ترى الشاهق الليله نوى يدبل الكيل

[الشاهق]

في منتدى اهل العرف واهل الفهامه
سلام لاهل الطيب والاستقامه
من شاعرن فعله يسابق كلامه
هذا صحيح وقول واللي تقولون


ترى الشاهق الليله نوى يدبل الكيل
على الخط الاحمر ما يغير مساره


ندور رياجيلن تضد الرياجيل
ولا ودنا الموضوع نكشف ستاره

[خالد الشماسي]

يا مرحبا ترحيبة البدو بالعيد=
يقولها جدي وأنا مثله أعيد=
تعال أنا وإياك بنحدد البيد=
هذا الصحيح وقولوا اللي تقولون=

.=.
ترفق على حلك ترى الخيل والليل = تبا رجل يشعل ضوها في المناره
عيون الأسد ترتاع من زئرة الفيل = ولا كل يمنىً تفتقر للشطارة

[الشاهق]

معليش يا الربع جوني رياجيل والتهيت معهم
اعذروني كان ودي انها مباشره

[الشاهق]

دام البقا باللي يسوق التراحيب
اهل الوفا دايم تعرف المواجيب
بعض العرب ضاري بكمخ المشاعيب
هذا الصحيح وقولوا واللي تقولون


ترى الحنظله لو هي على شاطي النيل
تزود مرارتها القديمه مراره

عيون الاسد راحت سوات الفناجيل
وسبب عماها فار وسط الجحاره

[خالد الشماسي]

صح لسانك يا مبدع

اتمنى يكون هناك محاورة مباشرة


وسلمت

[الشاهق]

الله انه يهديك يا صندلي وافتخر
وانا ادري ان البيت مشهور ومعروف
ولكن لايمنع ان جبته في لعب محاوره
وانا لم انسبه لي ولكن مثل وجبته في وقته
تحياتي
ولا احد يزعل على احد

[الشاهق]

لاهنت يا خالد وانت صادق المحاوره
اذا ماهي مباشره مالها طعم