خاص جدا لرجال سبيع فقط

[ذيب الغداري2]

السلام عليكم ياشباب سبيع
ياشباب موضوع هذا اليوم اكيد مر على اكثرنا في مجالسنا يا سبيع ويمكن بعضنا تطرق له في احد المجالس ،،،،،،،،،
الموضوع هو:::
بمناسبة قرب اعلان النتائج النهائية للثانوية العامة كنا نتكلم عن وضع الخريجين وطريقة تقديمهم للوظائف ،، وكل شخص يتذكر المعارف وذلك للفزعه في الوظيفة .
فقال احدهم : ياشباب ( السبيعي ) اذا مسك منصب حكومي سواءا مدني او عسكري ماينفع ربعه بل ينفع البعيد ويترك القريب ،، وهذه الجملة نسمعها دائما في مجالسنا فما ادري ماهو السبب؟!! هل الذي يقولها قد مر بموقف معين وخلاص حكم على الجميع بأنهم لاينفعون!!!! ام يسمع ويردد فقط!!!
انا اللي اشوفه ان السبيعي المحب لابناء قبيلة انه بيفزع لهم قدر المستطاع ويجب على الطرف الاخر تقدير الفزعه حتى ولو لم يحصل شي لانه بذل الجهد والباقي خارج عن ارادته.

اما جملة ان السبيعي ماينفع فقد تسمعها من افراد قبيلة اخرى في رفيقهم مثلا المطيري يقول ان ابن عمه ماينفعه وكذلك العتيبي والدوسري .........الخ ،،

ياشباب نتمنى ان لانسمع هذه الجملة مرة اخرى وان شاء الله السبعان فيهم خير لبعض وفيهم الفزعه والنخوة لعيال عمهم وغيرهم ....

لقد طرحت الموضوع لمشاركة ابناء سبيع في الموضوع ولكي نشوف مالدينا من افكار واقوال قد تفيد الصالح العام ، واي شخص حصله موقف قد يستشهد به ولكم جزيل الشكر.......

[الســـامي]

موضوع مهم كما تفضلت


ولكن من قال ان السبيعي مقصر في حق ابناء عمه او اقربائه؟؟؟؟


انا استحضر موقفين لا بناء القبيله منهم من يشغل منصبا ومنهم من كان في منصب:


1- اسئلو من كان في كليه المعلمين في بيشه قبل حوالي 5 سنوات تقريبا.

2-اسئلو عن اللي في وزاره الصحه.


هؤلاء قدمو ما بوسعهم
ومازالو يقدمون كل جهدهم
من اجل ابناء هذه القبيله

[اخو شما]

فعلا هذه المقوله دارجه للأسف

وقد ينقلها المتحدث بدون ان يتأكد من صحتها

مع انني اجزم انها غير صحيحه

ومازلت ادين لرجل من سبيع وقف معي وقفه لن أنساها له طول عمري

وقف معي لأني سبيعي فقط وبدون سابق معرفه

ولو أني أخاف من مضايقته لذكرت اسمه هنا

حتى انني أذكر ان بعض الزملاء من قبائل اخرى تمنوا لو ان هذا الرجل منهم

طبعا قد يوجد امثله سيئه ولكنها لاتعكس القاعده العامه

والامثله السئيه قليله جدا ولاتقارن بالامثله المضئيه المشرقه

وكل القبائل الاخرى على هذا المنوال ففيهم الجيد والسيئ

[ولدالوجيرب]

اخوي السامي



موضوع مفيد

وانا اقول

بصراحه كل واحد يبغى ينفع ربعه



لكن هو يبذل المجهود ويمكن ينفعك ويمكن لااا


لكن مشكلتنا انا نبغى كل شيء يصير ايجابى



بصراحه انا صار معي مواقف منها توسطت بناس كثيرين



وكلهم سوو اللي عليهم لكن مانفعت الواسطه



اللي تنفع واسطه الله اذا التجيت اليه بالدعاء


ومثل ماقال اخوشما فيه الطيب


وفيه الخيب



ومشكور يالغالي

[ذيب الغداري2]

السامي : شكرا على التعليق وعلى ذكر المواقف اللي تشرف ويستاهل سعادة الدكتور ، وراع الصحة ايضا .
اخو شما : شاكرلك المرور وشكرا ..........

[ذيب الغداري2]

الاخ ولد الوجيرب : شكرا على المشاركة وكاتب الموضوع هو ذيب الغداري2 لكن حصل خير،،،والي فزع ماقصر!!!

[السبع الحر]

صدقوني ياشباب ان الواسطه دورها ثانوي في القبول من عدمه الاهم من هذا الاهتمام من شباب القبيله بالاختبارات وبعد ذلك حتى اللي ماهو سبيعي بيفزع لان اللي يستاهل يستاهل وحنا نبغى نكون نستاهل ولكن الدور المطلوب هو لفت نظر الشباب للجهات اللي تناسبهم فكل واحد سيبدع في اتجاه وسيفشل في اتجاه لان القلب مشكله مالها حل
على العموم السبيعي عليه دور في استقبال ابناء عمه وفتح بيته لهم ايام التقديم والذهاب معهم لان بعض الشباب مايعرف يقدم او يمل بسرعه من الزحمه لعامل السن والخبره وبذل مايستطيع وبدون ذكر اسماء اوجهات لمن يتوسط من السبعان وكل سنه وسبيع بخير وعامة المسلمين

[ولدالوجيرب]

اسلم يالذيب



اخوي ذيب الغداري


آسف





تسلم يمناك


ولاهنت يالغالي