طاروق حااااااامي

[الطايفي]

السلام عليكم ..................



كيف حالكم يالربع .



ياسلام الله بردية وفاء محبوكه = من هجوس الشاعر اللي ضيّق السبعاني

ياطويق اللي سواتك رفقته مبروكه = كان ما غيرك عني وقتنا التعباني

[المسالم]

هلا بالطايفي

وياليت اللعب يكون مباشر

استلم لاهنت



مرحبا بالشاعر اللي جا يلوك اعلوكه=جيتني في حزت ٍ فايق وأناطرباني
هقوتي ياعايد انك من يجر اسلوكه=استعد ان جاك منا شاعر شفقاني

[بحر الشوق]

حذفت المشاركة

بواسطة

إدارة المنتديات

[العاشق]

حذفت المشاركة

بواسطة

إدارة المنتديات

[ابن بداح]

بحر الشوق


العاشق



ما هكذى تورد الابل !!


ليش هذه الردود الغير مبرره؟؟

[الطايفي]

الأخ الشاعر الكبير / المسالم


تقديري وإحترامي لك ، لكن إسمحلي مانيب مكمل القاف هذا معك،،، لأني طالب فيها الشاعر ( طويق ) .

وإذا ودك بطاروق مع أخوك الطايفي ،،،،،،،، لي الشرف طال عمرك...

تحياتي لك

ــــــــــــــــــــــــــــــــــــــــــــــــــ ــــ


الأخ ( بحر الشوق ) ........ ؟؟؟؟؟؟؟؟؟؟؟؟ لا تعليق؟

ــــــــــــــــــــــــــــــــــــــــــــــــــ ـــ

الأخ ( العاشق ) .................. شكراً للمعلومه القيمة اللي طلعت بها طال عمرك.


ــــــــــــــــــــــــــــــــــــــــــــــــــ ـ

الأخ العزيز ( إبن بداح ) .............. تحياتي لك.

[طويق]

من لفى لسبيع مايلقى الدرف مصكوكة = يرحم الله شايب(ن)في جيتك وصاني
قايل(ن)لك عام الاول كلمة(ن)مشروكة = بيض الله وجه من حدك وصح لساني

[الطايفي]

أنت لا يلذعك ماس الكهرباء وسلوكه! = إنتبه !! للدرب قدمك وإقضب العنواني

المنافق ما تفيده ذمته وشكوكه = ما قدر يختار بين الكفر والإيماني

[طويق]

بيتك اللي قدبنيته راهنين صكوكه = مانبا ننبش عمودالبيت والبنياني
كل بقعه فوق الارض العامرة مملوكة = مير ودك ننوي الوجهة على عماني

[طويق]

الطايفي :: وسع صدرك ترى الرد بيبطي تعرف الدوام صباح وليل ....... الفلوس الهتنا

الربع أهل الهدة وحذف المواضيع وش عندهم ..

ابن بداح .. سلم لي على نفسك .. وعلى ابو مفرح (راع الردية) ..

[الطايفي]

كان تعرف ، الجندي، ( على حسن سلّوكه) = إنشده من ثبته قبل امس في الميداني

يحسب إنه حط مال الراجحي في بوكه = والثبيتي ما درى عن حنّة الحنّاني


طويق / خذ راحتك طال عمرك ، وان بعد جايزٍ لي...............يالعداد!!

[طويق]

البنادم مايعزه غير حسن سلوكه=سلعةٍ تشرى ولا تنباع بالاثماني
الفلوس اللي تخص الراجحي فبنوكه = ماتهيت ياوسيع المعرفة لفلاني

[خالد الشماسي]

طاروق جميل جدا


واصلو

[كلي مشاعر]

الله ..الله
صحت السنتكم:)
واصلوا

[مروّض]

يا سلام...يا سلام

هلا و مرحبا بالشعار الكبار...

الطايفي...طويق

أسماء لها شأن ...و وجودها في منتدانا يعطيه ميزه...و متعة لقرّاءه..

واصلوا الله يا يهينكم...و الصفوف حيه...

كل واحد عليه يحسن سلوكه....و بقاء الفلوس في البوك أو البنوك ما يفيد..

الناس جيعانه...و الحبيب يجمّع ....سياسه اقتصاد

تحياتي للمبدعين ( بفتح العين ).... و أهل الأدب