اول قصيدة اتمنى توجيهي وتقويمي

[فيصل الربيعان]

اول قصيدة لي بالمنتدى واتمنى من الاخوة الشعراء او من له معرفه بالشعر ان ينقدها نقد ادبي ويبين لي معائبها ومحاسنها وانا وضعتها لكي استفيد منكم وشكرا....



(((( القصيدة ))))



حـنا الـربيـــعان وسـبـيـع لــنـا لابه
تعرف الـربيــعاني لامن تـعـزويـت



خــــل الــعــــزاوي فمــــك يحــــكابه
بـتـشـــوف شي ماعـمـرك رئيـت



صــغــارنا للـثــــقــــال دايم طــــلابه
وبالمـراجل حــنا ذايعـين الصيت



وبالـفـعـايـل بنـتـنا بـعـشرة ذيـابه
وتـقــص الــراس لامـن تــعــديت



الكـــرم حـنا اللـي فـتــحـنا بـابه
التـاريخ يشـهد ماقلت وحكيت



وجــدنا ربيـــعان للــمـــكارم غـــابه
وحــنا عـلى حـــده بيــت بيــت



ولـصـكات بـقـعاء حــنا حــرابه
نفــكـها لامـن صــوت ونخـيـت



الـكايـده لاطـــرى أسمـنا تهـابه
تعـرف أن فعـلنا مثل الدنمـيت



الربيــعان ايه هم أهـــل الـذرابه
وطيبتهم بحـر منه أبد مارويت



المحـمـد كرم وفعل دوم تعـزوابه
والــعـــلي رزه ومــقـام وصـيـت



والنـاصر شهـامه ووجـه تذرابه
والحمــيدان اللي يـعـاديهم مـيت



هذولا عيال الـعـود بيـنهم مابه
فرق قولوا للي بفرقنا خـسيت

[نبع الوفاء]

اول شي والله ونعم بك وربعك...

ثاني شي انا شاعر لكن مانيب الشاعر المتمكن لكن حمدلله لي قصائد وكذا مره لعبت
محاوره مع شعار من قبيله سبيع معروفين ومنهم الشاعر الكبير سالم بن سحمان
وعده شعراء..!!

قصيدتك ياخوي فيصل اغلب ابياتها مكسوره وتخلو من بعض المعاني وكل الي قلته كلام
قالوه الشعار كلهم لكن لو أنه موزون اقل شي يعطي القصيده طابع آآخر

على العموم الشعار كثير بالمنتدى ومانيب افضلهم ولعلهم يفيدوك ..؟؟

تقبل كلامي بصدر رحب والله يسعدك ويوفقك دنيا وآآآآخره ...