس
ويسلم الرباعي :)

شهادتك أعتز فيها طال عمرك


وينك ياطويق
لايشيب القاف وهو توه شباب
الهمام
نبيها مسجله على الهواء :)

[اخو شما]

الكاتب طويق:
مرحبافي مرحبا وعداد مالنسناس هبا
...........بالعميل اللي ليامنه حضر طول غيابه


عميل :eek::eek:

عميل منهو عنده ياطويق

الله يكفينا شرك انت وحمر عين

وبعدين تعال ياحمر عين(سكني عيونه حمرا:tounge_sm ) منهي شبا ذي؟؟

سلملي على اخو شبا قله يسلم عليك اخو شما

وعندك واحد صحون فول ومربى وصلحه

ودوي يامزيكه وراصني ياقدع:|:|:|

بعدين تعالوا قولولي انت يالحمر وطويق .. بالله فيه احد يلعب محاوره مع القايله:tounge_sm:tounge_sm:tounge_sm

[حمر عين]

أخو شما
مرحبا ومسهلا
مليون في مليون

لاوالله منتب حول أخو شبا يا أخو شما .. أقوله والله وأنا صادق
أنت مواضيعك كلها دون ربعك ..وإلا أخو شبا نفسي نفسي

بعدين القايله فرصه اللي ماله فرصه
يتختل فرقة الكوماندوز:surprised

مرورك تشريف للمحاوره وأهلها
والفول والمربا على حسابي :):):):)

[طويق]

والله انك صادق ياحمرعين ودنا بالهواء


والله انه لويطفي نار والا انه يشبا = لامطفيها سلام ولا مولعها حرابة
الله انه يرحم الشايب توفى يوم ربا = ماحرق دمه على حلم تهيا من شبابه

[حمر عين]

إن قبسها ماقبسها إلا بتشجيع الأحبا = الخوان اللي تطبل له وتنفخ في ثيابه
وإنتفخ فوق السما البالون يومنه تعبا = ياحليله ياطويق .. الله يخفف بعض مابه

[ابن شطيط]

الارهابيين كلهم هنا اليوم

طاروق رائع وشعراء كبار

سجلوني متابع لكما

[طويق]

شجع الخبل الموصى صف من هبا ودبا = وإن تشجع ياعميل الخير مافيها غرابه
علة في نفس الأقشر ماتداويها الأطبا = حجته عميا ويبغاها طلابه في طلابه

[حمر عين]

إبن شطيط :
يامرحبا ومسهلا
شرفت الردية وأهلها بحضورك

طويق:
صح لسانك
محاوره منتازه
مسجله بس أسرع من اللي (عالهوا)

وإذا بغيت الحقيقه
أنا ما أعد المحاوره المسجله ولا اللي على الهواء ... محاوره
المحاوره هي اللي تصير وجها لوجه .. وبدون صفوف..ويصير الشاعر فيها مستدخل خوصته
وأي شاعر مايسوي كذا .. أسحب البساط من تحت رجليه وأخليه يسفط على الأرض <------عنيف :)

ترى هذي مهيب وجهة نظر ... لا
هذا قرار فردي نهائي غير قابل للإستئناف
هماني قايل لك .. أنا عنيف ومافي قلبي رحمه :017:

[طويق]

أنا ما أعد المحاوره المسجله ولا اللي على الهواء ... محاوره
المحاوره هي اللي تصير وجها لوجه .. وبدون صفوف..ويصير الشاعر فيها مستدخل خوصته
وأي شاعر مايسوي كذا .. أسحب البساط من تحت رجليه وأخليه يسفط على الأرض <------عنيف

أعجبتني هذه العبارة ياحمرعين
ماودك بالهواء مرة أخرى؟

[محمد بن سلطان]

صحت السنتكم يا اخوان ...

ولا هنتوا على هالمحاوره الطيبه ...

وعندي طلب لخوي طويق ...

اذا مافيها كلافه نبغي دروس خصوصيه في الشعر :classic:






على شان نتقوى شووي :002:

[المهاااااجر]

السلاااااااااااااااااااااام عليكم جميعا .......................


ويعطيكم العااااااااااااااااااااااافيه الشعااااااااار .............


وانا اسف على التأخير .


حقيقه محاوره جميله والاجمل منها شعارهاااااااااااااااا


بالتوفيق.

وتحيااااااااااااتي الخاصه للشاعر الكبير __(((((((((( مشعاااااااااااااب)))))))))).

[ولدالوجيرب]

ماشاء الله على شعارنا



لاهنتوا يااخوان


على المحاوره الرائعه الى الامام نحن معكم


مشجعين:thumbup::applaudit:002::004:

[طويق]

تسلم يالمهاجر

ويسلم الشاعر فلان هههههههه

ولد الوجيرب مرورك شرف بكل ماتعنيه الكلمة ..عموما أي ثوري يمر نتشرف بمروره
محمد بن سلطان شكرا على المجاملة من لدنك

[طويق]

أين أنت ياحمر عين مرة أخرى
في الحقيقة غاب والله يجعل الأمور على أحسن مايمكن

[شحيفان بن ملفي]

الله الله صح لسانكم

[فتى رمـاح]

اللهم سلم سلم