أجمل محاورة حتى تاريخه

[خالد الشماسي]

أتمنى أن نحقق لقب أجمل محاورة حتى تاريخه


أجتهد يا ابو عبد الله وليس المعنى بالوقت ولكن بالجوده كما عهدناك .

فأنت استاذي


يابن بداح انا نبي الجلسه على سطح القمر = وأللي سواتك لا هرج كل بيقرأ هرجته
متع مسامعنا بصوتك خابرك مثل البحر = والليل توه مبتدي واللعب هذي حزته

[smart]

اولأ مسيييييكم بااااالخير

ثانيأ طارووووق من بدااااااايته رااااائع

ابوووووعمر وابن بداااااااح


عليكم الابدااااع والاستمتاااع علينا

وين الصفووووف ياااااااالووواسطه:applaudit

تحياااااااااتي

[ابن بداح]

أبشر بمطلوبك وش اللي تطلبه يابو عمر=يالطيب اللي كل ما غيب تبين فرجته
انته وانا والمنتدى في خدمة رجال الفخر= أسم القبيله فوق بأمر الله جلّة عزته

[اخو شما]

الله الله

مره وحده ابو عمر وابن بداح:eek:

الوااااااااااااااااااااسطه وينك الصفوف ياعم:applaudit:applaudit

سماااااااااااااااااااارت عدل صفك :004::004:

عندك واحد صف وصلحه:|:|

ياسلاااااااااااااااام سلم:thumbup:

[ابن بداح]

أررررررررحب يا سمارت


حيالله أبو فلاح كيف الحال

أسعدني حظورك المبكر

وملين مرحبا

[خالد الشماسي]

الله يمسيك بالخير يا سمارت

اخو شما هلا بك اجتهد عند الصوف ترى الواسطه مستلم

اقلط هلابك



أنت الكريم ابن الكرام أهل المواقف والظفر = حر قطامي لا شهر نفرح بشوفة هدته
اسد المعاني وأجبر الغرّات بحساب الجبر=والرجل لامنه غزى للقوم يحفظ سدته

[عيسى السبيعي]

الله الله الله



ابوعمر وابن بداح

[عيسى السبيعي]

ايو الله الواسطه ابشروا والله بالسعد




اذا ماجينا الوقت ذا متى بنجي







الصفوف يالعيال

[ابن بداح]

شكراً على هذا الشعور وعندنا علم وخبر= أخذه على حله مدامٍ ان الكلام بجدته
اشوف بعض الناس يقراء ويتخبط بالسور=أخذته العزه بالاثم وقام يعلن ردته

[عيسى السبيعي]

على عشره عشره الزود احتياط

:|:|:|:|:|:|:|:|:|:|
صف ابو عمر



صف ابن بداح
:|:|:|:|:|:|:|:|:|:|

[ابن بداح]

أخو شماء


الواسطه


أرحبوا يالنشامى


شرفتوا المحاورة

[خالد الشماسي]

هلا بالواسطه

لا تتعب صفوك ترى الليل طويل


حنا نصلي والغشيم ايعدله طول الدهر=نبينا محمد وحنا مع طرايق سنته
واليا انفجر في الحافله يا راعي الطيب الكفر= ركب سبير ما نعرفه لا لقينا جرته





صلي على محمد صلى الله عليه وسلم

[السيف]

ابو عمر + ابن بداح

اكيد محاورة جميله

والاكيد انها من اجمل المحاورات على مستوى المنتدى

واصلوا وحنا في الصف مع سمارت وخو شما

سجلوا اعجابي بكل البيوت الي مضت

تحياتي

[ابن بداح]

أليا أجتمع في السوق راع البل وحلاب البقر=يدبل كبود البدو بقارً يفتح فرّته
قالوا ترفع للمعالي فوق قال أنزل حدر=قالوا مهف مقيط مع ساقة رشاه وعدته

[ابن بداح]

أرحب يالسيف

شكراً على الثقه


أسعدنا حضورك

تحياتنا.

[اخو شما]

الصف ياهوه:eek:

ارجع ورى لو سمحت شوي:004:

عدل صفك يالواسطه:002:

الليل ياولد

:|:|:|:|:|:|:|:|:|:|:|:|:|

[خالد الشماسي]

هلا بك يالسيف حضورك اسعدنا




العلم يا رجال يبغاله مواقيف وصبر=والمدرسه عند المدرس لا تعدى سلطته
=
كانك تبي تجفل من العربان لا ترد النغر=إثبت على الميزان والسوام عدل سومته

[ابن بداح]

المدرسه ما هيب محصوره على واحد نفر= مال الحكومه والحكومه من يجيها ضمّته
الهرج ما يصلح بهذا والسكوت أدهى وأمر=وأبو عمر هو السبائب جعلها في ذمته

[عيسى السبيعي]

أخوشما الصفوف على عشره:thumbup:

ولا وش رايك:004:




:applaudit:applaudit:applaudit:applaudit:applaudit :applaudit:applaudit:applaudit:applaudit:applaudit

صف ابو عمر


صف ابن بداح

:applaudit:applaudit:applaudit:applaudit:applaudit :applaudit:applaudit:applaudit:applaudit:applaudit

[نديم القوافي]

الله الله


ماشاالله عليكم الله يعطيكم العافية


بس لوني ادوركم وثر ابو عمر حاط له رابط ونا نصفق في الصفحة الاوله ونقول وين الشعار ونصفوف على العموم تحمدولنا على سلامة الوصول



تسلمون ياابن ابداح ويابو عمر وصفوف وستبيحكم عذر وضعت بيتين للمحاورة ونا والله مادريت

[خالد الشماسي]

حنا نبا الجمعا ولا نقدر نغير في صهر = هو خير من بعض الوجيه اللي كلتها سلته
.=.
واللي يتابع كل ما ينطق يموت من القهر= وأنا بري والبوش يحمل في المحاسب سيته

[ابن بداح]

انا ماعرفه مير ياشين الرخامه والقشر= أخيطيت في التمثيل ماهو مثل صهر وقمّته
واللي يتابع كل ما يجري يشوف من العبر=شئٍ كثير وصاحبك ماهوب قدّ مهمته

[عيسى السبيعي]

ماشاءالله عليكم الله يعطيكم العافيه


وانا ترانى متابعين والصفوف مبسوطه بالحيل

[خالد الشماسي]

لا غبت عنا ما لقينا غير بياع الصخر= إللي يبيع اشوى من اللي راقد في غرفته
وأنا لحالي كيف بتابع صواديف السفر = خمسة و ولا واحد يشيل الملعبه في سلته

[ابن بداح]

لاغبت عنكم فيه غيري من يروس المؤتمر=من خيرة الطاقم مهوب العالم المتفلته
الفار ينبش سّد مأرب لين هده وأنفجر=وليا أنفجر يغرق بغباته وتغرق شلته





---------------------------------
انتقل للصفحه الثانيه

http://www.sobe3.com/vb/showthread.php?t=3576&page=2&pp=25

[اخو شما]

ياسلااااااااااااااااااام سلم

الصفوف اخر حلاوه وفهلوه

ايوه ياعم كدا والا بلاش

:|:|:|:|:|:|:|:|:|:|:|:|:|:|:|
:applaudit:applaudit:applaudit:applaudit:applaudit :applaudit:applaudit:applaudit:applaudit:applaudit :applaudit:applaudit:applaudit:applaudit:applaudit

[ابن بداح]

نديم القوافي


مرحبا مليون



الواسطه


يعطيك الف عافيه فعلاً رئيس صفوف ناجح

[خالد الشماسي]

حنا نحاول كود ننقِذ من يخاف أمن الخطر = واللي يعرف الموج يسبح لا يكافح شدته
الشعر ينطح بالشعر هذي موازين البشر = كل يجرب في المغازي يا مفرح قوته

[ابن بداح]

انته تحب الكم وأما الكيف تعطيه الظهر=وأحيان في ردك يخالفك الصواب برمته
الشعر قدم أهل الشعر ماهوب الاعمى والعور=اللي مربيته على شين السجايا عمته

[ابن بداح]

بيض الله وجهك يا خوووووووووو شماء أنت وصفوفك

أنعشتونا باللعب النشط

للجميع التحيه...

[خالد الشماسي]

من غيره اليامن كتبنا اسمه على الجدول حضر = أسماء كثره كلها ماهيب تسوى مدته
الي مباشر ما يجيها غيره وغيرك حصر= واللي على طول المدى كل بيحرز قَلته

[نديم القوافي]

يعطيكم الف الف مليوووووووووووووووووون عافية


واصلو ونا مع الصفوف والمقصد الاستمتاع



حنا نبا الجمعا ولا نقدر نغير فـي صهـر=هو خير من بعض الوجيه اللي كلتها سلته
.!!!!!!!!!!!!!!!!................................. ..................................!!!!!!!!!!!!!

انا ماعرفه مير ياشين الرخامه والقشـ=رأخيطيت في التمثيل ماهو مثل صهر وقمّته ؟؟


شعار كبار يعطيكم العافية

[خالد الشماسي]

الله يبيض وجيه صفوفنا


تراهم سبب نجاح المحاوره





:applaudit:applaudit


واصلو وحنا بناواصل

[ابن بداح]

ضحكتني ما قول غير الله يجيب لنا المطر=أنته مصمم بأتفاق جبلتك وجبلته
المحترم يكرم وعكسه طق راسه بالحجر=واللي يقصر في لزومه لا تغطي خلته

[اخو شما]

جيبوا ماء بارد يارياجيل

عطوا الشعار يشربون

الواسطه .......... وييييييييييييينك:eek:

[ابن بداح]

تسلم يا نديم


أشكر لماحيتك للمهم فعلاً

تحياتي للجميع

..........................................

[خالد الشماسي]

ضحكتني ما قول غير الله يجبر ما نكسر= وأنته بعد منتب بعيد عن سياسة حجته
أنته تعاين في الحشايش ما تعاين في الزهر = واليا هفى راع الجمايل ما تتبع غرته

[عيسى السبيعي]

موجود طال عمرك


ابشروا بالري


فيصل وانا عمك هات الماء والشاهي والقهوه


والعسكريم لا تنساه عان بقالت سهم فاتحه



الهمام

[ابن بداح]

يا بو عمر محداً يحوق الماء ليا منه أنتثر=والفله اللي جابها المفلول تبقى فلته
الضرب في الميت حرام ولا ضربناه أشتهر= خله يولي وزعله ورضاه كأنه قلته

[نديم القوافي]

الليللللللللللللللللللللللللللللللللللللللل

[خالد الشماسي]

وش مزعلك يا كاسب الطالات من قد لك شهر = قد قلت له ريس مدارسنا تعد اقريته
ما شفت شوق القاف يوم انه يغني في الصفر = واللي عيونه صفر ما ظني تعدل مشيته

[ابن بداح]

لا تطلق أحكامك جزافٍ عقب طولّت السهر= ما أزعل على أهل الطيب والمعلول أشخص علته
وأخر كلام الشيخ خله عندك مجمع كور=وليا تمرد ناقشه في أفكاره اللي ضلّته

[ابن بداح]

شكراً لك يابو عمر


شاعر ومتكن للمعنا

وملتزم بالادب الشعبي

تقبل تحياتي ونلتقي في محاورات قادمه

[خالد الشماسي]

اقبل تحياتي ولك يا ذيب قدر في الصدر = واللي سواتك يفرح الإنسان لا جت خوته
عاكست رايك كود نخلف ما يشوفون السبر= واستغفر الله لي ولك والحال هذ حلته




شكرا لشاعرنا الكبير مفرح بن بداح الذي امتعنا بأبياته و شوقنا لمحاوراته القادمه

وبالفعل سجلت هذه المحاورة لقب أجمل محاورة حتى تاريخه .


واقبل عذري فقد عاكستك ليطول المشوار ويحلو الرد



كما اشكر جمهورنا العزيز والذين لهم باع طويل في إنجاح المحاوره

[ابن بداح]

ماعليك زود الله يحيك

أستودعتك الله

[عــرق الشــــري]

الله شاعرين كبيرين

ومن اقوى المحاورات وافضلها

استمتعت والله بالابيات وبالرديه


ابو عمر وابو عبد الله

رايعيين ومنتازين


تحياتي لكما

وعلى هذا االابداع

[مروّض]

أخويّ العزيزين...أبو عمر_ ابن بداح

لا هنتوا على الطاروق...لعب طيب..و موزون...و المحاوره جميله

و كل واحد طلّع اللي في قلبه...و هذا بحد ذاته كافي...خصوصا بين الأخوان الحكماء...

كثيره هي الأبيات التي أعجبتني..من كلا الطرفين


أنته تعاين في الحشايش ما تعاين فالزهر=و اليا هفى راع الجمايل لا تتبع غرته
و أيضا...


يا بو عمر محد يحوق الما ليا منه انتثر=و الفله اللي جابها المفلول تبقى فلته
أتمنى رؤيتكم قريبا...و حتى في المباشره..بعد العلم المسبق

و سلمتم لنا أخوتي....الشعار و الصفوف اللي أحيت اللعب و زادت الحماس

[مشعاب]

شكرا لمن يستحق الشكر والعرفان


فقد ثبت انكم تملكون ملكة عجيبه في هذا الفن



سجلوا اعجابي


مشعاب اخو عجراء

[محمد الزعيري]

بيض الله وجيهكم

ياابو عمر . وياابوعبدالله
على هالمحاوره الاكثر من رائعه

[البدر]

ابو عمر

ابو عبدالله


لاهنتم جميعا امتعتونا بطاروق ولا اروع فعلا نحن بحاجة الى مثل هذه المحاورات القويه وهي بلا منازع تستحق لقب اجمل محاوره في المنتدى وننتظر المزيد من المحاورات القويه .


اخوكم البدر

[ابو تركي]

الله الله الله


ياسلام ياسلام





ابداع العمالقه معهوووووووووووووود



صح الله السنتكم يابو عمر ويابن بداح على هذا الطاروق الجزل والهادف




لا هنتوااا


سجلو ا اعجابي :)

[المزاح]

لاهنتوووووووو جميعاْ على الطاروق الحلوووو والمعاني الجزله التي تشد الانتباه والاعجاب فيها وبيض الله اوجيهكم

[محمد بن سلطان]

احلى كلام ...

صح لسانك يا ابوعمر وصح لسانك يا ابن بدّاح ...

[نديم القوافي]

تسلمون ياااااااااااااشعااااااااارناااااااااااا الكبااااااااااااااار

والله لايهينكم جميع وااااااسف على التااااااااااااااااخير



توي وصلت من الاجازة

[ناصر المديري]

صح لسانكم..

[مجنون سبيع]

صح لسانكم والله من جد مبدعين

[صقر الخرمة]

صحت ألسنتكم على هاذي المحاوره الممتازه جداً وليست غريبه منكم

[فـــالح السبيعي]

الله يبيض وجيهكم ياشعار ياجزلين

أبوعمر إبدااااااااااع

مفرح بداح إبدااااااااااع

لاهنتــــوا على المحاوره الجميله

وبالفعل هي من أجمل المحاورات في هذا المنتدى

[مصلح ربح]

بيض الله وجيهكم


على ها لمحاوره المتميزه


فعلاً تستحق اللقب


الغريب كيف ظمت اللقب يا عمر


قبل المحاوره


تقبلوا تحياتي