النداويـ
13 - 05 - 2009, 22:02
بسم الله المعبود منشي الخيالي = الخالق الرازق عظيم الجلالي
عليه في كل الأمور اتكالي = أبدا بذكره قبل هاذي وذيه
أبدا بذكر الله وأسوق النصيحة =والله يوقفنا العلوم المليحة
نسوقها لأهل الوجيه الفليحة =في نظم قاف حروفنا الأبجدية
(الألف) أبين حسب عرفي واقولي =من بعد ما قامت هجوسي تجولي
نصايح لأهل الوفاء والعقولي =والعرف يعطى للنشاما هديه
هدية ما نيب أدور وراها =مطامع الدنيا كفا الله غثاها
ألا رضى اللي مدته لاعطاها = ترضي النفوس الطاهرات الزكية
(والبا) بدت بعض الأمور الغريبة = مصيبة ياكبرها من مصيبة
شفت القريب اليوم يجفى قريبه =ماكن تربطهم علاقة قويه
في كل يوم يفزعون الفزوعي = بين الاخو وأخوه شي يروعي
واليا اصلحوهم ما تعدوا أسبوعي =ألا يجي عقب القضية قضيه
(والتاء) تراها عند شي بسيطي=والكل منهم في القضية شطيطي
ما علْموا أن الله عليهم محيطي =يدري بعلم البينة والخفية
من شان شبر تراب شقرت عصاهم =وابليس فرقهم وقطع عراهم
وفرحوا عليهم بالقطيعة أعداهم = وكل يشكل دون الأخر سرية
(والثاء) ثبر حظه ضعيف العزومي =اللي على ربعة يشن الهجومي
في كل يوم له عليهم سهومي =يرمي بها في كل صبح وعشية
غره ضحيك السن يوم يهرج له =اللي يدفة للمهالك بدجلة
لو ما يجيه من الصداقة درج له =حد العوافي ما توخر مجيه
وان جاء اللزوم وكشرت بيض الأنياب=جنب صديق العافية واغلق الباب
ولا عاد ينشد وين ترمية الأسباب =هذا الخوي اللي خدع به خويه
(والجيم) جود في عرى الله حبالك =هي السند لا ضيق الوقت بالك
ولا تنخدع بالوقت مهما صفالك =لا بد من يوم تجيك المنية
كم من غرير ضيعه طول الامهال=نسى الممات ولا خطرله على بال
حتى رمت به سود الأيام في الجال =وصارت حياته للمعاصي ضحية
(والحا) حياتك لا تغرك تراها =في كل يوم تدرج بك رحاها
واسمك مسجل في دفاتر سراها = شمس الضحى تزحف على كل فيه
مهيب للشيبان دون الشبابي =كم من صبي في جديد الثيابي
غارت علية ولحفته الترابي =في حفرة فيها العمل هو نجية
(والخا) اخطام النفس بيديك شده =وان حاولت ترخيه حذرا تهده
كم واحدٍ هده وقامت تصده =عن طاعة الله والحياة الهنيه
وازرا يجاهدها بعد ما تركها=لين حذفت به في خطر معتركها
وعاش الحياة اللي شديد ضنكها = لو تكثر أمواله حياته شقية
(والدال) درب الخير جود مساره =يفوز من حط اتخاذه شعاره
واللي سلك غيره حياته خسارة =لو قيل في دنياه ما شيف زيه
ترى الدروب اثنين للسالكيني =أما شمال تصير والا يميني
وكل يحصل مكسبه في الثنيني =أما شقى والا حياة رضيه
( والذال) ذل انفوسنا في المعاصي =يا الله منها نرتجيك الخلاصي
قدام لا نوخذ لها بالنواصي =ونطيح في نار الجحيم اللظية
كم للمعاصي من قتيل رمت به =في مظلمات ابحورها غيبت به
عن منهج الطاعة وأهلها نحت به=نحيه يا شينها من نحيه
(والراء) رفيق ما يدلك على الخير =جنب طريقة يازبون المخاسير
واحذر من اللي شبه بنافخ الكير =أهل الردى وأهل النفوس الردية
ترى جليس السو يدمر جليسه =وبصحابه الرجال كل يقيسه
كم واحد راحت حياته فريسة = لو كان نفسه في المخاطر جريه
(والزا) زمان فيه حاسد ومحسود =ما نته على مجلس هل الحسد محدود
جنب وتلقى غيرهم من هل الجود = مجالس فيها العلوم الطرية
مجالس اللي يكسبون النواميس = اللي بذكر الله نفرعنهم ابليس
كسابة الطالة مهم بالمفاليس=اللي مجالسهم حرام ووبية
(والسين) سمعك عن هل الهرج صونه =لا شفت من عرض البري ينهشونه
كم غافل بهروجهم يبهتونه =لو كان ما يسوون ماطى حذيه
مجالس الغيبة كفىالله خطرها =ولا كثر الله في العرب من عمرها
في المجتمع كم من شرور نشرها =خالف كلام الله وسنة نبيه
(والشين) شعر ما يخدم العقيدة = ما ينفع اللي منة كثر رصيده
ألا علوم للنشامى مفيدة =مثايلن من كل عيب نقيه
مايلفظ لسانك من القول مكتوب =وعليك لفظك في السجلات محسوب
صف الكلام ولا يجي فيه عذروب =قدامنا الميزان حسنة وسيه
(والصاد) صادق كل رجل صدوقي =اللي يحفظ حقوق راع الحقوقي
وان غبت يبقى في غيابك شفوقي =ما هوب من حط الصداقة مطية
كم من صديق يدعي بالصداقة=يجيك وان جيته على غير فاقه
ما من صداقة متخذها ادراقه =يرجي مصالح وايتحرى العطيه
(والضاء )ضميرك خلة ابيض من الشاش =ولا تنخدع باللي من الناس غشاش
ترى القلوب الصافية دائم هشاش =لاصحابها بيضٍ سليمة طويه
والرابح اللي له ضمير سليمي =ما شب بين الناس نار الجحيمي
أقصى العرب عنده سوات الحميمي=كل الرفاقة في عيونه سويه
(والطا) طرات الناس ترحم بعضها =ترى الحقوق الله علينا فرضها
ولا نلتفت للي عهوده نقضها =تكفون يا اهل المرجله والحميه
ترى التدابر والتقاطع ردى حظ =وابليس بالفتنة على الناس يركظ
وده عرانا كلبوها تنقظ =ونعود بعد الخير للجاهلية
(والظا) ظفر بالخير من طاع ربه = وان جاه ذا الوجهين علمه يكبه
ولا كل معصار يهزه مهبه = نفسه عن الهرج الملفق غنيه
ماهوب للنمام يرخي سموعه =لا قام يثلم بالنميمة ربوعه
وان جت على ربعة هزيعة تروعه=يوم أكثر العربان صارت رديه
(والعين) عيبك عن عيوب المخاليق =يكفيك لا تبدي مع الريع وتويق
أصلح عيوبك يا عشير المطاليق =ترى التغاضي عن عيوبك زريه
يا كثرما فينا عسى الله يروفي =لو ننتبه شفنا لا كن ما نشوفي
امن القدم للرأس فوق الكتوفي =يمكن عيوب الناس معنا شليه
( والغين) غيرك ما تشوفه يشوفه =ومن مد نصف الكف تملي كفوفه
ومن حاف خلق الله لقى من يحوفه =لا تحسبك صاحي والأمة غبية
في الناس من هو للعذاريب طراد =وليا نصحته من ردى حظه ازداد
علباه لا بليس العور دائم شداد =وعنده على طرد الردا مقدريه
(والفا) فراق أهل الردى والخساسه =اللي على الادنين فيهم نجاسة
عز لمن يرفع عن الهون راسه =والبعد عز للنفوس الأبيه
الحر يبعد لانفض ريشه الحوم =له ماكر ما ياصله طاير البوم
ولا انته برفقة هافي الحظ ملزوم =اللي على الادنين يدرج لحيه
(والقاف) قالوا دار تغني عن ديار = لا صرت في دار بها كل بوار
ما خليت ارض الله من الناس الأخيار =لأهل الوفا والجود باقي بقيه
تلقى من أهل الجود من يرفع الرأس =قربه لو أنه عنك من نايد الناس
أن جيت رحب وان تغيبت يحتاس = يشفق على شوفك وكفة سخيه
( والكاف) كم من طيب بار عانية = ولا رد رأسه للقريب يلاحيه
حرك قدم رجلة وبعد مراميه =لو كان يسكن في خبوت خليه
أمثال شالح يوم شاف المعاثير=اللي تحوس الراي من دون تفكير
عاف المقام وقال أنا اليوم ماشير =وحدر بزمله يم نجد العذيه
(واللام )لا تشفق على من تناساك=اللي يصد ولا يبي يكسب رضاك
خله يروح ولاقسى الوقت ينصاك =وان جاك دور للعلوم العليه
خلك على العليا حريصٍ شفوقي =واحذر من اللي يقطعون الحقوقي
وبالطيب لأهل الطيب خلك سبوقي =واللي يطيع إبليس خلة بغية
(والميم) ما يرفى خمال القرابات =إلا شريف النفس راع المروات
وان شاف الأدنى بين الادنين عيات =على قريبة ما يجي الذيب عيه
يغظ طرفة عن خمال الرفاقة = ولا يلتفت لأهل العلوم الدقاقه
ولا بد من يوم يعجل فراقه = ويندم على ما فات راعي الخطية
(والنون) نوماس الرجال الجزالة =احرص على العليا وفعل الجمالة
ولا تلتفت للي قصار حباله =عن مارد أهل الجود تقصر دليه
وبذل الوفاء والجود في كل حزه =يضفي على راعية ثوب المعزه
ومن لا يجيله في المواجيب فزه = منة العوائد عند أهلها بريه
(والها) هلاك المجتمع ونحطاطه =لا قل بالدين الحنيف ارتباطه
وأصغى لصوت اللي دعو لاختلاطه = صارت علية من الدعاوي دعيه
ولياتفقنا وجتمعنا على الدين = صرنا على كل المواجيب حرصين
وقمنا بحق الله وحق الموالين = ولا صار من بين المعارف شكيه
(والواو) وحد خالقك واطرق الباب = واقبل ترى الله يقبل العبد لا تاب
ولا تامن الدنيا وصكات الانشاب = غارات بقعى بينات وخفيه
واخلص عملك لخالقك لا عملته =واحذر تندم في جميل بذلته
لا صارت لله يوم قمت وفعلته = ما خيب الله من عمل له بنيه
(واليا) يا ربي رحمتك لا لفينا = في ساعة تشهد علينا يدينا
وأقدامنا وجلودنا شاهدينا = وشفنا الصحايف بالخطايا ملية
وصلاة ربي عد ما هلت أمطار = وأعداد ما في النبت من عود وازهار
على النبي المصطفى راعي الغار =محمد الهادي شفيع البريه
الشاعر/ محمد بن ماضي الحقي السبيعي
عليه في كل الأمور اتكالي = أبدا بذكره قبل هاذي وذيه
أبدا بذكر الله وأسوق النصيحة =والله يوقفنا العلوم المليحة
نسوقها لأهل الوجيه الفليحة =في نظم قاف حروفنا الأبجدية
(الألف) أبين حسب عرفي واقولي =من بعد ما قامت هجوسي تجولي
نصايح لأهل الوفاء والعقولي =والعرف يعطى للنشاما هديه
هدية ما نيب أدور وراها =مطامع الدنيا كفا الله غثاها
ألا رضى اللي مدته لاعطاها = ترضي النفوس الطاهرات الزكية
(والبا) بدت بعض الأمور الغريبة = مصيبة ياكبرها من مصيبة
شفت القريب اليوم يجفى قريبه =ماكن تربطهم علاقة قويه
في كل يوم يفزعون الفزوعي = بين الاخو وأخوه شي يروعي
واليا اصلحوهم ما تعدوا أسبوعي =ألا يجي عقب القضية قضيه
(والتاء) تراها عند شي بسيطي=والكل منهم في القضية شطيطي
ما علْموا أن الله عليهم محيطي =يدري بعلم البينة والخفية
من شان شبر تراب شقرت عصاهم =وابليس فرقهم وقطع عراهم
وفرحوا عليهم بالقطيعة أعداهم = وكل يشكل دون الأخر سرية
(والثاء) ثبر حظه ضعيف العزومي =اللي على ربعة يشن الهجومي
في كل يوم له عليهم سهومي =يرمي بها في كل صبح وعشية
غره ضحيك السن يوم يهرج له =اللي يدفة للمهالك بدجلة
لو ما يجيه من الصداقة درج له =حد العوافي ما توخر مجيه
وان جاء اللزوم وكشرت بيض الأنياب=جنب صديق العافية واغلق الباب
ولا عاد ينشد وين ترمية الأسباب =هذا الخوي اللي خدع به خويه
(والجيم) جود في عرى الله حبالك =هي السند لا ضيق الوقت بالك
ولا تنخدع بالوقت مهما صفالك =لا بد من يوم تجيك المنية
كم من غرير ضيعه طول الامهال=نسى الممات ولا خطرله على بال
حتى رمت به سود الأيام في الجال =وصارت حياته للمعاصي ضحية
(والحا) حياتك لا تغرك تراها =في كل يوم تدرج بك رحاها
واسمك مسجل في دفاتر سراها = شمس الضحى تزحف على كل فيه
مهيب للشيبان دون الشبابي =كم من صبي في جديد الثيابي
غارت علية ولحفته الترابي =في حفرة فيها العمل هو نجية
(والخا) اخطام النفس بيديك شده =وان حاولت ترخيه حذرا تهده
كم واحدٍ هده وقامت تصده =عن طاعة الله والحياة الهنيه
وازرا يجاهدها بعد ما تركها=لين حذفت به في خطر معتركها
وعاش الحياة اللي شديد ضنكها = لو تكثر أمواله حياته شقية
(والدال) درب الخير جود مساره =يفوز من حط اتخاذه شعاره
واللي سلك غيره حياته خسارة =لو قيل في دنياه ما شيف زيه
ترى الدروب اثنين للسالكيني =أما شمال تصير والا يميني
وكل يحصل مكسبه في الثنيني =أما شقى والا حياة رضيه
( والذال) ذل انفوسنا في المعاصي =يا الله منها نرتجيك الخلاصي
قدام لا نوخذ لها بالنواصي =ونطيح في نار الجحيم اللظية
كم للمعاصي من قتيل رمت به =في مظلمات ابحورها غيبت به
عن منهج الطاعة وأهلها نحت به=نحيه يا شينها من نحيه
(والراء) رفيق ما يدلك على الخير =جنب طريقة يازبون المخاسير
واحذر من اللي شبه بنافخ الكير =أهل الردى وأهل النفوس الردية
ترى جليس السو يدمر جليسه =وبصحابه الرجال كل يقيسه
كم واحد راحت حياته فريسة = لو كان نفسه في المخاطر جريه
(والزا) زمان فيه حاسد ومحسود =ما نته على مجلس هل الحسد محدود
جنب وتلقى غيرهم من هل الجود = مجالس فيها العلوم الطرية
مجالس اللي يكسبون النواميس = اللي بذكر الله نفرعنهم ابليس
كسابة الطالة مهم بالمفاليس=اللي مجالسهم حرام ووبية
(والسين) سمعك عن هل الهرج صونه =لا شفت من عرض البري ينهشونه
كم غافل بهروجهم يبهتونه =لو كان ما يسوون ماطى حذيه
مجالس الغيبة كفىالله خطرها =ولا كثر الله في العرب من عمرها
في المجتمع كم من شرور نشرها =خالف كلام الله وسنة نبيه
(والشين) شعر ما يخدم العقيدة = ما ينفع اللي منة كثر رصيده
ألا علوم للنشامى مفيدة =مثايلن من كل عيب نقيه
مايلفظ لسانك من القول مكتوب =وعليك لفظك في السجلات محسوب
صف الكلام ولا يجي فيه عذروب =قدامنا الميزان حسنة وسيه
(والصاد) صادق كل رجل صدوقي =اللي يحفظ حقوق راع الحقوقي
وان غبت يبقى في غيابك شفوقي =ما هوب من حط الصداقة مطية
كم من صديق يدعي بالصداقة=يجيك وان جيته على غير فاقه
ما من صداقة متخذها ادراقه =يرجي مصالح وايتحرى العطيه
(والضاء )ضميرك خلة ابيض من الشاش =ولا تنخدع باللي من الناس غشاش
ترى القلوب الصافية دائم هشاش =لاصحابها بيضٍ سليمة طويه
والرابح اللي له ضمير سليمي =ما شب بين الناس نار الجحيمي
أقصى العرب عنده سوات الحميمي=كل الرفاقة في عيونه سويه
(والطا) طرات الناس ترحم بعضها =ترى الحقوق الله علينا فرضها
ولا نلتفت للي عهوده نقضها =تكفون يا اهل المرجله والحميه
ترى التدابر والتقاطع ردى حظ =وابليس بالفتنة على الناس يركظ
وده عرانا كلبوها تنقظ =ونعود بعد الخير للجاهلية
(والظا) ظفر بالخير من طاع ربه = وان جاه ذا الوجهين علمه يكبه
ولا كل معصار يهزه مهبه = نفسه عن الهرج الملفق غنيه
ماهوب للنمام يرخي سموعه =لا قام يثلم بالنميمة ربوعه
وان جت على ربعة هزيعة تروعه=يوم أكثر العربان صارت رديه
(والعين) عيبك عن عيوب المخاليق =يكفيك لا تبدي مع الريع وتويق
أصلح عيوبك يا عشير المطاليق =ترى التغاضي عن عيوبك زريه
يا كثرما فينا عسى الله يروفي =لو ننتبه شفنا لا كن ما نشوفي
امن القدم للرأس فوق الكتوفي =يمكن عيوب الناس معنا شليه
( والغين) غيرك ما تشوفه يشوفه =ومن مد نصف الكف تملي كفوفه
ومن حاف خلق الله لقى من يحوفه =لا تحسبك صاحي والأمة غبية
في الناس من هو للعذاريب طراد =وليا نصحته من ردى حظه ازداد
علباه لا بليس العور دائم شداد =وعنده على طرد الردا مقدريه
(والفا) فراق أهل الردى والخساسه =اللي على الادنين فيهم نجاسة
عز لمن يرفع عن الهون راسه =والبعد عز للنفوس الأبيه
الحر يبعد لانفض ريشه الحوم =له ماكر ما ياصله طاير البوم
ولا انته برفقة هافي الحظ ملزوم =اللي على الادنين يدرج لحيه
(والقاف) قالوا دار تغني عن ديار = لا صرت في دار بها كل بوار
ما خليت ارض الله من الناس الأخيار =لأهل الوفا والجود باقي بقيه
تلقى من أهل الجود من يرفع الرأس =قربه لو أنه عنك من نايد الناس
أن جيت رحب وان تغيبت يحتاس = يشفق على شوفك وكفة سخيه
( والكاف) كم من طيب بار عانية = ولا رد رأسه للقريب يلاحيه
حرك قدم رجلة وبعد مراميه =لو كان يسكن في خبوت خليه
أمثال شالح يوم شاف المعاثير=اللي تحوس الراي من دون تفكير
عاف المقام وقال أنا اليوم ماشير =وحدر بزمله يم نجد العذيه
(واللام )لا تشفق على من تناساك=اللي يصد ولا يبي يكسب رضاك
خله يروح ولاقسى الوقت ينصاك =وان جاك دور للعلوم العليه
خلك على العليا حريصٍ شفوقي =واحذر من اللي يقطعون الحقوقي
وبالطيب لأهل الطيب خلك سبوقي =واللي يطيع إبليس خلة بغية
(والميم) ما يرفى خمال القرابات =إلا شريف النفس راع المروات
وان شاف الأدنى بين الادنين عيات =على قريبة ما يجي الذيب عيه
يغظ طرفة عن خمال الرفاقة = ولا يلتفت لأهل العلوم الدقاقه
ولا بد من يوم يعجل فراقه = ويندم على ما فات راعي الخطية
(والنون) نوماس الرجال الجزالة =احرص على العليا وفعل الجمالة
ولا تلتفت للي قصار حباله =عن مارد أهل الجود تقصر دليه
وبذل الوفاء والجود في كل حزه =يضفي على راعية ثوب المعزه
ومن لا يجيله في المواجيب فزه = منة العوائد عند أهلها بريه
(والها) هلاك المجتمع ونحطاطه =لا قل بالدين الحنيف ارتباطه
وأصغى لصوت اللي دعو لاختلاطه = صارت علية من الدعاوي دعيه
ولياتفقنا وجتمعنا على الدين = صرنا على كل المواجيب حرصين
وقمنا بحق الله وحق الموالين = ولا صار من بين المعارف شكيه
(والواو) وحد خالقك واطرق الباب = واقبل ترى الله يقبل العبد لا تاب
ولا تامن الدنيا وصكات الانشاب = غارات بقعى بينات وخفيه
واخلص عملك لخالقك لا عملته =واحذر تندم في جميل بذلته
لا صارت لله يوم قمت وفعلته = ما خيب الله من عمل له بنيه
(واليا) يا ربي رحمتك لا لفينا = في ساعة تشهد علينا يدينا
وأقدامنا وجلودنا شاهدينا = وشفنا الصحايف بالخطايا ملية
وصلاة ربي عد ما هلت أمطار = وأعداد ما في النبت من عود وازهار
على النبي المصطفى راعي الغار =محمد الهادي شفيع البريه
الشاعر/ محمد بن ماضي الحقي السبيعي