تسجيل الدخول

مشاهدة النسخة كاملة : حوثي تمرد يبشــر بســــم فــــــــواح

ابن قطنان1
12 - 11 - 2009, 12:07
بسم الله الرحمن الرحيم

السلام عليكم ورحمة الله وبركاته

هلا والله ومليون غلا

من دون حدك يابلادي نرخــص ارواح
ويالعن ابو عيش(ن) يعانـــق كــدرهـــا

حـــد السعودي دونه النـار وســـــلاح
والموت الاحمـر سايقينــه مهرهـــــــا

لالا تشيل الهــــم والجيـش صـــــداح
جيش(ن) يرد الكايــده فـــي نحــــرها

جيش تــدرب علــى صبـــر وكفـــــاح
يضرب نحور المارقـــه فــــي وكرهــــا

وكــر ضوا بــه كل فاجــــر وسفـــــاح
عهــد علينــا مـــايغـــادر صخــــرهـــا

وســـلاح جــــو مثــــل بـــرق اذا لاح
يهــز مــن صوتــه جبـــال بكبرهــــــا

زلــزال مــع رعــد و بركــان وريــــاح
يـزفهـــــا لـلـــي تــــــدور قــدرهــــــا

حوثي تمرد يبشــر بســــم فــــــــواح
يحرق عظامـه قبـــل يمســح اثـــرهـا

واللـي وراه اليوم منــــا لــه افصــــاح
هــذي فلولك خاسيــه فـــي قعــرهــا

اجمع حتات اللي بقـي منهــم وساح
بأوساخ انجـــاس كـــــريه زفــرهــــــا

هـذا السعودي احـذره ويـــن مــــاراح
واحسب حسابه يـامــدور عثــــــرهـا

من دون حدك يابلادي نرخــص ارواح
ويالعن ابـو عيش(ن) يعانــق كـــدرهـــا

تحياتي

ابن قطنان 1
خيَّال الغلباء
12 - 11 - 2009, 12:40
ابن قطنان جزاك الله خيراً ولا هنت
ابن قطنان1
12 - 11 - 2009, 23:48
ولا تهون وبيض الله وجهك
الساحر الشمالي
13 - 11 - 2009, 19:44
كفو كفو يا ابن قطنان 1 ونعم فيك وبجماعتك وبيض الله وجهك قصيده مايبلي لها كلام جزله
وروحنا دون مملكتنا تهون
ابن قطنان1
14 - 11 - 2009, 20:52
كفوك الطيب وما عليك زود طال عمرك