هذولا هم الغلباء هذولا هم الصلفين = نهار المزاحم حوض الأقدار يردونه

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : لقد وجدت هذه القصيدة للشاعر / مسلط بن حسن العتيبي مهداة في مدح الشيخ / مسلط بن شعيفان اّل أبو اثنين ومن ثم قبيلة سبيع بن عامر الغلباء ويقول في مقدمتها : هذه القصيده مهداة للشيخ / مسلط بن شعيفان أبو ثنين السبيعي ومناسبتها بعد ما سمعت عن صيت أبو ثنين وقصائده الجزلة التي أعجبتني وخاصة القصيدة التي يقول فيها أبو ثنين :-

قـالـوا هبـيل وجايز لي إهبالي
= إهبال طيب ولا صحاوة رخامه

وأبو ثنين يقول ويفعل ذكره طيب مع الناس ومعروف عند القاصي والداني وأنا بهذه المناسبة رديت فيه هذه القصيده أقول فيها :-


أبا أبدا بذكر الله وأسلم على أبو اثنين =على الشيخ مسلط جعل الأنذال يفدونه
سلامي على مسلط عدد من سكن بالصين =وعدد وابل الوسمي إليا هلت مزونه
أنا أسمع بصيته مير أبي شوفته بالعين =قبل لا يحيل الموت يالربع من دونه
تنشدت عن مسلط ودلوني الذربين =وقالوا ترى كل المناعير ينصونه
فرح خاطري باللي سمعته عنه ذا الحين =وقبلي طحاطيح الرياجيل يطرونه
نبيع الرخوم ونشتري خوة الغالين =ما دام إن روحي مع هل الطيب مرهونه
عزيز الجناب وصامد في العسر واللين =يجي ثابتٍ مثل الجبل ما يهزونه
يجي فزعةٍ للي عشرهم تجي ثنتين =وهداج تيماء يروي اللي يرودونه
من اللابه اللي دايمٍ بالكرم ضارين =زحول الرجال وجارهم ما يضدونه
هل الماقف الطيب هل السيف أبو حدين =على قمة التاريخ والمجد يبنونه
هذولا هم الغلباء هذولا هم الصلفين =نهار المزاحم حوض الأقدار يردونه
هل الجيش وأهل الخيل لطامة المخطين =كعام الخصيم وكل طامع يردونه
مدحت السبيعي والسبيعي من الوافين =ومن يمدح الطيب حشى لا تلومونه
سمعت القصيد وشاقني بالكلام الزين =بيوته عن الزلات والنقد مصيونه
مثل ما بدينا بذكر اللي حمى البيتين =جزيل العطايا والمخاليق يرجونه

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .

[وطبان]

مشكور وما قصرت ولا هنت

[خيَّال الغلباء]

وطبان جزاك الله خيراً ولا هنت

[شعيفان السويدي]

الله لا يهينك وصح لسان شاعرها وناقلها

[خيَّال الغلباء]

شعيفان السويدي جزاك الله خيراً ولا هنت

[lion1430]

مشكور وما قصرت ولا هنت

[خيَّال الغلباء]

الأسد جزاك الله خيراً ولا هنت

[كليب]

مشكور وما قصرت ولا هنت

[جعد الوبر]

مشكور وما قصرت ولا هنت

[خيَّال الغلباء]

كليب عامر جزاك الله خيراً ولا هنت

[خيَّال الغلباء]

جعد الوبر جزاك الله خيراً ولا هنت

[صامل الميقاف]

مشكور وما قصرت ولا هنت

[عواكيس]

مشكور وما قصرت ولا هنت

[خيَّال الغلباء]

صامل الميقاف جزاك الله خيراً ولا هنت

[خيَّال الغلباء]

عواكيس جزاك الله خيراً ولا هنت