تفضل يا مشعاب

[الشاهق]

ندور على مشعاب من دون تاخير
عسى الشيخ يجلس فوق كرسي الاماره


ابا اكشف له اوراقه وابا اعطيه تقدير
علشان ما ينسى نظام الوزاره

[مشعاب]

وأنا اطرّدك واشوف خلفك معاصير = اب ادرسك يا شيخ ضرب الشطاره
تركد على حالك وخاف المقادير = واحذرك من طلع الشفق والقشاره

[الشاهق]

ههههههههههههههههههههههههههههههه
حياك الله يا مشعاب

[الشاهق]

انا ماهربت وماقفي للمناعير
ومن هو تعد الحد بكشف ستاره


علامك تلوى فالغصون المخاضير
وتحلب وتروى من ديوس الحماره

[مشعاب]

اجل لا تبنشر في الليال المعاسير = وابربحك في السوق مامن خساره
وأنا ما لقيت الا الحمارة على البير = تشيل الحمول وترتكي للمناره

[خالد الشماسي]

الشاهق - مشعاب

صحة السنتكم

ابداع × ابداع

واصلو

[الشاهق]

صح بدنك يا بو عمر

[الشاهق]

ابا اشعل فتايلها وابا اوجه السير
ترى سد مارب هدته سن فاره

الن كانك انته ماتحب المخاسير
فخلك على الصندوق كب الغماره

[مشعاب]

أنا ما توقى غير روس المشاهير = وباق العليمية تشد الخفاره
أنا بنشدك يومك تبار المظاهير = عن الوسم كان انك تذكر شعاره

[الشاهق]

لا غلطه جاك الرد

[الشاهق]

وجساس فعله بان مع سالم الزير
ولا كل صقارن يعرف الصقاره


ترى الذود من دونه سيوفن بواتير
وراع الغنم يجهل فنون التجاره

[مشعاب]

عيونك تبا دربيل ولا نواظير = لجل لا نظمت البيت تضبط مساره
اظنك صغير السن واتسابق العير = ولا كل سابق يستحق الوزارة

[الشاهق]

ترى الماس يا مشعاب ماهوب قصدير
ومشعاب يزعل لين قطع زراره


ولو المراجل تشترى بالدنانير
ابشري وابا نعطيه تاج الصداره

[مشعاب]

تعلمت وزن البيت والدف والزير = ولكن شعرك ضايع في مداره
تجمع كلامك واتحدى بالمناشير = ولا يشبهك يا كود شيخ الوباره

[المسالم]

مشعاب والشاهق طاروق حامي من البدايه
صح لسان مشعاب وصح لسان الشاهق
واصلو وانا متابعين ومشجعين
تحياتي للجميع

[الشاهق]

صح لسانك اخوي مشعاب
واشوفك تضايقت والدعوى شعر
وانا عيال عم اكبر من الشعر والكلام


وانا اتعلم من مدرستك طال عمرك
ولاتزعل يا ابن العم
وانا طال عمرك مانيب صغير
شايب واعرف اللي لي واللي علي
ان كان اخطينا سمحنا

حبينا نسمر شوي ونستانس فقط
والقلوب صحااااح

تحياتي

[مشعاب]

صح لسانك اخوي مشعاب
واشوفك تضايقت والدعوى شعر
وانا عيال عم اكبر من الشعر والكلام


وانا اتعلم من مدرستك طال عمرك
ولاتزعل يا ابن العم
وانا طال عمرك مانيب صغير
شايب واعرف اللي لي واللي علي
ان كان اخطينا سمحنا

حبينا نسمر شوي ونستانس فقط
والقلوب صحااااح

تحياتي


مراحب يالشاهق

مامن خطأ طال عمرك

كلها شعر واناسه

خالد الشماسي المسالم

مراحب شرفتونا

[ابن جمل]

تعلمت وزن البيت والدف والزير
ولكن شعرك ضايع فـي مـداره
تجمع كلامك واتحدى بالمناشير
ولا يشبهك يا كود شيخ الوباره



اتوقع من الشاهق ترك التمشي على الشاطي ويدخل الغبه والسباحه صح مع الدلافين فهذا البيتين يحتاجاااا ذلك بصراحه ... شعراء كبار التمني منهم قبول مروري وترك توقيعي هناء

[مشعاب]

هلا ابن جمل

يالله حيه --- وين الغيبات


شرفنا مرورك يا دلفين المنتدى


لك اجمل التحايا