عطوني رايكم يابني عمي

[نبع الوفاء]

قصيدةالذيب

للشاعر:سعد سحمي المحمدي السبيعي


الذيب لامنه تخاوى مع الذيب
يسرون ليل دامس في ظلامه...
وضح النقا درب مشوبه ع الطيب
والدين منهجهم وجود وكرامه...
متنزهين عن جميع العذاريب
ماهمهم هرج القفا والنمامه...
عون الرفيق الي تلوابه الشيب
اليا نزل يرفع لحد الغمامه...
بين القبايل يدركون المواجيب
وتضربهم الامثال شرقه وشامه...
لاجيتهم تلقى الشحم والتراحيب
وتلقى علوم اهل الوفا والكرامه...
ودلال صفر مبهرات محاديب
والعود الأزرق داير بنتظامه...
طراه بال وما عن الطيب تجنيب
الطيب لهل الطيب فخر وزعامه...
ماللردى بين الرياجيل توجيب
ندعس على راس الردى والرخامه...
فزعاتهم لصوت الذيب للذيب
لاضاقت الدنيا اطش العمامه...

وسلامتكم ...

[خالد الشماسي]

صح لسانك اخوي سعد


قصيدة جزلة يا شاعر الجزالة



اطلالة موفقه ،، وهلا بك في شبكة سبيع


الشطر الأخير فيه خطأ مطبعي

لاضاقت الدنيا اطش العمامه...

اعتقد انه هكذا

لاضاقت الدنيا نطش العمامه...


للوزن .... تحياتي لك

[نبع الوفاء]

الأخ خالد الشماسي
مشكووور على المرور الرائع وحنا جايين نفيد ونستفيد
والله يبيض وجهك

[خيّال العرفا]

صح لسانك

[نبع الوفاء]

صح بدنك خيال العرفاء
مشكووور على المرور

[فاهم النظرة]

طراه بال وما عن الطيب تجنيب
الطيب لهل الطيب فخر وزعامه...

صح لسانك يانبع الوفاء وانت راعي طيب قصيده جزله تحياتي لك حفظك الله

[ماجد الشماسي]

قصيده جزله

وصح الله لسانك

وتقبل مروري المتواضع

[نبع الوفاء]

الله لايهينك اخوي فاهم النظره
ومشكوور على المرور

[نبع الوفاء]

الله لايهينك اخوي ماجد الشماسي
ومشكوووور على المرور