المساعد الشخصي الرقمي

مشاهدة النسخة كاملة : الــــراتـــب نــــــزل


عبدالرحمن العقيلي
24 - 02 - 2010, 21:09
بسم الله الرحمن الرحيم
غلا الاسعار


قالو لي(الراتب نزل)قلت وش عاد=ينفد خلال اربع وعشرين ساعه
فوق السماء رازق وفالارض حساد= وللسعر طب وللاوادم اشاعة
تبغون معنى راتب الشخص لازاد= معناه باب(ن) فك لاهل الطماعه
اهل الطمع تسرق على روس الاشهاد=وكلن يقّّّيم سلعته من ذراعه
الكون واسع حسب تقرير الارصاد=هذا خبر بثوه عبرالاذاعه
قلت اللهم تجعل الوسع يزداد= لو؟ان مالي حاجة(ن) فاتساعه
يضيق فينا الكون لاجات الاعياد=ويضيق لاشفنا وجيه الجماعه
شحت مواجيب الكرم عند الاجواد=يوم الغلا ميّل عليهم قناعه
ان طق باب البيت زاير ونشّاد=مايفتحه وليا فتح له؟؟؟؟ براعه
حل الايجار وجاك راعيه سرداد=يبغاه لاحلت عليه الشفاعه
اعطيه والا اعطي هوامير الاقصاد=والكهرب الملعون خطر انقطاعه
لاجيت ابرقد بين تفكير وجهاد=اسمع صياح الورع قاض(ن)رضاعه
تكفا يا(بومتعب)ترا حيلنا باد=حنا بدجا ليل(ن)كلتنا سباعه
تجارنا للحسد والكذب رواد=لو ودهم؟ كان اقلبوها مجاعه
حقوقنا توخذ على غش وعناد=ونقول للطماع سمع(ن)وطاعه
شكيت للغش التجاري ولافاد=ولانفع حتى وزير الصناعه
نبغى امر مرسوم في لهجته حاد=يهدف الى تحديد سعر البضاعه
تكتب عليها السعر من قبل الامداد= اسعارها تطبع عليها طباعه
نبغى انتهنا بعيشنا قبل الالحاد=وراع الطمع يغنيه كنز القناعه
ومثلك (يابومتعب) زعيم امة الضاد=عالي وشعبه يفتخر بارتفاعه
انتم حميتو اجدادنا وقت الاجداد=واليوم حنا في ذراكم وداعه

بقلم الشاعر/عبدالرحمن العقيلي

بن صغير السبيعي
25 - 02 - 2010, 00:47
صح لسااانك قصيدة جزززله


لا خلا ولا عدم

والله يعين على ارتفاع الاسعار

خالد الشماسي
25 - 02 - 2010, 00:48
ما أجمل ما تكتب ايها الشاعر المبدع

كل هذه العملاقة من اول حرف حتى آخر حرف

تكتب بماء الذهب معطرة بالزعفران

لاهنت

عبدالرحمن العقيلي
26 - 02 - 2010, 07:38
صح لسااانك قصيدة جزززله


لا خلا ولا عدم

والله يعين على ارتفاع الاسعار

بن صغير


صح بدنك ملاييين


وشهادتك غالة الثمن



مرورك اسعدني كثيرا



وتقبل تحياتي

عبدالرحمن العقيلي
26 - 02 - 2010, 07:40
ما أجمل ما تكتب ايها الشاعر المبدع

كل هذه العملاقة من اول حرف حتى آخر حرف

تكتب بماء الذهب معطرة بالزعفران

لاهنت

مرحبا اخوي خالد


مرورك


اسعدني وشهادتك نعتز بها


تقبل تحياتي