تمام سبيع المالك الشيخ/ مفرج بن شويه وقصيدة الشاعر/ هاجد بن صنيدح

[خبرتو]

قصيدة في فحل الشيخ/ مفرج بن سعد بن مطلق بن شويه

http://www.mzayan.com/vb/images/uploads/1160_285764a42bd201d643.jpg


سلامي على ذود هل العرف فيه تضيع = الا طبها راع النظر صابه أحراجي

مقيمه بعضها من بعض ماهي بتجميع = ولا لقطة من كل سوق ودواجــــي

بنات البعير اللي مسمى تمام سبيع = عليها رقاب أهل النظر غصب تنعاجي

بعير فريد الوصف والمستوى رفيع =عليه الهجار بخدته كنه ســـراجــــــي

بعير كمل بالوصف ماهوب بالتلميع =على زين شكله فارق بزين الانتاجي

بعير يحمل أسم عزيز على الجميع = ولارد عنه من تنــصاه محتــــاجـــــي

ترى من يظرب ناقته منه ذب الريع = يجي له حوار مع هل الذود ماداجي

ربط للزوم وقضيته ماعرض للبيع = عليه العرب لاجيت له مثل الافواجي

بعير لشيخ تفتخربه جميع سبيع = مفرج بن شويه له الطيب منــهاجــي


الشاعر: هاجد بن صنيدح السبيعي

[أمق]

بيض الله وجهك يا خبرتو على الصورة للفحل المشهور تمام سبيع وندعو الله أن يجعله مباركاً لصاحبه الشيخ مفرج بن شويه وهو رجل يستاهل وأكثر مشكور مرة اخرى يا خبرتو’’’’:1044201692:

[راعي خريم]

يستاهل ابو فارس شحيمان الكرم العلوم الطيبة كلها الله يطول في عمره وللمعلومية ياخي موادع اصل هذه البعير هو عند سبيع وعند فخد العزة قبل عهد الملك عبدالعزيزوبالذات عند اسرة ال قرينيس في ابل رشيد بن فايز ال قرينيس رحمة الله كان طيحان عندهم وعليه انتاج طيب منه الفحل عليان الذي انتقل انتاجه من ال قرينيس الى العجاوين من العزة وكذلك استفادة منه محمد بن بتال رحمة الله الذي هو خال مطلق بن صاهود العرينات رحمة الله الذي اشترا مطلق بن صاهود من بتال بن محمد الفحل ابو رجلين ابو الفحل عويجين المشهور ثم انتقل انتاجه الى الدواسر ثم الى الامير سلطان بن سعود ثم اشترا هيف القحطاني البعير تمام والان والله الحمد والمنه انتشر طيحان من جديد عند البدو انتاج تماااااااااااااام والله يرحم الاولين ويبارك لبو فارس فيه ويمنحه منه البركة ونستفيد من ذلك ان الفحل طيحان المشهور هو بعير بن قرينيس من العزة وانتشر انتاجه بين سبيع وكذلك عند الغيثات والحراجين من الدواسر