صبرت وطال بي صبري .. احسبه شدةٍ وتـزول ***إثر طول الصبر يوذي ولا يسقي من الساقـي؟؟!!

[راعي مرات]

عندما ترسمك المعاناة حرفاً ....

أتمنى أن يجد القبول... هذا النزف



دخيلك .. يالعيون .. اللـي تذكرنـي بهـاك الـزول =دخيل الليل واسراره 00وريحة عطرهـا الباقـي
دخيل الجرح..0 واحزاني .. ولفة (غدفة) المجمول =إلـى شـال اللثـام أصيـح ياستـار.. يـاواقـي
ورمشٍ ساطيٍ ساحـر ..وشعـرٍ فاحـمٍ مفلـول =إلى شفتـه علـى متنـه تولـع فينـي أشواقـي
دخيل الله انا منكم ..ومـن نـزفٍ كمـا الهملـول =تزايـد همـه بصـدري ولا ينفـع بـه الراقـي
أجاهد من ثمان سنين أخاف يقال لي مهبـول؟؟!! =كتمت الوجد واخفيته ولـو عـن اقـرب رفاقـي
صبرت وطال بي صبري .. احسبه شدةٍ وتـزول=إثر طول الصبر يوذي ولا يسقي من الساقـي؟؟!!
إلى ضاقت بي همومي رقيت بعالي (الغرمـول)=أطـوح فوقـه اصـواتٍ أنتلهـا مـن اعماقـي
تهـب النـود بانسـامٍ عليلـة كنـهـا (معـمـول) =إلى ركّب هـوا الشرقـي يزيـد القلـب دقاقـي
ألا ياويل من مثلي 00مصيره في يـد المجهـول =قضى عمره وهو يرجي بوقتـه لحظـة إشراقـي
أنـا والهـم.. والغربة00وحيـلٍ طايـحٍ معلـول =تعاهدنا على حبـه .....وهـو سمـي وترياقـي



عبدالرحمن بن عبدالله المجلي السبيعي

راعي مرات

[خيَّال الغلباء]

أخي الكريم الشاعر الفاضل / عبدالرحمن بن عبدالله المجلي السبيعي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شانك على هذه القصيدة الجميلة والمعبرة عن أصدق المشاعر الجياشة في الغزل والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[وطبان]

مشكور صح لسانك وما قصرت ولا هنت

[صامل الميقاف]

مشكور وما قصرت ولا هنت