نداء لرواة الرفاقه الثقاة المعروفين

[نجم رنيه]

هناك قصه بين الشيابين على راس جهز بن فهيد شيخهم ومعه بن عديس شيخ العمور من الشيابين

ارادو غزوة القريشات من سبيع ولم أقبلوا عليهم هزع بن عديس وتراجع

فزعل بن فهيد وقال ذليت يابن عديس

وحفر قبر وقال هذا قبر بن عديس وصلى عليه وفيها قصيده علما" بان بن عديس رد عليه رد مقنع وقال له

لم أخاف ولكن هؤلا القريشات وانت تعرفهم ربعي في هذا المغزا اكثر من ربعك وحملت الذبح بتصير فيهم وانا

شاحن بهم واقفى بربعه

من يعرف قصيدتها لأن فيها مدح لسبيع والقصيده جميله لايبخل بها

[القريشي11]

يانجم رنيه انت ذكرت ان القصيده جميله اكيد انك سمعتها ولا لا وياليت تساعدنا بالبحث عنها

[مناحي المحمدي]

السالفة على الصنادلة
بدون قصور في القريشات

وقال الفارس مناحي الصندلي
والقصايد اللي بوردها ليست كاملة .

يالله يامـذري هبـوب النسانيـس
الاقدار لامنـه ومرهـن مشنـي
ذيب المصيده ناد ذيب الهلاقيـس
تلقى العشى ياذيب في رودهني
جانا جهز على طـوال النسانيـس
سبع ٍِ على فرس اللحم مستسنـي
يلوعنا بام الرصـاص الدلابيـس
ويلعوهـم مـن عندنـا مثلهـنـي

وقال خال جهز "غير متأكد " رد على الرياجيل يقول افتك بالقصيد
حييت يامنهو هرج هرجـة القيـس
بفعولنـا وفعولـه اللـي مضـنـي
قامو وحدونا على الوادي ابو الخيس
العفو يـوم اقفـن ثـم اقبلنـي
لحقو على الابل كاسبين النواميـس
كـل أبلـج ٍ قـرب جـواده يعنـي
لحقو بصمـع ٍ كنهـن المحاسيـس
صويبهـن يبطـي بكونـه يـونـي


================================================== ===

اذا كانت الهية على القريشات لا اعلم .

والقريشات بينهم وبين الشيابين هيات واجد ومات منهم فرسان كفو . مثل :
* سند ابا الخيل الزبلوقي .
* ضاوي الازلع الزبلوقي .
* براك ابن سحمان العبدلي .
* حمدان ابن شاهر الخليفي .
* شاعي ابن سحمان الخليفي .

وغيرهم والحمدلله على نعمة الاسلام

[نجم رنيه]

القصيده منها بيتين

العلم يابن عديس يوم الفشق ثار *** قبرك اخو هملا نزاح الحريبي

حطو على قبرك نصــــــــائب وقبار *** يطيب لك ولا على غير طيبي


أخو هملا شيخ الشيابين ابن فهيد

[خالد الشماسي]

هذه القصة على فاجر بن شليويح واللي عيا يغزي معهم البراق حسب ما سمعت من الراوية محمد بن طهماز الشماسات

يقول : نوى يغزي فاجر بن شليويح قبيلة القريشات ودى مرسولة للبراق وعيا البراق يغزي


يقول البراق : القريشات قد نزلوني من ظهر الفرس سبع مرات وعاهدوني ان قد غزيتهم ما يشوفوني عيالي .

ولا نيب غازي


فجاء فاجر بسرية غازين على القريشات وهم سبع بيوت سابعهم صالح بن طهماز الشماسات وكانوا خواله

يقول : جونا العصير وظهرنا عليهم من البيوت سبعه كل ببندقه وهم قصدهم يشوفون عددنا


فاسندوا الغازين ولم يقاتلون


يقول فاجتمعنا : وقلنا اللي جونا وراحو بتطيح عمايمهم بكره بمرحنا .

فاجتمع الراي بأننا نلحقهم بالليل ونقاتلهم .


وكانت ليلة ممطره

فلما راح ثلث الليل لحقناهم شابين ضيانهم وهم عشر " خبر " الخبره = 10 تقريبا

يقول فنزلنا ثيابنا وجيناهم من كل جهه واحد


واتفقوا ان اول من يثور بندقه الأقصى جهة الشمال وكل واحد عليه " خبرة "

يقول : فقمنا نعتزي .. خيال الشرفا عسيلي .. خيال الشرفا عسيلي ونصيح ونرمي

يقول فقتلنا منهم كثير الا فاجر .. امتطى فرسه بحديدها وانحاش

يقول : صالح بن طهماز فجاء مكسبي سبع من البنادق وفرس


وهذا يعني ان فقط 30 شخص اللي خذو سلاحهم وانحاشوا و 70 اما ميت او هارب بدون سلاح



هذه القصة من راويه وهو حي يرزق برنيه


تحياتي لكم

[فهيد القريشي]

ابو عمر


بيض الله وجهك ,,


وبيض الله وجهه محمد بن طهماز الشماسات


راعي العلوم الوافيه

[نجم رنيه]

شكرا" لكل من عقب على الموضوع تحياتي ومازلنا ننتظر الأظافه