مساجله بين سلطان الحضبي ومحمد المطلق الفطيماني

[سعود السهلي]

بسم الله الرحمن الرحيم

أبناء عمي الكرام
السلام عليكم ورحمة الله وبركاته


هذه القصيده موجهه الشاعر: محمد بن مطلق الفطيماني السهلي رحمه الله الي الشاعر المعروف/ سلطان بن مقعد الحضبي السبيعي حفظه الله ..





يقول محمد الفطيماني




آه من حظٍ سقط وانهار جرفه= طاح يا سلطان وابطى في مطاحه
في محلٍ ودك انك ماتعرف= من دخل به يشتكي قل ارتياحه
أن طلعت ابسيب وان خشيت غرفه=ذا خبيث وذا بعد مافيه راحه
منه قلبي يالسبيعي يبس حرفه=بينه وبين الهنى يالقرم شاحه
والجفن طول الدهر ماغظ طرفه= جاه من زود العنى همٍ وشاحه
من زمانٍ بالمشاكل زاد سرفه=جا طلاح لي وجنبني صلاحه
جاك ياسلطان خطي وسط زرفه=مختومٍ مابعد طقت شباحه



رد سلطان بن مقعد




وصل خطك يا محمد وسط ظرفه=خطك اللي فيه معسول ابملاحه
العسل مضمونه وتنسيق حرفه=اشهد ان قولك تميز بالصراحه
قلت همك حاط بك من كل درفه=والعنى خيم على قلبك وفاحه
مير جعل اللي تبى ورده تخرفه= وتقضي العمر بهناه وبنشراحه
وتجتمع بغزيلٍ حلوه وترفه= وعقب ضييقك يا الشلي تلقى فساحه
ان تهيا شف بالك جرحك ارفه= قرب من حبيت فالدنيا رباحه
كل منا له غرابيله وظرفه=ما يصاح لواحدٍ يسمع صياحه
المقدر لانكتب مافيه صرفه=لاح ياملاحي كثير الهم لاحه
من همومي كن حالي عود قرفه=كل يوم اقول بامشي للبراحه

[خيَّال الغلباء]

أخي الكريم / سعود السهلي بعد السلام رحم الله الفطياني وصح لسان الحضبي وجزاك الله خيراً ولا هنت واسلم وسلم والسلام .

[سعود السهلي]

خيال الغلبا




حياك الله يالغالي .



وحياالله الوجود الطيب والداعم لنا ..



وجزاءك الله خير يابن العم .



اخوك

[كليب]

مشكور وما قصرت ولا هنت

[فاهم النظرة]

صح لسان ا لشاعر محمد الفطيماني وصح لسان الشاعر سلطان الحضبي على المساجله القيمه

وسلمت ياسعود السهلي على النقل المميز

[سعود السهلي]

كليب


حياك الله يالغالي .




ووجودك يالغالي مطلب ..



الله يوفقك ..



اخوك سعود

[سعود السهلي]

ابن العم فاهم النظره



حياك الله يالغالي ..



وتواجدك يابن العم مكسب..



وأشاره للجميع :


قصائد الاخ سلطان جد" جميله ويتميز بعذوبة التصويره ولها حس له اثر في النفس..