قصيدة قيلت في الشيخ فليان

[حفيد أبوراس]

بسم الله الرحمن الرحيم


هذي القصيدة قالها الشاعر/ حمد بن شافي في خواله ال أبوراس وذكر فعايل خاله الفارس / فليان أبوراس وذكر أيضا قبيلته المنيفات من المجامعة من سبيع

لي خوالن عز منهم خوالي
لاد ابن غيدان زيزوم القبيله
لاد ابن غيدان حامين التوالي
لاقدح للحرب في راس الفتيله
لاد ابن غيدان امروين السلالي
سعد منهم فزعته يوم الدبيله
هم زيزوم العرب ياهم لالي
مثل ضلع نايف كل يخيله
بالكرم تشهد لهم صفر الدلالي
والصنايا اللي محالقها جليله
راسين مثل ماترسي الجبالي
والجبل كثر العواصف ماتحيله
للحمول اللي ثقيلات جمالي
ينطحون أخفافها واللي ثقيله
بالشدايد عندهم قو احتمالي
عازفين للدهر عدله وميله
إنشد ابن سعود عنهم ويش قالي
هم هل البيرق ومركاض الفضيله
وزنة افليان بثلمين تكالي
راعي المركاض بالخيل الأصيله
هم بني عمي خوالي راس مالي
هم عمى عين العدو لخطأ دليله
افتخر في خالي وفي خال خالي
ومن نشدني قلت خالي ونتميله
ولاد مشنان إليا من جا سوالي
شيخنا منهم ولانبغي بديله
والغربا محزمي طول الليالي
هم هل الطالة محصلة الجميله
هم هل الطاله كرمين السبالي
بالفعايل يكحلونك بإلكحيله
ولاد ردعان مداغيش العيالي
حملهم ما كل من هزه يشيله
أما انا من للي فعايلهم اجزالي
العدو نركي على قلبه مليله
الخطر ناطا عيله ولانبالي
لين ناخذ حقنا ونزيد كيله
آل ماضي فعلهم باول وتالي
لازبنهم مجرم خلي سبيله
يشهد التاريخ والذود الغوالي
لوم مخرب رد بسيوف صقيله
افتخر في مدحي اقروم الرجالي
الرجال اللي مواقفهم مهيله
افتخر في خالي وفي خال خالي
ومن نشدني قلت خالي ونتميله


الشاعر/ حمد بن شافي بن تفاق السبيعي

وترقبو موضيعي الجديد عن مركاض الفارس والشيخ / فليان بن حمد أبوراس في غزوة العين [/SIZE]

[مترك ثواب]

والله ومليون نعم بكم يالخوال والشيخ فليان ابو راس اشهر من نار على علم

[حفيد الفارس]

بيض الله وجهك ياحفيد الشيوخ
وفي انظار جديدك

[حفيد أبوراس]

أخي مترك ماعليك زود ومشكور على مرورك الكريم والله صدقت أن الفارس فليان مشهور بأفعاله التي تفتخربها سبيع كلها ولاينكر أحد ذلك

[حفيد أبوراس]

أخي حفيد الفارس مشكورعلى مرورك العزيز وأنشاله الموضوع راح ينزل عن قريب

[أبـــو ســعــود]

مشاركة جيده وهذا فعل الرجال وننتظر مشاركة الجديده

[حفيد أبوراس]

أخي أبوسعود أشكرك على مرورك الكريم الذي زاد الموضوع جملا بطلتك الكريمه

[فراج آل ماضي]

أما انا من للي فعايلهم اجزالي
العدو نركي على قلبه مليله
الخطر ناطا عيله ولانبالي
لين ناخذ حقنا ونزيد كيله
آل ماضي فعلهم باول وتالي
لازبنهم مجرم خلي سبيله
يشهد التاريخ والذود الغوالي


والله ونعم وصح لسانك ياحمد بن شافي
والفارس فليان بن حمد يستاهل

[سمح آلمحيآ]

حفيد ابو راس لاهنت على النقل


يستاهلون بني غيدان المديح



جبها يامال الشحم وشنت ذاخرها له ؟؟

في أنتظارها