محاورة بين رشيد الزلامي وصياف الحربي

[بحر الشوق]

محاوره بين علمين من اعلام المحاوره البارزين

بين الشاعر / صياف الحربي و الشاعر / رشيد الزلامي



رشيد :

يا سلامي ها السلام اللي خفيف ٍ دمّه =معه جنسية ويبغى له جواز سعودي
مشكلة صياف صارت بين ابوه وعمّه = والسبب ناس ٍ تدق الملـح والبــارودي
@
@
صياف :

مرحبا بالشاعر اللي ما قدرت آذمّه = الليالي ما تغيّر والزمان ايعـــــــودي
الزلامي معه علم وكل شي ايهمّه =مير لو يزعل تغيّره الليال الســـــودي
@
@
رشيد :

كيف تدلي بالشهادة يا كبير الذمّه = وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه = والعرب فالصيف تعرف عدها المارودي
@
@
صياف :

العلوم اللي تحط الناس راس القمّه = حبلها من يمكم يا صاحبي معقودي
ثوبك اللي ما ينوش الأرض غير ابكمّه = نزله للجمرة اللي فوق راس العودي
@
@
رشيد :

ودي اكشف غلطتك للعالم الملتمّه = أنت حربياً تطالبني بورث اجدودي
يا محبين العقال ومنكرين العمّه =خصمكم في الآخرة عبد الله المسعودي
@
@
صياف :

أنتم رجال الشرف وعظامكم منسمّه = أعبروا ذاك الطريق وحملكم مشدودي
أنت ما تدري عن البارود لين اتشمّه = مير لا ترمي بها فالوادي المسدودي
@
@
رشيد:

لوّ يا صياف علمي تمسكه وتضمّه = تاجده مثل العسل وألا حليب القودي
أنت تحسب جدنا داب يموت بسمّه = مير أنا باذل لنصره طاقتي وجهودي
@
@
صياف :

يقطع الله ديرة اللي ما يعرف الجمّه = والتجارة يالعتيبي بابها محدودي
قبرك اللي في تهامه بالتراب اندمّه =تحفره بالليل الأظلم والعباد رقودي

[الطايفي]

الله يعطيك العافية يابحر الشوق


بصراحة إنها ردية قيّمة ودرس من دروس القلطة .


والزين في الموضوع إني أبحث في الفترة الأخيرة عن المحاورات اللي جمعت بين الشاعرين هذولي.


الله يعطينا وإياهم العافية في الدنيا والآخرة


تحياتي لك.

[ابن بداح]

تسلم يا بحر الشوق


الله يعطيك العافيه في الدنيا والجنه في الاخره نحنوا وانت واخواننا المسلمين




تحياتي

[ابو تركي]

اختيار موفق يابحر الشوق

محاوره قيّمه بين اهرام المحاوره



لا هنت طال عمرك

[المتعقل]

ما قصرت اخوي على المحاورة الرايعة بين الشاعرين الكبيرين

ولك تحياتي

[بحر الشوق]

اخواني
الطايفي
ابن بداح
ابو تركي
المتعقل
اشكركم من اعماق قلبي على المرور والكلام الطيب