أبي راي الشعراء ونقدهم للفائدة

[محب مكة]

اتمنى الصراحة في النقد والوضوح للفائدة



يا ليل خبر خلي وش كثر مشتاق
يا دمع وقف هذا الوضع ما ينطاق
السهر طال والدم جمد في العروق
والقلب آه يشتكي من الفراق
العين وقف شوفها تبغى الحبيب
والروح راحت تدعي ترتجي الخلاق
أحبك انتي يادواي من الجراح
أحبك كثر ما في الدنيا من عشاق
أهوجس فيك يا حياتي صبح وليل
هذا إحساسي صادر من الأعماق
يا سلا خاطري وقلبي والعيون
فداك الكون ومن في الكون والأعناق

[عبدالله الذعيفي]

الاخ العزيز محب مكه هذه المشاركه ليسة قصيده حيث انها غير موزونه والوزن احد اركان القصيده الرئيسيه تقبل نقدي بكل روح رياضيه وهذا لا يمنع ان تحاول مره اخرى وتكتب قصيده مكتملت الوزن والقافيه والمعني

تحياتي لك

[احساس انسان]

ياليل خبّر خلي إشكثر مشتاق
يادمع عين(ن) تحت الأهداب حراقّ

السهر طال وجف دمي بلعروق
والقلب يشكي لوعة أحزان وأفراق

العين وقف شوفها لأجل محبوب
والروح ترجي موجد الكون خلاق

أحبك أنتي يادواء كل لجروح
أكثر من جروح الهوى بعين مشتاق





حاولت أقربها من اللي ببالك وعلى جوك


وبقولك شي


إذا كتبت قصيده أول حاول تغني بيت الشعر (تشيله شيله) وبأكثر من أسلوب (بحر)

بكذا تضبط الوزن والقافيه سهله عاد



أستمتع وأكتب شعر دامه ينبض من قلبك وينفس عن همومك



ولك تحياتي




تركت الباقي أكمله أنت وحاول

[محب مكة]

مشكورين ياخوان واستفد من آرائكم خصوصا الاخ ( احساس انسان )

[فلاح آل مشاري]

السلام عليكم ورحمة الله وبركاته

مرحبا محب مكة مشكور على هذي القصيده والله يعطيك العافيه.

اللــــــه يعين قلبك على الشـــــــــــــــــــــــــــــــــوق :)

[مثيب الصندلي]

اخوي . اسمحلي أبدي راي . وارجو منك تقبله . بصدر رحب

الخاطره التي امامي . لا تنتمي لشعر النبطي بصله مجرد صفصفة كلمات لا أكثر ..

أتمنى أنك تركز على الوزن والقافيه اكثـر والتمكن منها