سلام الله عليكم يا سبيع :

[ابن بداح]

سلام الله عليكم يا سبيع ويا ضيوف سبيع= سلامٍ مثل طعم السلسبيل وفوقه زياده
حضّرت من الإجازه ومتشوق للشراء والبيع= وادور طيري اللي جاه عقبي واحدٍ صاده

[المتوهج]

اسلم
واستلم
يابن بداح
،،،
،،
،

عدد ماوزعت في كل ديره شركة التوزيع=الا يامرحبا ترحيبةٍ بالطيب منقاده
حضرت من الاجازه مير قدمك ماسكين الريع=واذا لك طير ضايع دوره في داخل بلاده

[ابن بداح]

آ لا يالله دخيلك ما بقى إلإ الاسم والتوقيع= وباقي العفش راح مصادره والبن وقتاده
تركد للإجابه لا تسرع ما نبيك تضيع= وانا رجال يطلب قسمته من ورثة أجداده

[مروّض]

الأخوان...ابن بداح _ المتوهج

طاروق طيب ...و أبيات جزله...لا هنتما

نحن في شوق لسماعكما...فاستمرا...بعد فتره انقطاع..

الصفوف يا عيال...الصفوف..

[smart]

اررحب ياباااعبدالله

الحمد لله على السلااامه

يااااسلااام عليكم طاااااروووق رااائع

شعراء كبار

ابوووعبدالله

المتوووهج

ابشر بااالصف يااامروووض

الصف صار دبل

الصفوووف دبل قبل وصول الووواسطه وصفوووفه :|

لكم تحيااااااااااااااااتي

[بحر الشوق]

ابن بداح والمتوهج
شعار كبار
وطاروق ممتاز
وصحت السنتكم
وبيض الله وجهكم

[المتوهج]

اخذ جزل البيوت ان كانك لجزل البيوت جويع=تذوقها وفكر زين واعرضها على الساده
فلسطين الجريحه تشتكي لك يااحمد بن قريع=وانا اشوفك تصدد كن مالك في البلد راده

[ابن بداح]

انا ماني بجائع مير احب لربعي التشجيع= أسميهم مع الناس شعراء لوكان قصّاده
فلسطين الجريحه ما نصرها الشجب والتطبيع= ترجاء الله يعوض طارق بن زياد بأحفاده

[المتوهج]

لاتكتب بالخط الازرق ماهوب واضح
والشوف شجر !!!
،،،
،،
استلم
عليك الهون يامفرح مادام ان المذيع يذيع=لاتهضم حق ربعك وانتبه للهرج نقاده
تلمع للرياسه مير ماينفع بك التلميع=تريح ياطويل العمر والدوله لها قاده

[ابن بداح]

عرفنا رسم خطك والسوالف صلعت تصليع= أ ثرك مناصراً حزب الليكود وتدعم أفراده
وانا لي بصمةٍ مضمونها أصلي ما بها تجميع= ولا فكرت في من يستعين بورشة حداده

[ابن بداح]

الاخوان الكرام


مروض


سمارت



بحر الشوق




شاكرين ومقدرين متابعتكم




تقبلوا اطيب تحيه وتقدير .

[المتوهج]

انا ما اناصر الحزب اليهودي واترك التلكيع=اناصر ربعي اللي طيبهم ياصاحبي عاده
تراك الجندي اللي في الخفاره يبغي الترفيع=ولكن الزمان وضابطه ماحقق مراده

[المتوهج]

الاخوان الكرام


مروض
سمارت
بحر الشوق

شاكرين ومقدرين متابعتكم




تقبلوا اطيب تحيه وتقدير .

[smart]

هذا الابدااااااااااع الحقيقي

ابووووعبدالله

والمتووهج اسم على مسمى متووهج:|


لازااالت هذي المحاااووره من أجمل المحااوورااات


واحد مااسك الصف ومعجب:004:


لكم تحيااااااااااااتي

[خالد الشماسي]

محاورة عملاقة


لو كانت مباشرة كان حققت أجمل محاورة

ليتكم ترتبون وتلعبون مباشر لجل نستمتع بطواريقكم الرائعه


لكم تحياتي وسجلوني من المعجبين بكم :)

[نديم القوافي]

واصلو الله يعطيكم العافية

الطاروق طيب وشعار متمكنين

ونا معكم في الصفوف

يالله يااااااااااااااصفوف

[ابن بداح]

مزاج صوير مثل عوير مثل حويل مثل جديع= يخا لفني وانا مالي ورأهم قصد وفياده
وكانك صرت منهم روح يالعاصي لبد تطيع= ومن قفى مع الدرب الخطاء يا سرع معواده

[المتوهج]

نديم القوافي،،،،ابوعمر،،،،سمارت

متابعتكم لنا تزيدنا حماس

لاهنتم جميعآ

،،،،

،،،

،،


اخووووووكم،،،،،،،،،،،،،،،،المتوهج

[المتوهج]

تبي تسنيع يامفرح على الغلطه تبي تسنيع=وخطلان اليماني كل منهم يقدح زناده
تظاهر بالرضى والغيض مزع مهجتك تمزيع=واخير من المعاند والنكد دور لك وساده

[ابن بداح]

يا خطلان اليماني ريحوا وطروشكم رتيع= على ظهر البسيطه والفضاء مأ نتم برواده
ميئة واحد لكن يا ربعنا لاجاء الصحيح ربيع= ولا مشهور فيكم غير الإيراني علي زاده

[المتوهج]

ترانا اهل الجمايل والجماله عندنا توديع=ولاحنا مثل بعض العرب للمال عباده
ليامن جاء الصحيح وبان جاء في موترك تقطيع=وياشين الشهره اللي مثل شهرة فن مياده

[مروّض]

أخوىّ الكريمين...ابن بداح _ المتوهج

فعلا طاروق طيب...يستحق المتابعة و الاشاده..

و نهايه سعيده للجميع...كل منكما أروع من أخيه...لا غالب و لا مغلوب..

أتمنى التغيير...حتى لا يمل المتابع...و قبل أن يشيب القاف...

أشوف الليله الماضيه...الميدان ملآن بالفرسان...لكن حتى لا يقطعون محاورتكم..توقفوا..

و تقبلوا فائق شكري و امتناني..

[ابن بداح]

وبراسك يا مروض الف شكر يالمتوهج



أنتهى الطاروق.....



تحياتي للجميع

[المتوهج]

الاخ مروض

حياك يامروض والله ودي ان الطاروق ماانتهى ولكن انت تمون

الاخ ابن بداح

شكرآ لك ولنا لقاء اخر ان شاء الله

[الطايفي]

عزالله إنكم أبدعتوا



تحياتي وإعجابي

[المتوهج]

ياسلام عليك يابن بداح

[ابن بداح]

عليكم السلام

.........

[الاد العسيلي]

الحقيقه طاروق يستاهل التشجيع

المتوهج اكرر اعجابي
ابوعبدالله ننتظر المزيد





لكم تحياتي