يا رفيع الشان يا سامع (ن) خاف الدبيب

[مبارك مقين]

يارفيع الشان ياسامعن خاف الدبيب =في ظلمن كن لونه سوادن غنطليس

أنت بمرك تطلع الشمس ثم بمرك تغيب =تجري الأيام هاذا ربوع وذا خميس

مخرجن من صافي الدم والفرث الحليب =لذتن للشاربين أبيضن ماله جنيس

يالله يارحمان ياغافرالذنب القطيب =بينن توه ومبطن مع الماضي دسيس

مع مرور الوقت سيلان حدرله مع شعيب =راح في بطن الثرى من يعرف لماه قيس

آه وا عزاه والجتي لجت ذهيب =مع مطاليع الثريّا مخا ليلن ايبيس

يتوهج فوق روؤس الحصى حام اللهيب =والأراضي ناشفه كل مرعاها حميس

برّكت شيب الغوارب من الحر العطيب =تنتظرلليل لهب نسناس ونسيس

ثم تقافت جلها قدم دقتها هريب =بسمارالشهب تاطي حيايا الخندريس

كن جضيض أصغارها في مغاريب القليب =جضت أهل المعركة يوم حميت بالوطيس

ذي مشفحها لي خضخض الماء تستجيب =صحتن في روؤسها من ابليس لي بليس

كن ونين اللي ورائها ونين المصتصيب =يوم ترخي متنها للحمول وتستريس

صوت سجد الماء مع انحورها قضرام ذيب =طايحن بأقصى المغاره له أسبوعن قريص

الأمل في خاطري لابعيد ولاقريب =شايفن حبل الرجا لابرخوولامسيس

اشتكي لله ربن على خلقه رقيب =غير ذكره مال قلبي من الوحشه ونيس

[خيَّال الغلباء]

أخي الكريم الفاضل الشاعر القدير / مبارك بن مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الإبتهالية الرائعة والمعبرة والجميلة والله يونس وحشتك ولك لغة شعرية عذبة لا تشبه أحدا إلا أن عليها بصمة خاصة للشاعر القدير / مبارك مقين والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[حزم الجلاميد]

مشكور وما قصرت ولا هنت

[خيّال العرفا]

مبارك بن مقين صح لسانك

[مبارك مقين]

خيال الغلباء

حزم الجلاميد

خيال العرفا

صح أبدانكم ولله دركم على مروركم وتعليقكم الطيب

وشهادتكم اعتز بها واعلقها وسام على صدري

والله يحفظكم

[ابومحمد القباني]

صح لسانك ابيات بنيت بإبداع