أشيمطٍ زانـي قضـا عمـره بحانـات الخمـور = والعايلـه ورعٍ يغـرّر بـه وبـنـت مهمّـلـه

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه الأبيات المعبرة عن بعض الأحوال وقد أعجبتني وأتمنى أن تحوز على رضاكم مع العلم أنني وجدتها في أحد المنتديات مهملة القائل أترككم معها حيث يقول الشاعر فيها :-


يالله وأنا طالبك تغفـر لـي ذنوبـي يـا غفـور=أرجيك وألجا لك وأنـا أسألـك وأعيـد المسألـه

لو ما تطهرنـي بعفـوك مـا تطهرنـي البحـور=جيتـك وذنبـي قـد تعـلى غاربـي يـا ما أثقلـه

أنا من الطين انخلقت أخطـي ولا ني بمعـذور=قامت عليّ الحجّـه بدعـوة رسلـك المرسلـه

مؤمن بتوراتـك وإنجيلـك ومؤمـن بالزبـور=وبسنّـة محمـد وآيـات الكـتـاب المنـزلـه

لكن خُدعت بزخـرف الدنيـا وزادتنـي غـرور=أبدت مفاتنهـا وورتنـي مـن العمـر أجملـه

طبعاً بما إنـي بنـي آدم حصـل منّـي قصـور=وأذنبت يـا مـولاي ذنـبٍ بالخفـا مـا تجهلـه

أسألك تغفر لي وتستر موقفـي يـوم النشـور=إليا إلقفت خلقـك صحايفهـا وهـي مستذهلـه

من يستلمها بالشمال أفلس وهـو يدعـو ثبـور=ومن يستلمها باليميـن أفلـح لخيـر المنزلـه

وأسألك يا ربـي تعاونّـي علـى نيـل الأجـور=أحيا حيـاةٍ مكسبـي فيهـا مـن البـر أفضلـه

وأسألك جاهٍ مع هـل الدنيـا وحـظٍ مـا يبـور=أيضاً وعرفٍ مـع هـل الحكمـه ورزقٍ تكفلـه

من لا تهيّا لـه مقـامٍ مـع طويليـن الشبـور=يبكي على ما ضاع من عمره وخيبـات عملـه

وإن شاب راسه لا ترجّى فيـه تجبيـر الكسـور=لا خير فـي تالـي زمـانٍ مـا تغانمـت أوّلـه

ومانيب ناسي قصةٍ صـارت وأنـا أزور القبـور=لا زلـت أفكـر فـي غرابتهـا وبالـي تشغلـه

ساعة ظهر لي شايبٍ له حول قرنيـن محجـور=في جوف قبرٍ عن هـل الدنيـا طـواه ويعزلـه

سلّم وجا صوبي يقول : أبنشـدك يللـي تـزور=عن حالة الدنيا وعن وضع الزمان وعـن هلـه

أنا مضى وقتي ومـرّت بـي طويـلات الدهـور=والباقـي بعمـري بعيشـه بينكـم واستكملـه

قلت : الزمان اللي يبارينا علـى خبـرك يـدور=الوقت نفسـه مـا تغيّـر ماشـيٍ فـي جدولـه

أما البشر لا والله إلاّ غير من حد الجـذور=صار انتقالٍ مـن يميـن إلـى يسـار المنقلـه

استغرب الشايب من اللي قلـت وبليّـا شعـور=حط اليمين أعلى الشمال وخاطـره فيـه أسئلـه

قال : افتني عن حالة الشيبان والشيـخ الوقـور=أهل الخبر والراي والحكمـه وضـرب الأمثلـه

القدوه أصحاب الأمور اللي تطـاع بكـل شـور=اللـي يفضّـون النـزاع ويحكمـون المشكلـه

قلت : البعض منهم على ما قلت في وصفك وقور=قدوه ولكن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور=اللـي تلاقيهـا مـع اوّل فـرصـةٍ متنصّـلـه

والبعض لا عبـدٍ يخـاف الله ولا عبـدٍ شكـور=لا زهّـده شيبـه مـن الدنيـا ولا هـو جمّلـه

بهيمةٍ يرجـع علـى منحـاه الأوّل ومحصـور=فـي لعـب بيلوتـه وريـح زقارتـه ومعسّلـه

والبعض الآخر شابت رموشه على درب الفجـور=ينقـل جـوازه للسفـر مـن مزبلـه لا مزبلـه

أشيمطٍ زانـي قضـا عمـره بحانـات الخمـور=والعايلـه ورعٍ يغـرّر بـه وبـنـت مهمّـلـه

قال : افتني عن حالة الخفـرات ربّـات الخـدور=اللي تصـان بـبيـت عايلهـا وبابـه تقفلـه

شيهانةٍ تشمخ عفاف وتصقـل فـروخ الصقـور=بين الفريق بـبشتهـا الضافـي وثـوبٍ تسبلـه

قلت : العـذارى فـي زمنّـا ببغـاوات الطيـور=تقليد هرج وعرض ريـشٍ خلفهـا تستخملـه

تلبس عباةٍ ضيّقـت حـول الردايـف والخصـور=فضيحةٍ تكشف جسدها مـن علـوّه لـاسفلـه

وموضة شيالٍ تكشف الوجنات وألـوان الشعـور=والمحـرم تبـدّل بـجـوالٍ بيـدهـا تحمـلـه

لا فوّحت صفر الدلال ولا عرفت غـش القـدور=تطبـخ لـهـا خـدّامـةٍ بالعايـلـه متوكـلـه

الأم ما صانت عفاف البنت من عمـر الزهـور=والأب ديّـوثٍ تحكـمـه حـرمـةٍ مسترجـلـه

وشلـون يتربّـى عيـال أم التبـرّج والسفـور=إلاّ خنـازيـرٍ دمـاهـا بــارده ومغـفّـلـه

قال : افتني بحال الشباب الصلب صيّـاد النمـور=الفـارس اللـي ينطـح خصومـه بزنـدٍ يفتلـه

الوافي الشهم الغيور اللي لعرض الجـار سـور=البار عند أمّـه وأبـوه وعلـم ربعـه يشغلـه

قلت : الشباب بوقتنا وجهه مثـل بـدر البـدور=والجسم من زود الرخا ما تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور=والثـوب راح ولا بقـى إلاّ عـالـمٍ متبنطـلـه

ناسٍ فلنتينو وناسٍ تلبـس كرستانديـور=صار التنافـس بينهـم فـي لبسهـم والجنتلـه

من كان يشرب من قرار البير مشروبه بيور=والبل راعيها غدا يشـرب حليـب النستلـه

ما منهم اللي قام دون أعـراض جيرانـه غيـور=من قام قالو وشـملقّف حضرته ؟ وشـدخّله

والوالدين حقوقهم ضاعت وعنهـم فـي نفـور=إن غـاب عنهـم لا تذكرهـم ولا جـاه الولـه

بدّا عليهم شلّـةٍ تهـوى الوطـا بيـن الجحـور=لو تعزله عنهم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور=حتى ابن عمّه يعرفه بالوجـه واسمـه يجهلـه

بدّل حكاه وضيّـع سلومـه وحالـه فـي دبـور=وإن شاف ضيف يخش حتى إنّه يفـارق منزلـه

ناظر لي الشايب بعينٍ تجمـع السبـع البحـور=يقول : أنا لا يمكـن أدخـل مجتمعكـم وأقبلـه

أنتو لكم وقتٍ تصـدّع مـن بلاويـه الصخـور=ما يقعد الجمّال به ساعـه ولـو ضـاع جملـه

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .

[خيّال العرفا]

مشكور وما قصرت ولا هنت

[خيَّال الغلباء]

خيّال العرفا جزاك الله خيراً ولا هنت

[حمد ع ح]

مشكور وما قصرت ولا هنت

[خيَّال الغلباء]

حمد جزاك الله خيراً ولا هنت

[حزم الجلاميد]

مشكور وما قصرت ولا هنت

[وطبان]

مشكور وما قصرت ولا هنت

[خالد الشماسي]

مرحبا خيال الغلباء


القصيدة للشاعر / ظافر بن لعور القحطاني


بصراحة قصيدة تحكي الواقع


تصوير رائع



لا هنت

[خيَّال الغلباء]

حزم الجلاميد جزاك الله خيراً ولا هنت

[خيَّال الغلباء]

وطبان جزاك الله خيراً ولا هنت

[خيَّال الغلباء]

أخي الكريم الفاضل الأستذ / خالد الشماسي بعد السلام كل عام وأنتم بخير وصحة وسلامة ومن العايدين الفائزين وجزاك الله خيراً ولا هنت واسلم وسلم والسلام .

[السيف]

لاهنت وسلمت يمينك

قصيدة جدا مؤثرة وتحكي حال الناس هذه الايام