قصيدة رثاء في نايف بن مهدي بن وندان السبيعي

[سلطان ابن وندان]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة رثاء في المغفور له بإذن الله عمــي الشيخ / نـايف بن مهـدي بن ونـدان رحمه الله وأسكنه فسيح جناته قالها الشآإآعر / شبيب بن هذال ال وندان السبيعي












الحمد لله على ماصار ياخوانـــي ** والشكر له والثناء منزل أياتــه..




الواحد اللي مامعه واحد ثانــــــــي ** وأجال خلقه تراها حسب إراداته..




حكم القضاء والقدر يصيب الانساني ** ماله مفر عنه لاحــانت أوقاتـــه..




ويومن به المومن اللي عنده ايماني ** وماجاء من الله نرضابه لمرضاته..




الموت حق وفعله خير برهاني ** باليوم والليل صولاته وجولاته..




وكل النفوس بتذوق الموت لاحاني ** مهما يطول الزمن بتذوق سكراته..




دنيا الفنا فانيه واللي بها فاني ** ولا دايم الا وجه عالم خفياته..




ابي اطلب المعتلي خلاق الاكواني ** اللي بسط ارضه ورفع سماواته..




يرحم ابو مهدي ويجزاه باحساني ** ويغفرله ويدخله فسيح جناته..




ويحول بينه وبين النار باجناني ** وعسى حسانيه تمحى كل سياته..




بعزي سبيع في عمي كحيلاني ** الــطـيـب الـلــي ينومسنــا بوقفاته..




شهم حبيب وطيب قلب والساني ** وكل يحبه وذا من طيب نياتــه..




فايز بقول ونعم به وين ماكاني ** حتى لو انه بقبره والنعم جــاتــه..




مواقفه واضحه كالنور لاباني ** اصحاب واجناب كل شاف فزعاتـه..




جاهه وطيبه مع الاقصين والداني ** وفعل ابو مهدي مشرف من بداياتــه..




فيه الشجاعه وهو للحق سلطاني ** وفعل الكرم والوفاء والطيب عاداتــه..




مكرم الضيف والجيران والعاني ** وعنده تواظع ويشاف الحلم باسكاته..




والصعب لاقام في موضوع له هاني ** رجــل المهمات نــاجح في مهماتـه..




فالعسكريه خدم حامي للاوطاني ** خدم وطنا تحت تصريف قاداتــه..




عمل بجد وباخلاص وباتقاني ** حتى تقاعد وحب الدار في ذاتــه..




أنشهد أنه فقيده طير حوراني ** فقده خساره كبيره كبر وقفاتـه..




على قبيلة سبيع شيوخ واعياني ** رحل لربه وهوه بيض صفحاتـه..




والطيب أخر لنا ذربين الايماني ** عـياله الأوفيـاء طالـو بطولاتـه..




مشو مماشيه وآفين ٍِ وكرمـآإآني ** فـآإآزو ونجحوآ وهآذي من بركـآإآته ..




هذي شعوري ومشاعر كل ونداني ** ونشكر اللي لنا قـدم مــواساته..




والختم صلوآ عدد همـآإآل الامزآني ** وآعدآد مآرآح نجم وعد جيـآإآته ..




صلوآ على الهـآإآشمي من نسل عدنـآني ** اللي حديثه تنـآقله روآإآيـآإآته ..

[خيَّال الغلباء]

الله يغفر للشيخ / نايف بن مهدي بن وندان السبيعي ويرحمه ويسكنه الجنة وسلمت على النقل

[حرف]

الله يرحم ابو مهدي ويغفر له ويسكنه فسيح جناته
ويلهم أهله وذوية الصبر والسلوان أنه سميع مجيب الدعاء