تسجيل الدخول

مشاهدة النسخة كاملة : الشيخ الفارس مثيب بن ماضي المجامعة رحمه الله

فراج آل ماضي
21 - 02 - 2010, 01:59
يالربع نبي معلومات عن الشيخ الفارس/مثيب من ماضي المجامعة رحمة الله

والي عنده معلومات أو قصص يفيدنا عنها

بنسبه لي أنا الحين أقوم بجمع المعلومات عنه عن طريق كبار السن و المؤرخين.... وأنشاء الله أجمعها عن ما قريب
فراج آل ماضي
22 - 02 - 2010, 16:58
وأيضاً نبي معلومات عن الفارس والشاعر البواردي/حزمي بن فراج المجامعة رحمة الله

والي عنده معلومات أو قصص يفيدنا عنها

بنسبه لي أنا الحين أقوم بجمع المعلومات عنه عن طريق كبار السن و المؤرخين.... وأنشاء الله أجمعها عن ما قريب
حامل البيرق
01 - 03 - 2010, 22:53
ونعم والله بالفارس والشيخ مثيب بن محمد بن مثيب ال ماضي المجامعه فارس معروف ومن اشهر فرسان قبيله سبيع وله جهود في توحيد المملكه شارك في كثير من المعارك وكان مقرب من خالد بن لوي قتل رحمه الله في احد المعارك بعد ان برز بشجاعه عظيمه بعد وفاه خالد بن لوي بيوم


حامل البيرق
سمح آلمحيآ
01 - 03 - 2010, 23:16
بيض الله وجهك يافراج بن مقذل

واما حزمي بن فراج انشد البقوم عنه


واخوي فراج ترا حزمي بن فراج شاعر وله قصائد بس للاسف ماعرف منها شي

وذا تبي سوالفه تلقاها عند محمد بن جلوي الملقب بالمطوع رجال ويحفض وبتلقا اخبار حزمي كلها عنده


لن مكاني بعيد عن رنيه فا ماقدر افيدك بشي

وتقبل شكري
فراج آل ماضي
03 - 03 - 2010, 08:53
حامل البيرق و سمح المحيا بيض الله وجيهكم وأما عن حزمي بن فراج فعلاً هو شاعر وله قصائد كثيره
سمح آلمحيآ
04 - 03 - 2010, 23:11
اوجهك يافراج

بس طلبتك انك تحاول تسرع بالموضوع تجيب عن مثيب بن ماضي وحزمي بن عثمان

ولاتنسى قصايد حزمي الي تعرفه والي ماتعرفه انشد عنه

تراني بستمر في مراقبة هذا الموضوع
فراج آل ماضي
05 - 03 - 2010, 01:12
سمح المحيا وأنا أشد منك حرص على هذا الموضوع بس يبيلي وقت شوي علشان أجمع المعلومات و القصائد
وانا ارجو من الي عنده معلومات عنهم ولا قصائد لايبخل علينا
ابومحمد11
05 - 03 - 2010, 21:28
هل الفارس مثيب بن ماضي ؟ ابو سحمي رحمه الله عليهم جميعاااا؟؟؟؟؟؟؟؟؟؟؟
سمح آلمحيآ
05 - 03 - 2010, 22:53
فراج بن مقذل ياخوي انا توني انتبه الكلمة الشيخ الي وضعتها عند الفارس مثيب بن ماضي

ياخوي لاتهينون مشايخ المجامعه ابن منيع وابن زوير مهب من هب ودب صار شيخ فالمجامعه

لو تنشد القاصين والدانين قالو شيوخ المجامعه بن زوير وبن منيع ومافي غيرهم احد

فاعتب عليك اخوي فراج انك تشيلها ويبقا الفارس مثيب بن ماضي من فريس المجامعه ومن شجعانها

وذا كان شيخ وقاد المجامعه اذكرها لنا ؟؟

مشكلتي اني رديت على الموضوع مرتين ومانتبهت لها والله

واتمنى تراجع نفسك جيدآ يافراج فديتك
فراج آل ماضي
06 - 03 - 2010, 20:14
اخوي سمح المحيا كل المجامعه شيوخ وأنا ماحطيت كلمة شيخ عشان نهين ابن زوير والا ابن منيع هذولا شيخونا ومعروفين انا حطيتها تقديراً له رحمه الله وأعتذر كان حصل مني غلط

تحياتي لك
حامل البيرق
07 - 03 - 2010, 01:35
المجامعه كلهم شيوخ واذا قل الاخ فراج ان مثيب بن ماضي شيخ فهو صادق شيخ وفارس ومدح بني عمك يرفعك ماهوب ينقصك

اخوك/
حامل البيرق
سمح آلمحيآ
07 - 03 - 2010, 03:12
فراج بن مقذل انا حاولت برسائل اكلمك بس مارضة تمشي معاي
فطريت اكتبها في ردي السابق
حنى يافراج في ستخدامنى النت نريد ان نوضح الصوره بكثر مانقدر ونلتمس لاشي الحقيقي
مانزود عليها ولا انقص الشيخ نحطه شيخ والفارس فارس والبواردي بواردي والشاعر شاعر
ماني نحط بن زوير شاعر ولا بن منيع وهو غير ذالك ,
اتمنى تتقبلها بصدر رحب ياخوي وانت عزيز وغالي ومن ربعن غالين علي انا بذات
سمح آلمحيآ
07 - 03 - 2010, 16:56
حامل البيرق توني اشوف ردك هذا

وش مطيرك انت بالعجه ؟؟

اقول لاصرت انت شيخ ولد شيخ تعال قابلني


ماعندك الا هالجمله مدح بني عمك يرفعك ماينقصك ؟؟؟

ان كانك تحمل مقومات الرجل يا حامل البيرق

علمني من وين صار شيخ الفارس مثيب بن ماضي ؟؟؟؟

لاتقول المجامعه كلهم شيوخ ثاني مره عشان تدفن نواياك السيئه

وارجل ياحامل البيرق اما يوضح شي بمنطقه لاتكلم ولا يقعد على شحم ارفعله
المجمعي99
07 - 03 - 2010, 22:14
كلام سمح المحيا في محله ويامنها مناطحت سيحان كلن حصل بذراعه اللي شيخ واللي فارس واللي شاعر واللي بواردي والمدح في الايام هذي صار زي موشر الاسهم معي احترامي للجميع
فراج آل ماضي
07 - 03 - 2010, 22:25
ياربع ماصارت ذي ترى كلمة شيخ تقال للتقدير وليسى فقط للمشيخه لاتجعلون من لاشي قضية الله يهديكم
سمح آلمحيآ
07 - 03 - 2010, 22:38
ابشر يافراج بالي تامر فيه

وبيض الله وجهك يافراج على حسن تفاهمك مع ربعك

ولا الي غيرك بيلقا الي يسرهـ

ولاهنت يافراج
فراج آل ماضي
07 - 03 - 2010, 23:01
الله لايهينك ويطول عمرك يأخوي سمح المحيا ولاهانو الباقين