دعواتكم لي

[نهار]

بسم الله الرحمن الرحيم


السلام عليكم ورحمة الله وبركاته

مساء الخير لجميع اعضاء منتديات سبيع الغلباء

أتمنى من الجميع الدعوه لي بان يكون اسمي مع الذين سينتقلون للعمل من المنطقة الشرقيه الى منطقة

الرياض السبت القادم بعد عدة سنوات من الانتظار

والله يكتب اللى فيه الخير

لا تنسونا من دعائكم

[خيَّال الغلباء]

الله يوفقك ويحقق نقلك

[نهار]

مليت منك يالشرقيه ولا ابيك

والقلب من شوفك من الهم مسموم

ومن كل قلبي اعترفلك مادانيك

ومضي الايام بك غصباً مجبور

[نهار]

الله يسمع منك يا خيال الغلبا

ويجزاك خير

[ماجد الشماسي]

الله يوفقك يانهار

وتنقل ان شاء الله للرياض

بس غريبه اول مره اشوف واحد يعيش بالشرقيه ويكرهها

كل معارفي اللي توظفوا هناك تكوا فيها ولا يبون المظهار

ممكن توضح الاسباب اخوي نهار علشان اقنع هالربوع ينقلون

[al-sary]

نتمنى لك دوام التوفيق

[المثري]

بسم الله الرحمن الريحم
اللهم انا نسألك باسمك الاعظم الذي اذا سئلت به اعطيت واذا نوديت به اجبت
اللهم يارافع السماء بلا عمد نراها وياباسط الارض وناصب الجبال ومسير السحاب
اللهم يامن له خضع الجبين ودمعت له العين ورق له الفؤاد وسبحت له الاعضاء
اللهم يا من اذا اراد شيئا قال له كن فيكن
اللهم انقل نهار الى الرياض وهو فرح وانت عنه راص غير غضبان
برحمتك يا ارحم الراحمين وبمنك وعطائك يا مجيب دعاء السائلين
الحمد لله والصلاة والسلام على رسول الله سيد الاولين والاخرين

[نهار]

والله اخوي ماجد السبب الاول والأخير اني عايش في مدينه كئيبه


وكل يبي فرقاها
وانا معك الشرقيه حلوه الدمام والخبر والظهران

بس طلع منها الجبيل ومن سكن فيها يعرف ماقصد الديرة ديرة عمل لاغير

والديار طلبت اهلها

[نهار]

الساري الله يجزاك خير ويوفقك وانا اخوك

[نهار]

اخوي المثري

الله يجزاك خير ويبيض وجهك

ويسعدك بدنيا والاخره

[مساعد الرويشد]

السلام عليكم ورحمة الله وبركاته




الله يربي يوفقك ويعطيك ما تمنيت بس عندي تعليق لاهنت ولاهان الجميع اخي نهار ياليتك ما ذكرت ما شعرت به نحو الشرقية لان باقي الديار عايشه من خيرها مثل البترول من عندنا ويغذي غيرنا الماء الحلو من عندنا ووصلوه للرياض بس لو ربعكم هناك يعطوننا وجه لتصير الشرقية ام الدنيا مو مصر الله مير يحييك بالشرقية والا بالرياض كلها ديار وحده يا اخي الرياض انا لي جماعه فيها ولاجيت عندهم ابي الفرقاء بس متى اعود وهم يضحكون علي انت بالرياض انت بس اخي نهار ما توفقة بالمنطقه التي عملت بها فلا تشمل المنطقة عن بكرة ابيها وتقبل مروري

[نهار]

والله يخوك يامساعد النفس طابت من هالديره

ودي بفرقاها اليوم قبل بكره بس ما باليد حيله وهذي فرصتي الذهبيه

ومثل ماقلت البترول مثل ماهو موجود بالمنطقه الشرقيه موجود بالرياض وشركه سابك مثل ماهي موجوده بالجبيل مقرها الرئيسي بالرياض بعد والتحليه كذالك

لاكن اللي يفرق ان الاهل موجودين بالرياض بس ماهو موجودين بالحبيل
والقرب وانا اخوك زين

وعلى العموم الله يجزاك خير

[نهار]

ياربع الدعوه بلاش

واذا تبون فلوس انا حاضر

بس افتك من الجبيل

[المثري]

الله يوفقك وتنقل 0 كل المملكه عزيزه على قلوبنا بس ديرتين ما مثلها بعد الحرمين
الاولى الي فيها حبيبك والرجل تدب محل ما تحب
والثانية مصقط راسك هاتين الديرتين بعد الحرمين على طول لا بترول ولا حتى مال قارون يسد عنهن
الله ينقلك محل ما تريد ويقربك لأهلك سالم غانم والاخ مساعد بس عشانه من هل الديره ويحبها زي انت ما تحب الرياض وكل لمنبع ماه يرد 0 ومساعد يدافع عن محبوبته ونقوله هات القصيد خلنا نسمع هههههه

[خيال الصفراء]

الله يوصلك لمرادك يانهار .. والله يكتبلك الخير ويسره لك





هاه بش نقلت ولا لا ترى اليوم السبت

[السنه السنه]

اسأل الله ان يوفقك في مبتغاك وان يحقق مرادك ويسعد عينك بشوفة هلك والقرب منهم . وترى الدعوه مجانيه

الله يقبلها .
بعدين لاتجينا بكره تقول ادعولي اني انقل من الرياض ترى الصيف جاي ويمكن تفكر في النقل للجنوب حول
حول البراد والمصطافين خخخخخخخ

بالتوفيق

[نهار]

خيال الصفراء

كان من المفترض اجاوبك على سؤالك

يوم الاحد
لاكن انتظر ونحن معك منتظرون

[نهار]

الشهري الله يجزاك خير

وما عاد نبي لا شرق ولا جنوب نبي الوسطى وبس

[نهار]

ماتلاحظون ان اليوم الربوع

ولا صار شي

ابغى مفسر يفسر لي هالشي وش معناته

[عوض السبيعي]

اخوي نهار الله يكتب الي فيه الصالح
واذا كان صلاحك وسعادتك في الشرقيه الله يثبتك فيها
واذا كان في الرياض الله يلبي مطلبك
اللهم امين

[السنه السنه]

انت تريد وانا اريد والله يفعل مايريد. وخل توكلك على الله وحده والله يوفقك

[عوض السبيعي]

عسى ان تكرهوا شيئا وهو خير لكم
توكل على الله والديار وحده وناخوك

[ماجد الشماسي]

جعل كل تاخيره فيها خيره

[عوض السبيعي]

هارد لك <<<<<<<<<<<واحد عربجي
اخو ي نهار والله قلوبنا معك بشرنا

[خيال الصفراء]

معناته انك الظاهر مانقلوك ياذيبان


الله يوفقك ماتدري وش الخيره فيه

[نهار]

أبشركم ماجاء نقلي

حظي أشقف

وين ماطقها عوجا

بس

الخيره فيما اختاره الله

:arabiyat-y:

[خيال الصفراء]

عسى ان تكرهو شي فيكون خيراً لكم وعسى أن تحبو شي فيكون شراً لكـم

الله يختارلك الصالح ياخوك والله يوفقك

[السنه السنه]

عسى في الأمر خيره وأنت ماتدري وش الخير فيه الله يسعدك وويوفقك حيث

ماكنت.

وترى عندي واسطه اذا تبي تنقل خرخير ولا طبرجل بس ادفع لنقيلك(10000)ريال واتعابي انا ببلاش ماني

ماخذ منك شي.

[راجح السبيعي]

الله يوفقك اخ نهار ويحقق امنيتك ورغبتك في النقول الى الرياض وتقبل تحياتي