أستفسار

[ناصر الدودير]

السلام عليكم ورحمة الله وبركاته وبعد
هذه قصيده للشيخ تركي ابن حميد شيخ قبية عتيبة تعددت حولها الروايات ونحن نبحث من أجل الوصول الحقيقي لسبب القصيده ومناسبتها وأحداثها:
يالله ياللي مـاش حـال يكـوده يامصرف الدنيا على كل تصريف
ان ترحم اللي وحدوا به جنـودها حد صلح واحد تحدعلى السيف
حنا ليـا كـلً تمصلـح بقـوده نصلح بقبً كنهـن الشواحيـف
طريحنا سحم الضـواري تـروده الى ركبنـا لينـات المحاريـف
عدّيت فالطيري وطيّـت نفـوده واصيح للغلبا بروس المشاريف
اهـل ديـارً موسّعيـنً حـدوده واهل مهارً يلعبـنّ الغطاريـف
ماحدّة لبرقـا لشرقـي نفـوده حامينها الغلبا بروس المراهيـف

أ خوكم / ناصر دحيم الدويدير
خاتمه : غفر الله لناولوالدين ولكم وللمسلمين والمسلمات

[فارس الجراح]

بسم الله الرحمن الرحيم
رداً على استفسار عن قصيدة الشيخ تركي بن حميد التي مطلعها :
يالله ياللي مـاش حـــال يكــــوده |--| رب لطيف يصرف الريح تصريف
وسبب القصيد ومناسبتها واحداها في الآتي :
مناسبة هذه القصيده ان الشيخ تركي بن حميد في وقت تفرقت عنه عتيبه بعضهم انحدر تبع المرعى وقيل أن الهيضل شيخ الدعاجين قاد على ابن هادي شيخ قحطان فرس وصلح معهم وذكر انه نزل في عرق سبيع المعوف يم ( رنيه) ونخاهم وخلا الإبل والحلال عندهم واستقبلوه وهو صار مما يلي ابن هادي دون الحلال وقال بهذه المناسبه ابياتا ذكر فيها سعد بن قطنان خال بن هادي محمد وسير عليه يخطب منهم بنت اخيه وابا ألا يزوجه قال إننا جوزنا ابوك وجيت انت نقص علينا لأنه فارس ونخشى نجوزك ويجي واحد مثلك وانتم قوم لنا فقال تركي بن حميد هذه القصيده :
يالله ياللي مـاش حـــال يكــــوده |--| رب لطيف يصرف الريح تصريف
ان ترحم اللي وحدوا به جنوده |--| احد صلح و احد تحدر على السيف
حنا الى كل تـمـصـلـح بـقـوده |--| نصلح بقب كنهن الشواحيف
طريحنا سحم الضواري تروده |--| الى ركبنا لينات المحاريف
نزلت يم القهب بأوصط نفوده |--| وأصيح للغلبا بروس المشاريف
اهل ديــار مــوسـقـيـن حـدوده|--| واهل مهار يلعبن الغطاريف
من حـده البرقاء لشرقي نفوده |--| حامينها الغلبا بروس المراهيف
وانشد سعد من خالهم ويش فوده |--| اللي يصرف له من الحكي تصريف
ما جـاب طهطام حـصـان يقوده |--| ولا مهرة تبرى لجيش المناكيف
ان خاف قرب جدهم من جدوده |--| وهم على عامر عصاة مواليف