حمر عين ... انتبه للقاف وإثبت حزة الميقاف**)

[الطايفي]

حمر عين ... انتبه للقاف وإثبت حزة الميقاف *** ترى اللي قدم عايد يالله يشيلنّه عظامه

عقيد القوم يكسر في البيوت وصاحبه خواف *** ولا ينفع ضعيف الحيل وقت الشدّة إعلامه

[حمر عين]

ماكان لي نية أشارك كشاعر في المنتدى
بس للظورف أحكام


هلايامرحبا ترحيبة العراف بالعراف = أقوله بالنيابه عن سعوط الضد وكعامه
ولاياعايد بن حسين منت معمر القذاف = ولاحنا بأهالي ليبيا نمشي على أحكامه

[بحر الشوق]

ما شاء الله تبارك الله

شعار كبار






واصلوا الله لا يهينكم

[الطايفي]

تقوله وانت مالك في البحر قارب ولا مجداف *** ولا تقدر تسوق شعيل وإلا تمسك خطامه

لقيت أم الكبــاير عندكم ترقد بدون لحـــاف *** يعريها غشيمٍ غرته دنياه واحــــــــــلامه

[مروّض]

أبيات قمة ... شعار من طراز نادر

استمروا لانامت أعين الحساد

حمرعين =الطايفي

قمة الشعر

[حمر عين]

أنا أقوله لكن ماقلت أنا فيصل ولاصياف = علشان أتحمل ذنب غيري وأنقل أثامه
بنات أم الكباير في بلاد الله بالآلآف = تبا تلقى لهن مليون خاطب يلبس عمامه

[ولدالوجيرب]

تسلمون


امسك الصف ياولد



وش هالأبيات الجزلة



تسلم اخوي حمرعين

تسلم اخوي

[ولدالوجيرب]

تسلم اخوي


الطايفي





واصلوا انا معكم

[الطايفي]

توقع لا توقع فوق راسك حذفة الحذاف *** ترى شر الردي من بد كل الناس في اعمامه

وانا مانيب منكم واحدٍ من جملة الأشراف *** نصيحه والنصيحه مالها في السوق سوامه

[حمر عين]

أجيب الحق وأوديه قبل يصرّح الصحاف = ولا والله أجيه أدور الفزعات في شامه
عساك مجار من كثرالصدود وكثرة الأحلاف = وراع النصح مايحتاج عندي يبصم إبهامه

[الطايفي]

بحر الشوق ... ياهلا والله ومرحبا ........... شكراً على المتابعة ............ وماعليك زود يالغالي.

ـــــــــــــــــــ

مروّض ............ مرحبا والله ومسهلا ......... وشكراً لإطلاعك .......... ولاعليك زود طال عمرك.

ـــــــــــــــ

ولد الوجيرب.......... ابشر بسعدك ............. وشكراً لإطلاعك.

ـــــــــــــــــــــــــــــــ

إستلم ياحمرعين:ـ

أبيك تقول للي حط بيته للخبول أوقاف *** ينظف بيته اللي حاسة الحواس باقلامه

تدور الديرة والظلم يصبح قمة الإنصـاف *** وراع الحق يجلس في السجون يحسّب ايامه

[طويق]

خلووووووووووووووها
كيف حالكم ياشباب

الطايفي ماتعرف صدام
كيف كانت نهايته

[حمر عين]

ياكثر العالم اللي تصعد القمة على الأكتاف = يجيها واحد ماهوب واصلها على أقدامه
يقوله من وقف قدمك بعد ماعاف مما شاف = وراع الحق مالي حق لاوقفت قدامه

[الطايفي]

عسى اللي حث للعليا الخطاوي يلحق الاهداف *** ويجمع حزبه اللي شتته ويوحّد اقسامه

ترى ما كل واحد مثل واحد الرجال اصنـــــاف *** وطيب الرجل في نفسه وفي ربعه ... وفاخصامه

[محمد بن سلطان]

الله الله على هالشعر الجزل ...

صح لسانك يا بوحسين وصح لسانك يا حمر عين ...

ونتمنى منكم المزيد من المحاورات الرائعه ...

[الطايفي]

الأخ / محمد بن سلطان

صح بدنك .......وماعليك زود يالغالي

وصح لسان الشاعر حمر عين ......................... الغايب من مدة طويلة ..... لعل المانع خير.


تحياتي للجميع.

[طويق]

محاورة قمة قمة قمة

أما بالنسبة لحمر عين فهو يتمتع بالصحة فقد وجدته في منتدى قريب

الرجال مبسوط .. وكل ماتطلب شاعر جوك عشرة .. يعني مافيها ياخوك .. وانا ابن عمك

صراحة فقدناك يامنتدى سبيع

حتى في المحاورات (الجدول) تخطي للمراجع هههههههه

[مروّض]

إخوتي...الكرام

محاوره طيبه افتقدنا مثلها منذ زمن ....ليت ذاك الزمان يعود..

كيف السبيل الى استقطاب شعراء مخضرمين للنظم والمحاوره....في منتدانا؟؟؟؟

سؤال يهم البعض و للأسف لا يريده البعض الآخر...

ربما لينفرد هو و يجعل لنفسه دوله للشعر أيضا...من يدري

أخي طويق...أنا أدخل على أحد المنتديات و أرى من يلعب بنفس طريقتك و أسلوبك...أخبرنا الصحيح

أعلمه الطراره و يسبقني على البيبان...أخبرناك بذاك المنتدى للاطلاع و ليس للمشاركه و ترك بيت بني عمك..

على العموم أنا أعذرك...و أعذر غيرك في ذلك

تحياتي للجميع