المثري امير على اربع فخوض

[المثري]

سألني واحد انت وش تشتغل 0 انا ما اشتغل
طيب انت كيف تمشي امورك 0 دف واحيانا سحب
ايه طيب ما دورت لك شغل 0 الشغل يجيني لحدي
طيب منوين تاكل وتصرف على عيالك 0 انا امير ومستوره والحمد لله
ماشاالله امير وتخليني اهرج معك كني اعرفك من زمان 0 مايهمك ياحبيبي كلنا مسلمين
طيب امير على ايش طال عمرك 0 انا امير على اربع فخوذ
ايه يعني امير قبيله0 لا بس على اربع فخوذ
طيب وكم راتبك 0 قلت لك متسوره والحمد لله
وتاخذون راتب من الدوله ولا كيف اتعيشون0 فالحقيقه ماناخذ راتب من الدوله بس مستوره
ايه وعسى لك سلطه ومقام عند الدوله 0 كل الشعب له مقام عند الدوله اما السلطه حتى الي هو يتبوئها منزوعه منه
كيف 0 ماعلينا خلنا في موضوعنا
طيب ماقلت لي هي امارة القبيله ولا الفخوذ كيف حصلت عليه 0 بالتصويت
وشلون يعني 0 واحد يصوت والثانين يتبعونه الين صرت امير
طيب تغد عندنا 0 يا مال الغناه عساك دايم راعي رايه بيضا بس انا مشغول ومستعجل
يا ابن الحلال خلها عابره ما نباها ضيفه تويس صغير نتسلى عليه انا وانت ولا حنا قايلين لأحد 0يا مال الغناه جعله عامر واعتبرها حصلت
عذرا حدث امر جعلني اتوقف عن اتمام باقي الموضوع لنا لقاء اخر يجمعنا بكم نستكمل به باقي احداث القصة

[ماجد الشماسي]

هههههههههههههههههههههه

هذا الموضوع شكله مكرر لموضوع سري للغايه

خخخخخخخخخخخخخخخخ

مسلسل مكسيكي

[المثري]

لا بس هذا حلقتين وينتهي مسلسل تركمانستاني
تصدق صندوق ابو عمر لقيته في منتديات عالميه

( يح0000 ويبيض ولا يقراها عوض الخلف تركمانستاني)

من الليل اقول خلاص ابا اخفف المزح مع عوض وبالصبح انسا كل الي فكرت فيه بالليل
وهو الله يصلح ينكشني وانا ما احسب خبر وهو صلطه الله يصلحه يخلي الواحد غصب يتكلم مبدع في النكش والتعليق الله يصلحه ويصلحنا جميع 0

[نهار]

ههههههههه

والله انت عجيب يالمثري


مدري من وين تطري عليك هالشغلات

امير بس مستوره

[المثري]

الله يستر علينا وعليك وعلى اخوانا المسلمين اجمعين
الستر مطلوب من رب العالمين ولا شئ يخلي الواحد يخاف
النافذه تطل على ما ورائها اذا انكشف الستار
وما ورائي يعلمه الصغير قبل الكبير ولا يضرني شئ
وتقبل فائق احترامي

[خيال الصفراء]

ههههههههههههههه


المثري انت فعلن مهندس .. الله يوفقك ياخي مزاجك رائق

[المثري]

ههههههههههههههه


المثري انت فعلن مهندس .. الله يوفقك ياخي مزاجك رائق

وانت الله يوفقك دائما وابدا
فيه كبسولة دواء للضحك والوناسه والراحه صدقني من يوم ما استعملتها ما عرفت لا الحزن مهما حل بي ولا الخوف مهما حل بي ولا القلق مهما حل بي واتحدى واحد يقولك انه شافني بأي صورة من الصور الماضيه من عام000000 بس ما ابغى اقولك بعدين تعرف عمري وانا اقول للناس عمري 18 سنه 0 اقولك حبة الكبسولة في موضوع غدا ستراه على المنتدى مفصلا طريقة استعمالها 0

[عوض السبيعي]

اخوي المثري
انت امير وستين امير
امير في اخلاقك وتواضعك
امير في نيتك الطيبة والصافيه
واسمحلي ان القبك بـ روح المنتدى
الى الامام اخوي الكريم
وانا متابع لجميع مواضعيك بالتوفيق انشاء الله

[نواف السراد]

الله يعطيك العافيه يا المثري
كما قال اخونا عوض الخلف

ولكن انتبه من الرشاوي

وخلها مستوره

[المثري]

اخوي المثري
انت امير وستين امير
امير في اخلاقك وتواضعك
امير في نيتك الطيبة والصافيه
واسمحلي ان القبك بـ روح المنتدى
الى الامام اخوي الكريم
وانا متابع لجميع مواضعيك بالتوفيق انشاء الله

العين ما تعلى على الحاجب يا ابا حلوين
وشاكرا لكم والله يحفظكم

[المثري]

الله يعطيك العافيه يا المثري
كما قال اخونا عوض الخلف

ولكن انتبه من الرشاوي

وخلها مستوره

ترى ابليس يجري مايمشي يجري في ابنى ادم مجرى الدم يعني لاتستغرب رشوه الله يكفينا شرها

[عوض السبيعي]

تمون اخوي المثري
الله يسامحك

[المثري]

الله يجزاك بالخير يا عم عوض هذا عشمنا فيك وانت تاج راسي افتخر بحمله ولا امل منه تقبل قبلاتي وفائق احتراماتي وتقديري

تمون اخوي المثري
الله يسامحك


بس العباره اشم فيها اني غلطت غلط كبير اذا حصل والله بدون قصد وياليت تنبهني

[المثري]

طبعا انا نسيت هذا الموضوع ورجعت اكمله المهم انا امير على اربع فخوذ طبعا اجتمعنا في يوم من الايام والله راد اني اكون امير على الاربع فخوذ وبعدها بفتره زادت الفخوذ والعرب زادو بس لا بد من النقصان والله يتمم النقصان على خير والله يتمم الكمول على خير ويبعد الشر عنا وفي اول اجتماع بعدما توليت الاماره صدرت مني قرارات انا اراها صح بس للأسف البعض يراها خطا لذا قررت ان اجتمع بالفخوذ وابلغهم بالقرار ووقع الفخذ الاول بالموافقه والفخذ الثاني وقع تبع اخوه والفخذ الثالث والرابع ترددا بس وقعو على القرار ومصينا في تنفيذ القرار زادت الفخوذ وكبرو العرب والى الان ما زال الامر متوقف على اصدار بعض القرارات الهامه بس فخذي يعورني واذا اشتكى عضو تداعى له سائر الحسد بالسهر والحمى راح فخذي الثاني يعورني حلوه يعورني شعبيه قديمه مررررررررره المهم انا امير على فخوذي وفخوذ المره ويا زينها من اماره ولا لا يالمتزوجون بس لا بد من ان يتطور الامر ولان القرارات عكسيه وحنا ياالرجال اصبحنا ضعيفين ما نملك الا حاضر طيب يعني الاماره صارت بيد غيرنا وياليتنا ما حلمنا بالاماره وخليناها 0000000 الله يستر بس من باقي الزمان لا تصير العصمه بيديهن وسلامتكم 0

[خيال الصفراء]

ومن قال سالم وغانم



لله المستعان ولله الشكوى




ماجمل بأن تكون أمير على نفسك >> أن تامرها بطاعـة الله وتنهأهـا عن معصيتـه



ودمتم سالميـن