................وين اطلق شنب.........؟

[المتوهج]

سلام ردية وفاء لاهل الوفاء ترقص طرب=رديةٍ طول الليالي مايطيح شعارها
هاضت هجوسي وحضرت لكن وين اطلق شنب=اللي مع اصحاب المعرفه مايطفي نارها

[خالد الشماسي]

طاروق طيب


ولكن حنا نريد لعب مباشر


اطلب معك شاعر وحدد وقت وأن غاب انا مكانه


وش قلت ؟

[المتوهج]

يابوعمر جعلك طولة العمر انا ماعندي وقت
العب مباشر والا حاضر ولكني اوعدكم ان صار عندي وقت
ابلغكم على طول .......ولكن وين اطلق شنب .........؟

الطاروق هذا لايروح طفح يالربع !!!!!

[المسالم]

وياليت انها تكون مباشره

يامرحبا ترحيبة عمة عجم وأيضاعرب=للي تقدم بالبيوت الطيبه وأخبارها

قودالسفينه فالبحرقدام قبطان الذهب=يعرف مسارات البحر ماضاع وسط أبحارها

[ابو تركي]

الله الله

مبدا تحدي



واصلو ياشعار التحدي



بس ترا الشطر الاول من كل بيت يالمسالم زايد حبتين


يعني للازم يصير كذا


يامرحبا ترحيبة ٍ عمت عجم وايضا عرب



موفقين

[المسالم]

أبو تركي

أسعدني مرورك يالغالي

وتشجيعك لنا

[طويق]

هلووووو يا المتوهج

أتمنى أن ألعب معك قريبا في مكان ترى ماهوب بعيد ترد على كيفك وتلعب بمزاجك أنت ماهو بمزاج غيرك

[ريال الفسحه]

حتى انا بعد ياطويق ليه مغير انت لحالك :017:


الا وش رايكم كل شعار المحاوره ذولا اللي فالمنتدى

من اكبر راس لاصغر راس

والله لا حط عباس على دباس

df::

هين هين هين ياالضبان :furious:

الوعد يوم الصبوح قبل الفجر بربع ساعه <<<<< افلقوني ان لقيتوا يوم الصبوح فا ايام الاسبوع ;1

<<<<<<<<<<<< :confused:اخاف يلقونه لانه مايمديهم يغفصوني باقي ربع ساعه على الفجر ( ذكي )

[المتوهج]

دام البقاء ياللي قدم رجلك وقف في اول عتب=عساك تنطح حملها والطيبه تختارها
خل السفينه عنك واضبط موترك لاينقلب=قدمك ملفات(ن) يضيعك الطريق غبارها

[المتوهج]

ابو تركي

مرحبا بك وبمشاركتك
،،،
،،
،
طويق
الله يحييك في كل مكان وكل زمان
،،،
،،
،
ريال الفسحه

عليك بطويق تراه يتحدى تكفى فكني من شره

[smart]

يااااسلااااااام سلم

وش ذا البداااااايه النااااريه:|:|:|

هجوووم قووووي ودفااااااااع محكم ياساتر استر:oops::oops::oops:


معكم في الصف


لكم مني الوود والاحترااااااااام

[المسالم]

رجلي مع العلياعلى العسرات ماتشكِ النصب=شلنا الحمول إثقالها ماهيبتنا أخطارها
قدنا القطار وطايراتٍ بالمدرج مانهب=قدمك شياطين البشر جتني تقول أعذارها

[المتوهج]

واحد بلشنابه والاخر يوم قابلنا هرب=الله يساعدني على ناسٍ قصار انظارها
ما انته بقايد للقطار ولا انت ريس منتخب=والطايره لاتحسبنك في البلد طيارها

[المتوهج]

سمارت
،،،
،،
،
اهلآ بك لولا حضورك وصفوفك مالعبنا

اشكرك

[smart]

المتوووهج

:|:214::|:214::|:214::|:214::|:214::|:214::|:214:: |:214::|:214:


المساااااااااااالم

:|:017::|:017::|:017::|:017::|:017::|:017::|:017:: |:017::|:017::|:017:

[المسالم]

أشوف بالطرقه عميلي مثر ٍ فيه التعب=مدري وش اللي صار يوم العين بان اعيارها
منتب تعرف اسواقتي لاكنها عز الطلب=نعرف مسارات ٍ كثيره ماترد أسوارها

[المسالم]

الأخ smart


أسعدني حظورك وتشجيعك بالغالي

[بحر الشوق]

محاوووووووووووووووووووووووووووووورة
ساخخخخخخخخخخخخخخخخخخخخخخخخخخخنه
صحت السنتكم يا شعارنا



المتوهج
بينا بيع ومشترى فالسوق الثاني
وش فيك سمتها ثمن انحشت

اخوي المسالم
لاهنت وبيض الله وجهك

[المسالم]

الأخ بحر الشوق

حياك الله

من قال لاهان

[المتوهج]

لاتسري وحنا في اول الطرقه مابعد شاب القاف

،،،
،،
،

ادرس التلميذ واختبره ولكنه رسب=وبضاعة اهل السوق مايعرف جميع اسعارها
سواقتك لك مانبيها واسترح فوق الكنب=خل الامور الكايده لايشبكك شنكارها

[المتوهج]

سمارت

لاهنت على احضار الصفوف !!
،،،
،،
بحر الشوق
ابشر باللي يرضيك هنا وهناك وان بغيت طاروق جديد
ماعندي مانع السيف مسنون والعمله سعوديه

[مشعاب]

يااااااااهوووووووووووووووه


المتوهج

شاعر كبير

صرت متوهج صحيح

لا تحرمنا يا بعدي من طواريقك المنتازة


المسااااااااااااااااااالم

شاعر كبير

ولك مستقبل بس سجل في مكتب الشعار وابشر بكل ليل عشرة الاف



طويق لك شف العب في منتدى سبيع ولا اقلب وجهك






:|:|:|:|:|:|:|:|:|:|
صف المتوهج

صف المسالم
:|:|:|:|:|:|:|:|:|:|










اخوكم مشعاب اخو عجراء

[المسالم]

استلم لا هنت


أنته جديد ولا نبي ندخلك في وسط النشب = وملبوسك ثياب جديدة وافيات اشبارها
اللي صغيرلا مشى يسرع وياقع في المطب= ويفكرانه حاكم القريه وهو سبارها

[المتوهج]

اثر المسالم لالقى دله وحصل له رطب=ماعاد ينظر في العباد صغارها وكبارها
ياشاعر الشعار ليتك تستخير وتنسحب=ياطول ليلك كان طولنا معك مشوارها

[المسالم]

إن كان لك هاجس فعندي لك مناصيف وعنب= شرواك قدرة فوق ذا والناس تكرم جارها
وأن قدم إلك العود موضوع على جمر الحطب= وإن كان يتعبك السهر كب الفريق ودارها

[المتوهج]

اسم المسالم من دفاترنا شطبته وانشطب=بعد اكتشفت انه مع اهل الطار يضرب طارها
ترى المنافق لا اوعدك يخلف والى حدث كذب=واهل النفاق الله يكافي المسلمين اشرارها

[المتوهج]

مشعاب

حياك الله يامشعاب وتراني متوهج من زمااااااان
وادور اللي ليا زدت زاد

[ابو تركي]

يالطيف يالطيف



الله الله واصلو ا ياشعار الساحه



طاروق منتاز على قولة اخوووي مشعاب

[عيسى السبيعي]

عاشوا الشعار

[المسالم]

لاوالله اسمك عندنا لامن كتبناه انكتب=وضيوفنا الغالين ملزوم ٍ نحفظ اسرارها

من يقتدي بالمصطفى يكسب ويخسر بولهب=وحذرى يغرنك نعاج لاسمعت اخوارها

[المتوهج]

آآآآآآآآسف على التأخير
،،،
،،
،


مانيب ضيفٍ لك لكن ارتح ياعبدالمطلب=والجادل ام خمار والله ماتنوش خمارها
ان طرت فوقك نجم وان وقعت من تحتك لهب=اعقد حبال الصلح والا الحرب دق زرارها

[المتوهج]

ابوتركي

اهلين وسهلين شرفتنا بحضورك

،،،،
،،
،
الواسطه

عاشت ايامك ولياليك بعد !!!

[المسالم]

راحت عليك الطايفه وأخذ الحبل هم احتطب=وأم الجدايل من قبل عامين خذت أخبارها

شيخ ٍ ليا منه تقدم بالمنابر وإختطب=خلا شرار الخلق تخرج يافتى مأ طوارها

[المتوهج]

ام الجدايل لوتحاول قضبها ماتنقضب=وانا معي تخضع خضوع الحانيه لصغارها
ياشيخ قلي كم ختم شلته وطوعت الصعب=الظاهر انك تستدير يمينها ويسارها

[المسالم]

الله يقنعك ابركتهادام تعرف بو حدب=تكسب ذخايره الدفينه صافيات أدرارها


انشد قديمين العمر عن من ليا المكوى قرب=يكوون في العلبا وكويتهم تجيب أقدارها

[المتوهج]

ياصاحبي ياصاحبي لازم تزوزي بالقرب=انا هزمتك والهزيمه كيف تأخذ ثارها
نشدت عنك وقالوا انك من زمانك منكب=وام الكباير يالمسالم شايلك معصارها

[عيسى السبيعي]

ماشاءالله عليكم ياشعارنا


المسالم × المتوهج


تبون الصراحه تحدي صح

لكن ياخسارة لو يلعبون الصفوف على هذا التحدي

الحقيقي لكنهم رفظوا يبون اللعب المباشر لكن سامحونا

على عدم حظور الصفوف ,,,


تحياتي للجميع

الواسطه

[المسالم]

ماطور صاحبنا أشوفه بادي ٍ فيه العطب=ماعاد ينفع به تلافيق ٍ ولا شنبارها

بالله شوفوا صاحبي يوم انظره نظرة عجب=انكان مأسيتوا بساتينه تموت أزهارها

[smart]

المتووووووهج +++++++++++المسااااااااالم

يااااااااسلاااااااام عليكم محااااااااوره قوووووويه جدأ

تعتبر من أجمل المحاااوراات التي جرت في المنتدى

الله يعطيكم العاااافيه



الوووواسطه الصفوووووف جااهزه

ياخوي ترااااااااك بهذلتنا كل اشوي ناقز في صف:|:|:|:|:|

تحيااااااااااااتي لكم جميعأ

[المتوهج]

اركد على نفسك ترى عندي مكافحة الشغب=والحفره القشرى يبي ياقع بها حفارها
كانك تدور للشبب تعال وابشر بالشبب=ياراعي الخلفه ترى الخلفه يحن حوارها

[المتوهج]

الواسطه

حضورك يكفي عن الصفوف

سمارت

شكرآ على كلامك الجميل

[المسالم]

جمهور ماتاقف بوجهه وقت موجات الغضب=كم من عماره عامره هد ت على عمارها

أنا جمل ما نيب مثلك من محنيت الركب=خابرك تبرك للحمل وتشيلها بعبارها

[المتوهج]

بعض العماير ماتزعزعها الهبايب لو تهب=وعمارتك ياصاحبي حول عليك جدارها
انت الحصان اللي ليامن شدوا عنانه هذب=تلقاه عند البدو بين بيوتها وجفارها

[المسالم]

مبنى عمارتكم قديم ولو يشطبه العضب = ماعاد تنفع من شراها نية استثماراها

يا مرحبا يافلوة تاكل من اغصان القصب = مادام تنسب للسكب لازم تزيد اسعارها

[المتوهج]

( اسعارها )
،،،
،،
،
سرت انتبه في الجايات
،،،،،
،،،،
،،

الراس يبقى راس لكن الذنب يبقى ذنب=ياخال مدري عم كيف تصير من تجارها
انته سواة الدلو لامنا جذبناه انجذب=وانا عليك اليوم باضيق جميع اقطارها

[المسالم]

الراس راسي وأنت مكوه من بقايا أهل الصلب= يا كثر ما شلت الرجال اللي تدق ازوارها
مفروض تلبس لك نقاب وتحتجب في المحتجب= عارك على ربعك ظهر يا من يغسل عارها

[المتوهج]

ماهكذا تورد الابل ،، ارفعها يامال الشحم
،،،،،،،،،،
،،،،،،،
،،،،
اعتقد انه شاب القاف والى هنا وصلنا الى النهايه
شكرآ لك ،،،والى اللقاء

[المسالم]

آن للمسالم ( اطلق شنب ) أن يمد رجليه




بيض الله وجهك يالمتوهج


ما قصرت والسموحه كان جا منا خطأ




المسالم

[بحر الشوق]

لا يالمسالم

[المسالم]

وش اللي لا

يا بحر

[بحر الشوق]

مايصلح

[المسالم]

لي وعلي

ولالالالالا

[بحر الشوق]

لا ;)

[المسالم]

الإفاده بإختصار يابحر على الخاص

[المتوهج]

عادك مسالم يالمسالم والا لا !!!

[المسالم]

مسالم لله اما غيره فلا

اللي تبي يالمتوهج

وش اللي يعجبك انت تامر طال عمرك

تحياتي السالم