تسجيل الدخول

مشاهدة النسخة كاملة : حج بيت الله وصلى الفروض مع الخطيب

عبدالله القريشي
13 - 05 - 2004, 14:55
اخواني اعضاء المنتدى ومرتاديه

اليكم هذه المتواضعه امل ان تنال استحسانكم

ياحبيبي دام طرد الهواء مافيه عيب = خلنا نقطف ثمار الزهور الدانيه

عادة الايام مال الحبيب اللا الحبيب = وشنبي من تال الايام دنياً فانيه

اتمنى كل ماغبت ترجع عن قريب = واتطلع رجعتك يمنا بالثانيه

سهم حبك يريش العين مضرابه عطيب = صاب قلبي من خلاف الضلوع الحانيه

وهمت في حبك مع الوقت ياعين الربيب = وكان مت من الهواء تصبحين الجانيه

ياحبيبي خاف من واحدٍ فوقك رقيب = كيف تقتل مسلماً يدي الار كانيه

حج بيت الله وصلى الفروض مع الخطيب = ودعوة المضلوم تفتح لها البيبانيه

ياعيون اللي يحوز الحباري فالشعيب = ابيضاً صدره شقاره على الجنحانيه

صاده اللي قانصاً له قبل وقت المغيب = قيل حده قال مهداً على سلطانيه



وسلامتكم /جميعاً / اخوكم عبدالله القريشي
المولع
13 - 05 - 2004, 15:01
اللــه اللــه

صح لسانك ياعبداللــه ملايييييييييين

ونعم انت افضل مشارك في الشعر

واللي زعلان يشرب مويه

لاهنت ودام لنا تواصلك وابداعك
عابر القارات
13 - 05 - 2004, 15:10
سهم حبك يريش العين مضرابه عطيـب=صاب قلبي من خلاف الضلوع الحانيـه

صح لسانك ياعبدالله قصيده قمة لاهنت:applaudit

فعلأ تستاهل أفضل مشارك في قسم الشعر


لكن سهم وش جابه:thumbup:

هو سهم ولد ابو سهم او غيره:biggthump


دوك تحيات فيصل
السيف
13 - 05 - 2004, 15:19
هلا والله بك يا عبدالله

قصيدة رائعة جدا

مشكور على المشاركة المتميزة

تحياتي
اخو شما
13 - 05 - 2004, 17:50
ياحبيبي دام طرد الهـواء مافيـه عيـب
..................خلنـا نقطـف ثمـار الزهـور الدانيـه

صح لسانك ياعبدالله ملاااااااااااااااايين

قصيدة رائعه كروعة قائلها
ابن شطيط
13 - 05 - 2004, 22:46
"حج بيت الله وصلى الفروض مع الخطيب"="ودعـوة المضلـوم تفتـح لهـا البيبانيـه"

"ياعيون اللي يحوز الحبـاري فالشعيـب"="ابيضاً صدره شقـاره علـى الجنحانيـه"

"صاده اللي قانصاً له قبل وقـت المغيـب"="قيل حـده قـال مهـداً علـى سلطانيـه"

الله الله الله واكبر عليك

صح لساااااااااانك ملاااايين في ملاااااين

اخوي عبد الله قصيده رائعه وغزليه عفيفه بيض الله وجهك عليها

ابيات عاليه المعنى وعالية الاحساس

عفارك ربي ودامك

وصح لسااااانك مره ثانيه

ودام لنا هالتواصل

تحياتي لك
عبدالله القريشي
14 - 05 - 2004, 16:44
اخوي العزيز المولع


اسعدني مرورك الجميل الله يسعد ايامك

وبيض الله وجهك على الكلام الطيب

اللي اكيد مصدره طيب وعسى ان

نعرفك ان شا الله معرفه طيبه

لك تحياتي / عبد الله القريشي
عبدالله القريشي
14 - 05 - 2004, 16:49
الاخ المولع

اشكرك على مرورك الطيب وكلماتك الرائعه

والكلام الطيب مصدره اكيد طيب الف شكر

ولاعدمتك / لك خالص التحيات

اخوك عبد الله القريشي
نديم القوافي
16 - 05 - 2004, 20:39
عبدالله القريشي

صح السانك والله لايهينك يالغالي




تحياتي لك
عبدالله القريشي
17 - 05 - 2004, 13:07
الاخ عابر القارات



شكراً على المرور الطيب طيب الله حالك

ماقصرت لاهنت لك تحياتي

اخوك عبد الله القريشي
smart
18 - 05 - 2004, 00:16
صح الله لسااااااااااااانك مليااااااااااار ولاتكفي



قصيده جزله من شااااعرٍ جزل


لاهنت يااااااااعبداااااااااالله


تقبل أجمل التحااااااااااااياااااااا
البدر
18 - 05 - 2004, 15:37
لاهنت يا عبدالله القريشي

صح لسااااااااانك ملاييييييييين

قصيده رائعه من شاعر رائع

لاتحرمنا من جديدك طال عمرك


اخوك البدر
عبدالله القريشي
28 - 05 - 2004, 21:27
الاخ السيف

تشكر على مرورك الرائع

بيض الله وجهك وتسلم

تقبل تحيات / عبد الله القريشي
السبع الحر
04 - 06 - 2004, 04:23
اقول مشاركه رائعه من رائع وتحية اعجاب بالاخ عبدالله القريشي ويعتبر شاعر متمكن ويستحق حسب رائي الشخصي المتواضع شاعر المنتدى وبنطالبه بحاجه تخص المنتدى مثل قصيده في المنتدي اوقصيده في سبيع عامه قبيلة العز والكرم والشهامه ولعلني عبر هذا الرد المتواضع اعطيه اشارة البدايه بهذا البيت
سبيع ربعي وافخر بهم وافخر بهم تاج راسي لمن كل لبس له تاج
عبدالله القريشي
25 - 12 - 2005, 22:17
الله يعطيكم العافيه

على مروركم الرائع

تحياتي / عبدالله القريشي
ابن مشعب
01 - 01 - 2006, 00:39
مرحبا مليون يالقريشي

من طول الغيبات جاب الغنايم


صح لسانك