الزعيم مطلوب للمحاكمه :)

[ابو تركي]

السلام عليكم ورحمة الله وبركاته


اخوي الزعيم بغينا ناخذ معك محراف للاستفاده لا اكثر :)


سلام الله برديه على سلم الوفا والطيب
--------------------- هذا الاول والاول ما يجي في موضع التالي

تهيض يالزعيم لوقفة ٍ ما تقبل التجنيب
......................... تبا تصبح بعدها يا عميلي عضو فعالي :icon_bigg

[طويق]

يلو يلو يلو يلو يلو يلو يلو يلو واحد يبي يخرب ويمشي

عانه جاك مناك بيخترق الصفوف وااااااااااااااااااااااااااااو سقس مشوت


عاش الشاعر ( هذا بعد ما استغل فرصة على المقرفون) واط واط

[أبوسيف السبيعي]

طويق :rolleyes:

الله يشفيك :rolleyes:

هههههههههههههههههههه :D

[ابو تركي]

اي والله يستحق من يدعي له بالشفاء :)




لا هنتوا على مداخلاتكم ياربعنا

[الـزعـيـم]

مرحبابك يابوتركي لاكن قبل المحاكمه وش التهمه الموجه لي:

عموماْ حياك الله وابشر بمى يرضيك:


هلا يامرحبابك عد مايبدي القمر ويغيب=هذا الأول والأول جاك والثاني على بالي

حظرنا وان حظرنا نحتمي الماقف لونه اصعيب=ولاني طامع في مرزقك ياطيب الفالي

[ابو تركي]

الله الله ياسلام


عندك :

عسى فيك البقا يالشاعر اللي ما قرب للعيب

........................... مدام السوق بين اهل الوفا بالمعرفه غالي

تعدينا مراحل تفرق التبعيد والتقريب

.......................... نبا نغير معك درب ٍ ثبت ياطيب الفالي :)

[ابو تركي]

وييييييييييييين صفوووووف المنتدىىىىى



اللييييييييييييل :)

[الـزعـيـم]

انا وأنته كلانا ماقربنى الشك ولاالريب&& مادام السوق غالي نصرف اجنيهات وريالي

تعدينا مراحل تفرق التصديق والتكذيب&& توكلنا علي الله والدروب اعراض وطوالـــي

[ابو تركي]

الله الله ياسلام



جاك:

مضى عمرك مضى واليوم مقبل يولد للشيب

.................. وهذي حالة الديره . حقيقه غصب تنقالي :)

على كل الديار المضميه ما يصلح التعزيب

................... وعاين صالح جمالك وانا بعاين جمالي

[ولدالوجيرب]

اسلم اسلم



الله الله ياشعارنا



طاررررررووووووووق راااااااااااااااااااائع


اخوي ابوتركي

اخوي الزعيم

واصلوا

هذي صفوفكم اسلم


:|:|:|:|:|:|:|:|



:|:|:|:|:|:|:|:|

[ابو تركي]

مرررحبا ياولد الوجيرب




عاااااااااااااااااش عااااااااااااااااااااش


مرورك يكفي لا عدمتك




لا هنت

[الـزعـيـم]

مضى عمرك مضى وانته مابين الناس ود وجيب&&وهاذي حالت اصحابك عسى الله يستر الحالي

بغيت أطلا جربها من جسدها يمكن انها اطيب &&وعيت لاتطيب وحملها من فوقها مــــــــــــالي

[ابو تركي]

طيب طيب


جاك :)

تجمعتو سوا لكن من يعلم صروف الغيب

..................... لو انا نعلمه ما غير المنزال منزالي

ظنون الادمي بعض الليالي يالزعيم تخيب

................... وانا ما اضحك على حالك ولا تضحك على حالي :)

[الـزعـيـم]

تجمعنا سوا نبغى نحاول نصلح التخريب&&ولاكن اكتشفنى ان الخلل في روس الأموالي

اظن الوظع يبغاله يابو تركي بعض ترتيب&&ولاتشغل بها بالك ولاهي شاغله بالـــــــــي

[ولدالوجيرب]

يسلموووووووووووووووووووووووووووووو



وااااااااااااااااااااااصلوااااااااااااااااا




منذ مبطي عن المحاوره



الصفوف ياشباااااااااااااااااااب




عدل الصف من عندك ياولد


صف ابو تركي

:|:|:|:|:|:|:|:|:|:|


صف الزعيم

:|:|:|:|:|:|:|:|:|:|


صفي

:applaudit:applaudit:applaudit:applaudit:applaudit :applaudit

[ابو تركي]

الله الله


صح الله لسانك يالزعيم ولا هنت


تشرفت بمجاراتك طال عمرك


ولناء لقاءات قادمه



عسى الله يصلح روس الاموال :)

[ابو تركي]

الله لا يهينك ياولد الوجيرب



عزالله انك ممكسب وشعلة المنتدى



لو اني مسؤول حطيتك مشرف المنتدى :)


الحي يحييك


لا هنت

[الـزعـيـم]

صح بدنك يابو تركي ولاهنت على كل حال

والطيب مايجي منه الاطيب وهاذي الساعه المباركه

ولاهنت يابو سيف ,ولاهنت ياولد الوجيرب
علي مسكت الصف ولاهي غريبه على الطيبين

ولنا لقاء اخر يابو تركي انشالله........

[مروّض]

صحت ألسنتكم يا الربع...

أبو تركي++الزعيم

لا هنتما على اللعب النظيف...طاروق جميل

و أسمحوا لي لعدم تمكني من مسك الصف...ما دخلت الموضوع ألا هالحين..

و أتشرف في المستقبل بمسكه لكما أو معكما...فأنا ما أدخل عادة ألا في الصباح

أبو تركي..


على كل الديا المضميه ما يصلح التعزيب=و عاين صالح جمالك و أنا بعاين جمالي

الزعيم..


بغيت أطلا جربها من جسدها يمكن انها تطيب=و عيت لا تطيب و حملها من فوقها مالي

أخي ولد الوجيرب...ما قصرت و بيض الله وجهك

[ابو تركي]

صح بدنك اخوي مروّض



حنا لنا الشرف بمرورك طال عمرك وابرك الساعات


وانا تراني مثلك ما اشبك الا اوقات الدوام الرسمي:)



لا هنت وتقبل احلى تحياتي


اخوك ابو تركي

[ابن جـــــــراح]

ابو تركي + الزعيم
ما قصرتوا شعار وجزلين
صحة السنتكم ولا هنتوا
وعذرا على التاخير
تحياتي للجميع