الحياة حظوظــ؟!

[الشاعرشبيب زبار]

العدالة حق والظلم يهدم له بـــــــــــلد (=)وأجتهاد الرجل شي من أسباب النجاح

أتقلب في حياتي واحاول واجتـــــــلد (=)وأدري أن الوقت دوار والدنيا كــفاح

وأبن أآدم طول عمره حياته في كـــبد(=)لو يحاول يسترح في حياته ماأستراح

والحياه حظوظ والحظ مادري ياسعـد(=)كم شجاعٍ صار حظة على خف وجناح

كل ماوعد له الزين جاء دون الوعد (=) يزهم ويصيح له مير مافاد الصيـــاح

أن زهم للحظ يمشي وقف والا قـــعد(=)وأنزهم للحظ قاعد نطل راســـه وطاح

كنه الماهونه اللي توقف بالــــــعمد (=)كل ماتقف شوي أبركة وسط المراح

هاكذيا الحال والسبت يتلاه الأحدالصباح (=)أتلى المسى والمسى أتلى الصبـــــــاح

وش بعد مادري وش اللي باقي بـــعد (=)باح سدي ياسعد منه والمذخور بــــاح

والسنين عجاف وأنا ماعادأني بـــــولد(=)والعطاء دونه حالة الناس الشحـــــــاح

وأن جمعنا بشي طارت به عيون الحسد(=)ضربها في وسط مالي مثل ضرب السلاح

كل ماأقبل مزنة وسطهــــــــــا برق ورعد(=)فرقتها قبل تمطر ذعـــــــاذيع الريـــــــــاح

لين نوخني زماني علــــى الحزم الــــــجلد(=)في لهيب القيض وأدنى مشاريبي مـــــلاح

كل ماجريت حــــــــبل تلـــــــوى وانـــــــعقد(=)يبس حلقي من الضــــــمى مالقيتك يالقراحالشاعر/ شبيب بن زبار السبيعي

[خيَّال الغلباء]

أخي الكريم الفاضل الشاعر / شبيب بن زبار المشعبي السبيعي السلام عليكم ورحمة الله وبركاته وبعد : كل عام وأنتم بخير وصحة وسلامة وشهر رمضان الفضيل عليكم مبارك جعلنا الله وإياكم وإخواننا المسلمين في كل مكان من صوامه ومن قوامه ومن عتقائه من النار وصح لسانك وسلم نبضك وبنانك وإعتلا شانك على هذه القصيدة الرائعة المعبرة وكلن حظه مكتوب ولا له غير المكتوب وعليه التوكل على الله والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والامتنان مقرونا بجزيل المحبة والاحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[خيّال العرفا]

شبيب بن زبار صح لسانك ومشكور وما قصرت ولا هنت

[فارس العشر]

بيض الله وجهك يابو زبار ومد الله بعمرك على طاعته

[حزم الجلاميد]

الشاعر الكبير/ شبيب بن زبار المشعبي السبيعي صح لسانك ومشكور وما قصرت ولا هنت

[جعد الوبر]

مشكور وما قصرت ولا هنت

[الشاعرشبيب زبار]

صح أبدانكم
ومشكوورين على مروركم الطيب

[عايش ابوليل]

لله درك

شاعر متمكن ومبدع يابو زبار

صح لسانك وسلم بنانك كل بيت أطيب من الثاني

لاهنت وعسى العوض في مقبلات الليالي ... :)

تحياتي لك