وقال الشيخ : السبعان رجال من أولهم لتاليهم

[ابو عبدالله غفر]

السلام عليكم
هذي القصه القصيره سمعتها في مجلس احد الشيوخ قبل كم يوم واسعدتني وحبيت اوصلها لكم
على امل ان يكون فيكم احد يعرف بطل القصه ويوصل سلامي ومبتي له .
يقول المتحدث وكان الحوار عن الاعلاميين ..

فيه اعلاميين وصحفيين لديهم دعم قوي من شيوخ وناس اكباريه عشان كذا امورهم تتسهل لانهم
ما يكتبون اسم قبليتهم مثلا فلان الفلاني ولا يكتب فلات السبيعي او العتيبي او كذا وهم كثار لكن
شخص خبرني عن اعلامي قبل ثلاث سنوات يعمل في جريده الجزيره واسمه فهد السبيعي لما بدأ عمله
كصحفي وفي بدايته جاه احد هالصحفيين ونصحه وقاله يا فهد لاتكتب اسم السبيعي في الجريده وراح تلقى
اللي يخليك مميز . فقاله هالسبيعي وش تبيني اكتب يعني .. قال اكتب فهد ال كذا اسم جدك او جد ابوك
هالاسماء يهتمون فيها الاعلاميين والاكباريه .. فكان ردت فعل السبيعي مختلفه واصر على اسمه والان
انا شفته قبل كم يوم بالتلفزيون مميز وله ظهور جيد .. ورضى بالقليل من الظهور ورفض التخلي عن اسم
قبيلته ..
يعني في تصوري ان الاعلاميين عيال القبايل يتمنى ان يشتهر بس ما يكون على حساب ترك اسم قبيلته
وهذا شرف كبير له ..
قال الشيخ : السبعان رجال من اولهم لتاليهم ..

هي القصه واتمنى ان اي شخص يعرف هالصحفي يسلم عليه كثير السلام وعلى عموم السبعان اللي
ماتركوا قبيلتهم عشان شهره ..

[خيَّال الغلباء]

أخي الكريم / أبو عبدالله غفر السلام عليكم ورحمة الله وبركاته وبعد : شكرا جزيلا لك على الموضوع وبيض الله وجه الصحفي / فهد السبيعي الذي رفض أن يتنازل عن اسم قبيلته من أجل الشهرة وبيض وجه الشيخ الذي يقول : السبعان رجال من أولهم لتاليهم وفي كل دار حقها من رجالها والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[خيّال العرفا]

مشكور وما قصرت ولا هنت

[صامل الميقاف]

مشكور وما قصرت ولا هنت

[نهار]

صحيح كلامك يابو عبدالله فتجد الكثرين من يتنازل عن أسم قبيلته لي أرضا الناس أو لجذبهم

لكوننا نعيش في العصر الذهبي لتعصب القبلي

وقد وقع فيها الكثير من الكتاب فتجد القليل من يكتبون أسم القبيله في اخر الاسم !