يا اخي تبي فلوس ادخل

[مساعد الرويشد]

بسم الله الرحمن الرحيم
السلام عليكم ورحمة الله وبركاته



يا اخي تبي فلووس هاك فلوووس


بس شارك واضف مواضيع حلوه مو بس قاعد تقراء


http://www.sobe3.com/up/uploads/images/sobe3.com-3261e9b865.jpg (http://www.sobe3.com/up/uploads/images/sobe3.com-3261e9b865.jpg)

بس خلاص والا تبي بعد خذ هاك بعد اشبع


http://www.sobe3.com/up/uploads/images/sobe3.com-e1b6f57ae9.jpg (http://www.sobe3.com/up/uploads/images/sobe3.com-e1b6f57ae9.jpg)


ابتدت المشاريع الان بشتري حلال وسياره ولبتوب اشتر الي تبي بس شارك وبعطيك بعك خذ هاك هعهعهع


http://www.sobe3.com/up/uploads/images/sobe3.com-9f4b44ef24.jpg (http://www.sobe3.com/up/uploads/images/sobe3.com-9f4b44ef24.jpg)


عاد الحين وش تبي اخر دفعه تعيشك 10 سنين قدام وش تبي بعد تبي زياده ابن ادم طماع بس انت تستاهل ابشر


http://www.sobe3.com/up/uploads/images/sobe3.com-0ea05f967a.jpg (http://www.sobe3.com/up/uploads/images/sobe3.com-0ea05f967a.jpg)


طبعا كذا بتقديري الشخصي احس انك اكتفيت لا اتق الله يا مسلم وش تبي اكثر من ذا الحلال ابشر ابعطيك بعد


http://www.sobe3.com/up/uploads/images/sobe3.com-e5d8be44f5.jpg (http://www.sobe3.com/up/uploads/images/sobe3.com-e5d8be44f5.jpg)


كذا اعتقد انك مليان قرنقش تكفى افع عليك من غير تكفى حنا اولاد عم ابشر بعزك بس اخر شي عندي يعني اسمح لي طيب طيب


http://www.sobe3.com/up/uploads/images/sobe3.com-2e933a5800.jpg (http://www.sobe3.com/up/uploads/images/sobe3.com-2e933a5800.jpg)



وسامحـــــوني على الاقصور مو حقكم بس شاركو واضيفو مواضيع حـــلوه

[خالد الشماسي]

هلا بك


بصراحة عندي توقيعك أحلى من كل هالصور


" ذلك فضل الله يؤتيه من يشاء"

[مساعد الرويشد]

السلام عليكم ورحمة الله وبركاته



بارك الله فيك اخي خالد الشماسي واشكرك على المرور والتعليق واسعدني ذلك جدا

[المثري]

بلا تواقيع بلا خرطي صح احسن من الصور بس ما هو احسن من الفلوس انا جايك ماشي الف واربعمائه وثلاثون وساحب بريك وداخل عرض ومسحب الستت ومرفع السياره من قدام وحاطها تجديع وتربيه وتخميس عشان الحق وهبر هبرتي قبل ما احد يجيك ويسبقني الاستاذ خالد ويقول توقيعك احسن بعد ما تقاسمتوها
انا احتج ومعي باقي الاعضاء عوض الخلف وخيال الصفراء وكدش كدشدش المكدوشي الي ما لقيلنا له مشط وماجد المهندس وباقي الاعضاء ما يهونون حنى راح نمثلهم ونرفع عليكم قضية ولا السيل يقصها من النص وكل واحد يتهنا في نصه 0 اش قلتو مستعدين للمناصفه و لا للمشاكل وياويلكم يكفيكم الصغيرون حقنا خيال الغبراء بس يا هو يحب المشاكل حباه 0

[خالد الشماسي]

المثري

تدري أن كل هاللي في صورة التوقيع مشري بفلوس :)


لكن ماهي كل شيء في الحياه


وأنا من طرفي متنازل عن كل الصورة للمثري وخوياه


الا الصورة الأخيرة ... محجوزه لـ ماجد الشماسي :)

[مساعد الرويشد]

السلام عليكم ورحمة الله وبركاته



انا ما اضيف على كلام اخوي خالد شي جديد فعلا الفلوس مو هي سر الحياة نعم الله قال بعد بسم الله الرحمن الرحيم ( المال والبنون زينت الحياة الدنيا ) بس مو يعني ننسى نصيبنا من الاخره فالعمل الصالح مجلبة للسعاد ومساعدت الاخرين والبر والذكر والصدقة وكف الاذئ وغيره يسواء الدنيا وما عليها المال لايعارض السعاده بل هو من السعاده اذا استخدم في الحلال والشرع اسئل الله لي ولكم الفردوس الاعلى من الجنه انتم اخواني خالد و يالمثري وباقي الاعضاء والقارئين اجمعين واشكرك يالمثري على المرور والتعليق واسعدني ذلك جدا

[مساعد الرويشد]

السلام عليكم ورحمة الله وبركاته





نسيت حاجه ما خبرتكم بها الفلوس مسروقه والي بيشيل القضيه له النصف فيفتي فيفتي طيب اكيد ما احد قراء وشاف صح يالمثري لاتفضحنا تكلم بشويش واعمل شفرات والي تبي بيحصل بس لاتعلم احد من الاعضاء شفت الفلوس الي تقول اجدار لك ملكه حلالا بلال هذي طال عمرك تخصلها في بنك الاهلي اول غرفه على الشمال بس ها دير بالك لايشوفونك ترى والله صارو يتعاملون بالكهرب هههههههههههه

[كدش]

تعال هنا انت وياه كفشتكم يالحراميه سارقين فلوسي

لا وتبغى تتقاسمها يالمثري ايش نقول حرامي وراعي سوابق وسجنك دليلك

قال يبغى يقسمها قال

هههههههههههههههههههههههههههههههههههههههههههه



كدش كديش كدشوني كدااااااااااااااش

كــــــــــــــــــــــدش

[مساعد الرويشد]

السلام عليكم ورحمة الله وبركاته



اوه حق سوابق بعد وانا احسب انه مضبوط اجل تكفى يالكدش دخله السجن علشان انا وانت نتقاسم الفلوس ونستانس واشكرك اخي الكدش على المرور والتعليق واسعدني ذلك جدا

[كدش]

المثري امره منتهي منتهي بالسجن

بس انت هذي المرة سموحة لانك ماتدري عنه

والفلوس لاتحاول مرررررررررة الله يعطينا ويعطيك ياخي فلوسي لاتحرجني

هههههههههههههههههههههههههههههههههههه



كـــــــــــــــــــــدش

[مساعد الرويشد]

السلام عليكم ورحمة الله وبركاته




زين سويت بس الفلوس لازم نتناصفها لانه ما يصير الواحد ما يعرف كيف يسنع عمره الا بثاني والثالث فضيحه يعني انا وانت ولا تعلم احد امسك لي واقطع لك خخخخخخخخخخخخ والمثري مأبد بالسجن صح لانه على ما تمر 25 سنه قدنا تعشينا بالفلوس وخرجناها وهو وقتها قحم يعني شايب ومو حق مشاكل يدوب يمشي على رجوله هعهعهع

[كدش]

برضه مصر على الفلوس اقول له فلوسي يقول نتناصفها

نقول ثور يقول احلبوه

بس لعيونك هه تاخذ ريالين و(نص) تتسنع بهم

هههههههههههههههههه

اهم شي النص



كـــــــــــــــدش

[مساعد الرويشد]

بسم الله الرحمن الرحيم
السلام عليكم ورحمة الله وبركاته



اقولك اثنين شوف العين واالثالث عماهم تبي تعطيني النصف والا بعلم عليك 991 ازعاج المواطنين خدمه جديده اذا ازعجك او اسائلك رجل امن تبلغ فيه ههههههههه

[كدش]

لا لا دام الشغلة فيها 991 بعطيك على الريالين والنص ريال ونص وكذه بيصير معاك 10 ريال

كذه خلاااااااااص كفايه وبزياده عليك يلا لاعاد تطالب بالفلوس خليني اشوف حلالي هههههههههههههههههه



كــــــــــــــــــدش

[المثري]

طو طو طو طو طو طو طو طو طو انت وياه على الدورية وسلمو الفلوس الي معكم يا حرمية
مين بلغكم هاه المثري يطل من شباك سيارة الدورية ههاي ههاي ههاي شباب على السجن وخالد الشماسي اولكم لأنه متستر عليكم ههاي ههاي ههاي

[ماجد الشماسي]

ماعاش من يسجنهم وانا موجود

شرف يالمثري السجن والفلوس على قسمة ابو عمر

يالله بلا طمع بلا كلام فاضي يالمثري

لاهنت اخوي مساعد مع ان هالموضوع اتوقع بياخذ الاول من ناحية الزوار والردود لان المثري دخل فيه وياليل مااطولك

عاد المثري والفلوس اجتمعوا ياسلام سلم

مبروك مقدما اخوي مساعد حصول موضوعك هذا على المركز الاول فالزيارات والردود

[مساعد الرويشد]

السلام عليكم ورحمة الله وبركاته





بارك الله فيكم اخي المثري واخي ماجد ولاهنتو واشكركم على المرور والتعليق واسعدني ذلك جدا والله يبارك فيك اخي ماجد واعتقد ان مواضيعي ما هي الا قله امام عطاءاتك المميزة وانت من يستحق الشكر والتقدير

[ماجد الشماسي]

لاشكر ولا شي

الموضوع المميز هو الذي تجد الردود والتفاعل فيه كثيره

وموضوعك هذا اخذها بجداره

دمت ودام تواجدك بيننا

[مساعد الرويشد]

السلام عليكم ورحمة الله وبركاته





يا اخي ما جد قولها بصراحه ما له داعي تلف وتدور اكيد تبي شي من الفلوس ابشر والله بسعدك تراك واسطه هههههههه اشكرك اخي ماجد بس من طيب اصلك واسئل الله ان يوفقني واياكم لما فيه الصلاح والخير والله القادر على ذلك وهو ارحم الراحمين

[المثري]

ترا الفلوس من غسيل الاموال الي يبي بس يمد يده وياخذ ويسجل سند قرضه حسنه وعند السداد المبكر يسد النص بس
ما هي جت بلاش نسويلها كمان غسيل بتايد وكلوركس يعني عشان تنظف ونبيضها وينك يا كدشدش

[مساعد الرويشد]

السلام عليكم ورحمة الله وبركاته




يا اخوان انا بعترف تبون الصراحه والا ولد عمها الصراحه ها زين انا لاقيها اقصد الفلوس في مدرسه مهجوره واتضح لي بعد البحث والتحري عن اصحابها لقيتهم العماله محولين المدرسه بنك كل واحد مأخذ فصل وحاط فيها افلوسه حقين غسيل السيارات البنغالية والهنود والفلبينيين والمصريين واللبنانيين والسوريين والسودانيين والباكستانيين جميع العماله العربيه منهم والاعجميه وكل واحد حاط غفل على غرفتة كبر راسه وشفت لي يوم ما شفت منهم احد وجبت تاج قص واقص الغفول وشفت ما تشاهدون بالصور فلوووووووس واجد جدا جدا واخذت في نقلهم 5 ساعات ونصف الساعه وحبيت اوزعها عليكم اعضاء منتدى سبيع الغلباء واشكرك اخي المثري على المرور والتعليق واسعدني ذلك جدا

[ماجد الشماسي]

السلام عليكم ورحمة الله وبركاته





يا اخي ما جد قولها بصراحه ما له داعي تلف وتدور اكيد تبي شي من الفلوس ابشر والله بسعدك تراك واسطه هههههههه اشكرك اخي ماجد بس من طيب اصلك واسئل الله ان يوفقني واياكم لما فيه الصلاح والخير والله القادر على ذلك وهو ارحم الراحمين

ههههههههههههههههههههه

ماتشوفني من اليوم امدح فيك
بس انت بغيت لاتفهم
الحمد لله فهمتها الحين طيب برسلك خاص رقم حسابي
لايدري احد ( سكتيمي )

لاهنت يامميز

[المثري]

وانا اسعد بس جيب الفلوس خل تأليف القصص عني كل شوي طالع بسالفه تنصب علينا فيها

[ماجد الشماسي]

المثري مبروك افتتاح المنتدى

والله اشغلك عنا ماصرت مثل اول

على العموم الله يوفقك ويعطيك خيره ويكفيك شره

وترى المفروض تعطينا فلوس انت مو تاخذ منا

[مساعد الرويشد]

السلام عليكم ورحمة الله وبركاته




الله يعطيك العافية اخي ماجد الشماسي واخي المثري وانا يا اخي ماجد فهمتك بس اتغلا وبالنسبه لخوي المثري ناشب ما ادري وش فيه قلنا مسروقه وما صدق وان قلنا لقينها ما صدق بعد يا اخي المثري تراهي فلوس لاتجعلها سبب في تفريقنا وحنا ولاد عم افع عليك ابشر بعزك شفت الربطه الي بين رجلين الرجال في الصوره السابقه هي لك واشكركم على المرور والتعليق واسعدني ذلك جدا

[المثري]

المثري مبروك افتتاح المنتدى

والله اشغلك عنا ماصرت مثل اول

على العموم الله يوفقك ويعطيك خيره ويكفيك شره

وترى المفروض تعطينا فلوس انت مو تاخذ منا

هههههههههههه تكفي اضحكتني وانا زعلان اقول انا ما اجي الا عشان الفلوس وبس
تجيبوها ولا اتصرف انا النذاله ونعرف طريقها والطيب ونعرف طريقه
الي تبون حنا ساعين فيه اما واحد يقولي منتدى والثاني يقولي يا ولد العم هذي ما توكل عيش عجلو وخلصونا نصيبنا وهاتوه بايين الخط ولا اكبر اكثر

[مساعد الرويشد]

السلام عليكم ورحمة الله وبركاته





شف وانا اخوك يا ماجد الشماسي ولايهون الجميع شكل المثري مو تاركنا في حالنا ويبي يتقاسم الفلوس بس انا لقيت حل مناسب له وش رايك نوعده علشان نعطيه الفلوس زين في بر بعيد عن الانظار ونحط الفلوس قدامنا على الارض بس 4 الى 5 مليون مربوطات واذا جاء المطلوب اي المثري ويشوفها بيجيك ركض عليها علشان يشلها وما دراء الحبيب ان تحتها حفره تجي 3 امتار بيوقع فيها ونخليه اسبوع ونعود ونأخذ الدراهم من الحفره خخخخخخخخ وش رايك اخوي ماجد قدام ها اتفقنا واشكرك اخي المثري على المرور والتعليق واسعدني ذلك جدا

[المثري]

بعد ان قمنا بأخذ الصورة حللنا نوع الفرش الموجوده عليه الفلوس ورحنا لمستوردي الفرش النايلون الديكوري مدري وش اسمه المهم رحنا للمورد واخذنا اسماء كل التجار الي اشترو من نفس النوعيه واللون ثم رحنا للمحلات واخذنا اسماء المواطنين الي اشترو نفس النوعية وعرفنا بيوتهم وطلعو منهم خمسة عشر تجار وذوو راس مال على مستوى المملكة ثم رحنا حصرناهم على مستوى المناطق ووجدنا ان فيه منهم بالقصيم والرياض وجده والشرقية والجنوبية والشمالية يعني متوزعين وحصرناهم حتى عرفنا صاحب الصورة من رجيلاته وتمكنا من الوصول للمبلغ وانتم العبو بالصورة يا شطار ههههههههه هذا بحث وتحري المثري اقوى من الاف اي بي ههههه

[مساعد الرويشد]

السلام عليكم ورحمة الله وبركاته




اثاريك منت ابهين يا اخي المثري امسوي فيها كنن على غفله بس تكفى طال عمر ك الفلس ضاربني عطني اي شي الي تجود به نفسك مليون 2 وخلني اروح اشوف مستقبلي واشكرك اخي المثري على المرور والتعليق واسعدني ذلك جدا