كل شاعر يجيب موال شقر

[إبن قطنان]

السلام عليكم ورحمة الله وبركاتة
أخواني الشعراء هذا موال شقر طرحته في هذا المنتدى من باب المجاراه
والاستمتاع بالشعر الجزل وكل شاعر يآتي بموال شقر مجاراه لنفس هذا ((الموال)) وليس بشرط نفس القافيه
لكي نفيد ونستفيد والله الموفق ،،،


سلام الله على الشعـار سـلام احلى من الحـالي
ثم بعــد الســلام آقـول ياشعــار كيـف الحـالـي
وتـرى الشـقر هـذا وقته ومـاني اشقر الحــالي

جعل في الامر خيراً وجعل في الامر خيره

[الشاهق]

مرحبا يا مرحبا وانا سوى وانا سوى
لونزلت مابايلي خدمة سوى خدمة سوى
لويروح الزات بيدينك ترى تصبح سوى
والله الوالي ولا غير الله الالوالي ولي

الشيله

ياشاعر الميدان شد الحيل
تاخذ قسيمه يابعد حالي

[إبن قطنان]

دام البقـاء وبعض العرب مـايعرف خالـه وجده
ضايع ياخوك مع طروش البحر بين ينبع وجده
واليا تكلـم مـاعـاد تعـرف النـاس مزحـه وجده
يالله على بابك يافتاح الابواب



يافارس الميدان وين الخيل
الحرب قام جنوب وشمالي

[الشاهق]

كان ابن قطان شاف الخير من عالي قطر
ما يخيله فالجنوب ولا يخيله في قطر
لو رمى فالرمي خايب يوم رميه ماقطر
والله الوالي ولا غير الله الوالي ولي


انته علامك كنك الطربيل
السيل من راس الجبل سالي

ههههههههههههههههههههه

[إبن قطنان]

يـامحمد وضـعك حساس لاتقـولي وضـعك عادي
ولاتصيرمثل الي غزى ومن المغزى ماعادعادي
ولا تفعــل فعــايل قــوم ثمــود مـدري قــوم عادي

الله الوالي ولا غير الله الوالي ولي

لا تومي راسك مثل راس الفيـل
وتقـــول انـا بـو زيـــد الهــلالي
هههههههههههههههههههههههه

[الشاهق]

انت رجالن كريم وفيك شر وفيك خير
مير وينك ليلة البارح عسى منته ب خير
ذابحك نوم المخده ذابحك كثر الش خير
والله الوالي ولاغير الله الوالي ولي


ياكثر هرجك يا طويل الذيل
يااللي تلقيت الخلا الخالي