اول مصافحه انا سفير الشعر

[جميل المطرفي]

انا سفير الشعـر ميراسمعـو زيـن=سفير مالـي مكتـب (ن)فاالسفـاره
شاعر واغني ليل يـا ليـل ياعيـن=لادبلومـاسـيـاً ولالـــي وزاره
عشت بدوى عند الغنـم والبعاريـن=بعيد عـن جواالتـرف والحضـاره
والبيت شعبي كابس السقف با الطين=وسيارتي ددستـن قديمـه غمـاره
ومديلها بالضبـط تسعـه وسبعيـن=وقزازهـا مضلـل وخلفـي ستـاره
واشوفها عنـدي تسـاوى ملاييـن=لو كان بعض احيان فيهـا حـراره
امشيبها فاالخبـت مابيـن ضلعيـن=واقنـص وادورللقهـد والـوبـاره
واتابـع الاخبـار واخـذ عناوييـن=ويحز في نفسـي اطفـال الحجـاره
وادعي عسى ربي يحـرر فلسطيـن=ونرجـع الاقـصـى وناخذبـثـاره
الـي توالـوه اليهـود الشياطيـن=تحفر فـي ساسـه وتهـدم جـداره
وبسلاحها تمنـع جميـع المصليـن=والي يصلي فـوق راسـه خفـاره
واسمع خبرعاجل وفا الحال ذلحيـن=جيش التحالـف دوب قايـم ابغـاره
هل القنابل فـوق مسجـد وبيتيـن=من شان رفع الصوت فوق المنـاره
واغيرالموجه مـاودي خبـر شيـن=واطيح في سوق الـورق والتجـاره
واليا المذيع يذيع وسـط المياديـن=سوق هـذا اليـوم كلـه خسـاره
واقول وش ذنب الضعوف المساكين=احقوقهـا تسلـب بفـن وشطـاره
راحو ضحيه عند ناس(ن) مجانيـن=اسـف هواميـرن مافيهـم نعـاره
ياكم ناس(ن) من سببهـم مداييـن=وكـلاً علـى بابـه مثبـت خفـاره
لاكن شرهتهم على اهـل الموازيـن=والحر يفهم ياعـرب بـا الاشـاره
وانا بدوى عنـد الغنـم والبعاريـن=لادبلومـاسـيـاً ولالـــي وزاره

[خيَّال الغلباء]

أخي الكريم / جميل المطرفي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شانك وأرحب تراحيب المطر حللت أهلا ونزلت سهلا وأهلا هيل عد السيل في محلك وبين إخوانك أبناء قبيلة سبيع بن عامر الغلباء في شبكة سبيع بن عامر الغلباء متمثلة في منتدياتها وحياك الله من ممشاك إلى ملفاك ويشرفنا انضامك إلينا ونقول لك كما قال الشاعر السبيعي :-

يا مرحبا ترحيبة البدو بالعيد
= تباشروا به يوم شافوا هلاله

وقال شاعر اّخر من غير قبيلة سبيع الغلباء :-

يا مرحبا ترحيبة البدو بالسيل
= ترحيبة العود العمى في عياله

ومرحبا ألف وإن شاء الله تجد في محلك وعند إخوانك أبناء قبيلة سبيع بن عامر الغلباء بين جنبات منتدياتهم ما يسرك ويثلج صدرك وتبتهج له أساريرك وإن شاء الله تفيد وتستفيد ومنك ننتظر ما تجود به نفسك من بوح قلمك هذا والله يحفظكم ويرعاكم مع خالص التحية وأطيب الأمنيات واسلم وسلم والسلام .

[متيح بن معرض]

جميل المطرفي صح لسانك واعتلا شانك

ومرحبا بك بين اخوانك و أحبتك

[ابو راجس]

بيض الله وجهك

والله لايهنك

[فراج آل ماضي]

بيض الله وجهك يسفير الشعر ويهلابك بينا

[جميل المطرفي]

اشكر الجميع على المرور واترحيب وانشاالله اكون عند حسن ظنكم

انتم اهل الاوله وهل الكرم والشهامه والفعل والتاريخ


تقبلو تحياتي وحترامي