غردت عوج الحنايا تغريد البلبلي

[مبارك مقين]

صدر البيت وعجزه ينتهي ب ( ب – ل) قبل الاخير للتوضيح




غردت عوج الحنايا تغريد البلبلي = فوق غصنن يلعب الريح بدقاق سبله

والسبايب منك يابو شفايف ذبلي =فاح صدر اللي عليك الهبوب تهبله

امسك الدله ياخدر العيون وصبلي= ضيف تبى تظهر الشمس وانت تصبله

الولع والشوق في ناظرك يشتبلي = مير لاتحرص وخل الهدوم مسبله

القوام وكل مافيك امانه لبلي = ضامر المثناه ولا الردوف محبله

خل عشاقك يطالع لو انه مكبلي = الرجلين مكبله واليدين مكبله

الجمال اللي خلى الهواه مهبلي = اعتبرني واحدن من حساب مهبله

ياضلوع العوج من حر مابك طبلي =ماقدرت اقلع طميه ولا اشتال جبله

الله يبلا من بلاني وهوه مابلي = ولع دقاق الحطب بين رمثه وعبله

جيت اطفيها وناشت دقاق السنبلي = والشرار يطير كنه شظايا القنبله

[خيَّال الغلباء]

صدر البيت وعجزه ينتهي ب ( ب – ل) قبل الاخير للتوضيح


غردت عوج الحنايا تغريد البلبلي = فوق غصنن يلعب الريح بدقاق سبله

والسبايب منك يا أبو شفايف ذبلي =فاح صدر اللي عليك الهبوب تهبله

امسك الدله يا خدر العيون وصب لي= ضيف تبى تظهر الشمس وأنت تصب له

الولع والشوق في ناظرك يشتبلي = مير لا تحرص وخل الهدوم مسبله

القوام وكل ما فيك أمانه لبلي = ضامر المثناه وإلا الردوف محبله

خل عشاقك يطالع لو إنه مكبلي = الرجلين مكبله واليدين مكبله

الجمال اللي خلى الهواه مهبلي = اعتبرني واحد (ن) من حساب مهبله

يا ضلوع العوج من حر ما بك طبلي =ما قدرت أقلع طميه ولا اشتال جبله

الله يبلا من بلاني وهوه ما بلي = ولع دقاق الحطب بين رمثه وعبله

جيت أطفيها وناشت دقاق السنبلي = والشرار يطير كنه شظايا القنبله

أخي الكريم الفاضل الشاعر القدير / مبارك بن مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الغزلية الرائعة والمعبرة والجميلة ولك لغة شعرية عذبة لا تشبه أحدا إلا أن عليها بصمة خاصة للشاعر القدير / مبارك مقين والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[جعد الوبر]

صح لسانك

[حزم الجلاميد]

مبارك مقين صح لسانك

[الله يجيب الخير]

صح لسانك

[مبارك مقين]

خيال الغلباء


جعد الوبر

حزم الجلاميد

الله يجيب الخير


صحت أبدانكم وتسلمون على المرور والتعليق


ولاعدمت طلتكم

[مشعاب]

شاعر كبير يا مبارك


صح لسانك مليون


الله يوفقك ويسدد خطاك


تسجيل اعجاب بهذه الدرر

[مبارك مقين]

مشعاب

صح بدنك

وشهادة أعتز بها كل الاعتزاز


ولاهنت

[راعي الذود]

صح السانك وسلم بنانك وننتظر المزيد من روائعك

[عبيد ابو شيبه]

قصيده من شاعر متمكن صح لسانك ولاهنت

[مبارك مقين]

راعي الذود

عبيد ابو شيبه

صح ابدانكم وتسلمون على مروركم وتعليقكم

الله يحفظكم