محاورة بين بلير وبوش

[البدر]

هذة محاورة بين (بلير) و (بوش) حيث جاء بلير الى امريكا لحضور المؤتمر الثنائي مع بوش وعندما دخل على بوش في صالة الاجتماعات بدا هذة المحاورة

بليــــر :-
اللة لايجزاك بالخـــير يابــوش ************ ورطتنا في حرب صـــدام ورطة
عزمتني تقول بترول وقروش ************* بس الحقيقة روحتي معك غلطة

بــــوش:-
يابلير رد العلم عن بوش بن بوش ************* اللة خلقــــــــنا للمقاريد سلـطة
وابوي عندة للرياجيل دنبـــوش ************** كم واحد شلنا فلـــوسة ونفطة

بليــــــــر:-
ابوك والنعمين مير انت مربوش ****************** تمــوت بالبترول وتحب شفطـة
صحيح عندك مال وسلاح وجيوش **************** مير اتوقع لك تدهور وسقطــة

بـــوش :-
يابلير كانك خفت يوم احتمى الهوش *************** حرام ماتاخذ من النفط نقطـــة
قبلك ترى شيراك قد راح مكــــروش *************** شوفة يصرح كل يـوم بمحطة

بليــــــــــــــر:-
وراك ماتعطي لشيراك عرمــــــــوش *************** تراة مشغلنا بشيلة وحطـــــة
وليا انتهى موضوعنا نرسل طــروش **************** ونجمع المبلغ من الربع قطـة

بــــــــــوش:-
شيراك هذا عندة الفكر مغشـــوش **************فرط علي في مجلس الامن فرطة
يدزة اليــابان والصين ويطـــــــــوش ************ ومجهز الفيتـــــو لتحقيق شـرطة

بليــــر:-
يابوش انا مرهق وخايف ومدهــــوش *************وانتة تقول الحرب خــدعة وخطة
اسرآي واسراك امتلا منهم الحــــوش **************عز اللة انة صابني منك جلــــطة

بــــــوش:-
ماقلت لك كم فية اذاعات ودشـــوش *************لاتكشف المعنى وانا اقول غلطة
وان قالوا انا علوج واصحابنا جحوش *************ماهمنا الصحاف ولي يخطه

وسلااااااااااااااااااااااااااااااااااااامتكم

[خالد الشماسي]

الله الكبر الله اكبر ويش ذا الزين يالبدر


الله يحطها في وجيههم الثنين ويفرق جمعاهم ........آمين .

[ابن جـــــــراح]

لا هنت يا البدر

على هالمحاوره الطيبه عسى الله ان يدحر الاثنين ان شاء الله

تحياتي لك

اخوك بن جراح

[موصاحي]

ههههههههههههههههههههههههههههههه

الله يقطع سوالفك يا البدر


لا يكون بوش وبلير من اهل الخرمه بس :D :D

[عبدالله ابوشيبه]

هههههههههههههه
والله الى تورطو في الحرب :D :D :D :D :D :D

[البدر]

الله لايهينكم كلكم كلامك ممتاز رفع من روووووحي المعنويه شكلي على هالمدح بصير شاعر :D :D

[السيف]

مشكور يالبدر على هالمحاوره الجميله التي تكشف خداع العلوج للعرب
والله لا يهينك

[الهريظمي]

هاهاهاهاهاهاهاهاهاهاها هاذاوشارون ماكان معهم
شلون لويكون معهم وش بيصير,أكيد بتحلو المحاروه
ههههههههههههههه
مشكووووووووووور
أخوي البدر محاوره رائعه
مافيه قصيده لمنقاش يوم طرح الأباتشي
هههههههه

/الهريظمي

[البدر]

خوي السيف والهريظمي اشكركم على كلامك الطيب . اما بالنسبه لمنقاش فالشيخ عايض القرني سبق الجميع وسوى فيه قصيده

[ابن شطيط]

الله لا يهينك يالبدر

والكلام واقع
وكلام على مستوى

ويعطيك العافي
والله يرد كيدهم في نحورهم

بن شطيط

[الراوي]

مشكوور اخوي ...
محاوره جميله جدا ( والله بلير طلع شريف )..:)
ويعطيك العافيه

[البدر]

اشكرك اخوي الراوي على المرور والله يحط حيلهم بينهم





اخوك البدر

[الصحاف]

الله الله الله


سلمت والله


العلوج هذولا يستاهلون والله



لاهنت

اخوك

الصحاف

[البدر]

اشكرك اخوي الصحاف على مرورك والعلوج يستاهلون اكثر من القصيد

[عواكيس]

أخوي / البدر إذا اختلف اللصان بان المسروق وعلى الإرهابيين بوش وبلير من الله ما يستحقون مع أطيب أمنياتي وخالص تحياتي .