((( أكبر شهادة )))

[الحميدي السويدي]

أسعد الله أوقاتكم بكل خير وطنية للتواصل
في هذا الصرح الشامخ

الخاين اللي من هباله غزانا=في فكره إن الحرب خوخ ٍ ورمان
خزن وساق المارقة في نحانا=وإنا عمى عين العدو كل مابان
في ربع ساعة جيشنا ما توانا=حرك معداته على جبال دخان
لجل الوطن يومه بلحظه دعانا=جينا نشيل أسلاحنا فوق الأمتان
أما إنتصرنا والإله ايحمانا=وألا نموت وموتت العز غفران
أكبر شهادة ما تدنس أحمانا=من الخائن اللي يدفعه كل خوان
مستأجره نجس ٍ ما يقدر لقانا=يدفع له الرشوة وهو جوف طهران
قبل أسنواتٍ ورطه بأقصرانا=داره يحاربها لجل كل شيطان
لجل الكلاب اللي تنابح ورانا=أعداه العقيدة مالهم عهد وآمان
نعرف مخططهم ولا هو خفانا=في كل عام ألهم نوايا وبيبان
لكن ليا منّا وقفنا ترانا=نبطش ولا نحسب لحاسد وطمعان
كم من عدو ٍ عقب ما هو ضوانا=أبطا أطعونه ما تداوى والأكوان
أبطا وهو طول الدهر مانسانا=ما عاد تبرى علته طول الأزمان
ويا خادم البيتين هذا ولانا=لكم على الطاعة وسر يا كحيلان
أنطح بنا الحوثي ومن هو نوانا=والله إن يعوّد يا بيض الوجه خسران
والله إن يعوّد عقب ما هو بغانا=يستنجد العالم يبي الصلح ندمان
لنّا ليا من العدو ابتلانا=سقناه لين أيشوف حتفه بالأعيان
بفعل ٍ يجمّل فالمواقف لحانا=ماهوب قول أبلا دلائل وبرهان
هذا الصحيح ونحمد اللي عطانا=أملوكٍ على ردع المعادين شجعان

[خيَّال الغلباء]

أخي الكريم الفاضل الشاعر / الحميدي السبيعي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة في الرد على الخائن الحوثي المجوسي الذي أراد أن يدنس حمى الحرمين الشرفين حدود المملكة العربية السعودية الجنوبية وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[صندلي و أفتخر]

مشكوووووور والله يعطيك الف عافيه

[بعيد المراميس]

قصيدة رائعه يالحميدي صح لسانك عليها
والله يرد كيد الحوثيين في نحورهم

[رنيه المفيلحي]

شكرا يابو سعد على هذه القصيده الرائعه ولهوب غريب عليك الطيب

[عبدالله الحضبي]

صح لسانك شاعرنا المبدع ابو سعد
أبيات جزله من شاعر مبدع عودنا على القصائد المعبره
ذات المعاني الساميه والفكره الجيده والقافيه الممزوجه بالروعه

[فارس السوده]

صح لسانك يالسويدي

[خيال الصفراء]

صح لساان الشاعر وسلمت يمينك على طرح هذي القصيده

[الحميدي السويدي]

أخي الكريم الفاضل الشاعر / الحميدي السبيعي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة في الرد على الخائن الحوثي المجوسي الذي أراد أن يدنس حمى الحرمين الشرفين حدود المملكة العربية السعودية الجنوبية وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

خيال الغلباء صح بدنك ولاهنت يالوافي
على مرورك العطر وتقبل تحيااااااااااتي

[عبدالله الذعيفي]

الشاعر الكبير الحميدي السويدي صح بدنك ولاهنت
تقبل تحياتي اخوك عبدالله الذعيفي الصندلي