مرثية / محسن غازي الهويج في خاله / بادي فهيد شريان

[ابن محسن الهويج]

علم (ن) لفاني ضيق الصدر بالحيل
جاني بــه الجوال عـبــر الشريـحــه

قالوا توفى خالك وقـلــت يـالـيــل
من كثر هوجاسي زهمت القريحه

والدمع من عيني سوأت الهماليل
أبكي على خالي عسى الله يبيحه

الله يعفو عنه عقب البهاذيل
عسى مقره فالجنان الفسيحه

نبكي على رجل (ن) لربعه مداهيل
الساس طيب والنوايا صريحه

تشهد لي البتراء وأدان الغراميل
يوم(ن) بيته فالرفاعه يزيحه

مشيدن كنه على شاطي النيل
غرب(ن)من الجفره على سد ضيحه

ولي يجيه يعين البن والهيل
ميذبح المترديه والنطيحه

لكن لجاء الموت مافيه تأجيل
ليته يخلي أهل الوجيه السميحه

أهل الوفاء والطيب وأهل المحاصيل
شيبانا أهل السالفه والنصيحه

خذيت أبـو مشرع خيار المشاكيل
شاعر ورأوي والسوالف مليحه

ياموت ليتك عنه دورت تبديل
يعطي بن أدم عمر وأثره منيحه

الله يوسع مدخله فالمنازيل
في جنة فيها العرب مستريحه

محسن رثى خاله بزين الثماثيل
لو القصايد في النشاما شحيحه




(( وسلامتكم وعسى الله يسكنه فسيح جناته نرجو الدعاء من الجميع له بالرحمه والمغفره .. ))



مرثية الشاعر/ محسن بن غازي بن ماكن الهويج القريشي السبيعي في خاله بادي بن فهيد بن شريان الهويج القريشي السبيعي ( يرحمه الله )

[صامل الميقاف]

الله يغفر له ويرحمه وصح لسان الشاعر

[خيَّال الغلباء]

صح لسان الشاعر / محسن بن غازي الهويج وسلم نبضه وبنانه وإعتلا شانه ورحم الله خاله / بادي بن فهيد بن شريان وأسكنه فسيح جناته

[الهضيبي الحريق]

بارك الله فيك يابن محسن وصح لسان والدك

وأسئل الله ان يرحم بادي بواسع رحمته وجميع موتى المسلمين

[مسلط 22]

الله يرحمه ومشكور وما قصرت ولا هنت

[حزم الجلاميد]

صح لسان ابن هويج والله يرحم خاله