انتم سوات الجبل محدن يزيحه عن مكانه

[مبارك مقين]

سلام ياسبيع ياسبيع الوفا ياهل المواجيب = انتم هل المرجلة واهل الشجاعه والأمانه

انتم سوات النجوم اللي على الدنيا مراقيب = وانتم سوات الجبل محدن يزيحه عن مكانه

من ماضي الوقت وانتم للوفا ربع ومعازيب = سبيع من خلقت الدنيا ماذكرت بالخيانه

ماذكرت الا برد الثار لجت شقة الجيب = طريحهم تاكله شهب الحنادي في مكانه

حبالكم في المراجل تاصل طوال المجاديب = تردون ماهمكم رفع الوطا ولا طمانه

انتم حديتوا هلا الطولات عن حرش العراقيب = علم بعده لخلق الله وانا عندي بيانه

ماتاخذون العلوم اللي ترددها المناديب = تردون ورد الظوامي للعدود ام الرسانه

ماتقطعون النقذ لو حميت الدنيا لواهيب = طبع لكم لو تفسره العرب يارفع شانه

اللي يحسون صلفات الركايب بالعراقيب = كلن شداده من المطراش يسرجبه بطانه

يفرح بكم لا لقاكم ياكثيرين التراحيب = اقرب من ربوعه الادنين واقرب من اخوانه

يلقى الشحم والدلال اللي تقدم لشواريب = لو ياخذ مية سنة ماحس منهم بالاهانه

ماني باسب القبايل مير هذا حق مصيب = قبايلن حضرت التاريخ معطيها حصانه

الشاعر اللي تخير من جميلات النبانيب = اهدالكم من سمان القول بن وزعفرانه

يرتب القاف ويجيبه على زين التراتيب = والقاف مازان لين يزين في المبدا كيانه

ختام قولي سلام وذكر ربـن يعلم الغيب = صلوا على اللي بدأ التاريخ منه ومن زمانه

[خيَّال الغلباء]

سلام يا سبيع يا سبيع الوفا يا أهل المواجيب = أنتم هل المرجلة وأهل الشجاعه والأمانه

أنتم سوات النجوم اللي على الدنيا مراقيب = وأنتم سوات الجبل ما أحد (ن) يزيحه عن مكانه

من ماضي الوقت وأنتم للوفا ربع ومعازيب = سبيع من خلقت الدنيا ما ذكرت بالخيانه

ما ذكرت إلا برد الثار لا جت شقة الجيب = طريحهم تاكله شهب الحنادي في مكانه

حبالكم في المراجل تاصل طوال المجاديب = تردون ما همكم رفع الوطا ولا طمانه

أنتم حديتوا هل الطولات عن حرش العراقيب = علم بعده لخلق الله وأنا عندي بيانه

ما تاخذون العلوم اللي ترددها المناديب = تردون ورد الظوامي للعدود أم الرسانه

ما تقطعون النقذ لو حميت الدنيا لواهيب = طبع لكم لو تفسره العرب يا رفع شانه

اللي يحسون صلفات الركايب بالعراقيب = كلن شداده من المطراش يسرج به بطانه

يفرح بكم لا لقاكم يا كثيرين التراحيب = أقرب من ربوعه الأدنين وأقرب من اخوانه

يلقى الشحم والدلال اللي تقدم للشواريب = لو ياخذ مية سنة ماحس منهم بالإهانه

ماني بأسب القبايل مير هذا حق مصيب = قبايل (ن) حضرت التاريخ معطيها حصانه

الشاعر اللي تخير من جميلات النبانيب = أهدالكم من سمان القول بن وزعفرانه

يرتب القاف ويجيبه على زين التراتيب = والقاف ما زان لين يزين في المبدا كيانه

ختام قولي سلام وذكر رب (ن) يعلم الغيب = صلوا على اللي بدأ التاريخ منه ومن زمانه

أخي الكريم الشاعر / مبارك مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هالقصيدة الرائعة في قبيلتك سبيع الغلباء وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض وبصمة مبارك مقين كذلك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[خالد الشماسي]

صح لسانك

قصيدة رااااااااائعة في الفخر بالقبيلة


لا هنت اخي مبارك ودام لنا همال مطرك العذب


لا هنت

[مبارك مقين]

خيال الغلباء


خالد الشماسي


صحت أبدانكم وعسانا مانفقد تعليقاتكم المميزه


وشاكر لكم الاهتمام