الشاعر / عبدالله عبيد بن شداد الثوري السبيعي يندب الأمير / سلمان بن عبدالعزيز

[عبدالله بن شداد]

سلام يامير المهمات سلمان صقر الرياض اللي رفع مستواها
راع المكارم والوفى رجل الاحسان
يمناه مثل الغيث مكثر صخاها
غيث اليتيم اللي من الحزن تعبان
اللي دموعه فوق خده كفاها
ينسيه مامره على طول الازمان
ينعم تحت ظله وينسى شقاها
سعد السجين اللي ورى سد بيبان
اللي حياته عاش قمة قساها
وانانصيتك ياسلايل كحيلان
في حاجة عليك ماهون قضاها
اثقل علي من السروات والعان
وجبال شمرخ والطوال وحصاها
عندك مثل بشتك على ذيك الامتان
ذيك المتون اللي يذري ذراها
انا دخيلك يبيض الوجه سلمان
ودخيل ابوك اللي ابسيفه حماها
ودخيل لعيالك محمد وسلطان
من حد سيف كم رقبة وطاها
حكم القصاص يخلي الحر جبان
يهدم احلوم في خياله بناها
سته من الاطفال ينخون سلمان
اعيونهم تبكي وطول ابكاها
اثنين معهم زاد سكر وحرمان
السن طاعن والسنين ابجفاها
عسى تقوم وتنجلي كل الاحزان
تبرى اجروح في افوادي خفاها
والخصم وافي من طويلين الايمان
روس الرجال اللي بعيد مداها
ماكان كان وكنت انافيه خسران
خسرت اخوي وزدت عيني عماها
يالله ياللي فارض خمس الاركان
عساه فالجنه سعيد ابرضاها
الفضل لله ثم لكم ياهل الشان
بيدينكم حل العلوم ونهاها
اندبك ياسلمان في موقف حان
وقفتك دايم فالعلى منتهاها
ارفعلك الصرخه واناخلف قضبان
عساك تسمعها وياصل صداها
الله يحفظك صاحب الجود سلمان
صقر الرياض اللي رفع مستواها

[خيَّال الغلباء]

بسم الله الرحمن الرحيم



سلام يا أمير المهمات سلمان =صقر الرياض اللي رفع مستواها
راع المكارم والوفى رجل الإحسان=يمناه مثل الغيث مكثر صخاها
غيث اليتيم اللي من الحزن تعبان=اللي دموعه فوق خده كفاها
ينسيه ما مره على طول الأزمان=ينعم تحت ظله وينسى شقاها
سعد السجين اللي ورى سد بيبان=اللي حياته عاش قمة قساها
وأنا نصيتك يا سلايل كحيلان=في حاجة عليك ما أهون قضاها
أثقل علي من السروات والعان=وجبال شمرخ والطوال وحصاها
عندك مثل بشتك على ذيك الأمتان =ذيك المتون اللي يذري ذراها
أنا دخيلك يا أبيض الوجه سلمان=ودخيل أبوك اللي ابسيفه حماها
ودخيل لعيالك محمد وسلطان=من حد سيف كم رقبة وطاها
حكم القصاص يخلي الحر جبان=يهدم احلوم في خياله بناها
سته من الأطفال ينخون سلمان=اعيونهم تبكي وطول ابكاها
إثنين معهم زاد سكر وحرمان=السن طاعن والسنين ابجفاها
عسى تقوم وتنجلي كل الأحزان =تبرى اجروح في افوادي خفاها
والخصم وافي من طويلين الأيمان =روس الرجال اللي بعيد مداها
ما كان كان وكنت أنا فيه خسران=خسرت أخوي وزدت عيني عماها
يالله ياللي فارض خمس الأركان=عساه فالجنه سعيد ابرضاها
الفضل لله ثم لكم يا أهل الشان=بيدينكم حل العلوم ونهاها
أندبك يا سلمان في موقف حان=وقفتك دايم فالعلى منتهاها
أرفعلك الصرخه وأناخلف قضبان=عساك تسمعها وياصل صداها
الله يحفظك صاحب الجود سلمان=صقر الرياض اللي رفع مستواها

الله يفك أسره ويعتق رقبته والله يسخر صاحب السمو الملكي الأمير / سلمان بن عبدالعزيز أمير الرياض .

[عبدالله بن شداد]

تسلم اخوي خيال الغلبا على الرد والله يستجيب دعاك والله يحفظك ‎

‎‎

[lion1430]

تكفى يا أبو فهد الثوري داخل على الله ثم عليك

[جعد الوبر]

يالله إن تفرج له

[خيّال العرفا]

يالله إن تيسر له خلق من خلقك