يا مفرح بن بداح يا راع المهمات

[مشعاب]

سلام ربي ورحماته والبركات = على الرجال اللي لهم في خاطري زود
يا مفرح بن بداح يا راع المهمات= جينا مسايير ولقينا الباب مردود

[السيف]

طاروق ممتاز والله يقويكم وتطربون الجمهور الليله

مشعاب + ابن ابداح

اتوقع والله اعلم ان تكون من اجمل المحاورات

تحياتي لكم

اخوكم السيف

[المسالم]

الله الله مشعاب وابن بداح

[ابن بداح]

يا مرحبابك عقب تحسين العلقات= لكن طاروقك يجيب النوم ويزود
بعض العرب تعرف ليا راحت ليا جات=بعص العرف ما تلتفت فيها هل الجود

[المسالم]

صح السنتكم ياشعارنا

شعار كبار من العيار الثقيل

[مشعاب]

ترى العلوم اللي تحسبها سهالات= عطنا سنة بيضاء ما عاد اندور السود
اللي جمع حدان مملكة الوفاء مات= وانته خليفة بعد ما دندن لك العود



ابن بداح خل ردك بتغييره على كيفك


صدقت هذا الطاروق يجيب النوم :)
لاهنت

[المسالم]

وينك يالواسطه

أكيد منتب حولنا

لكن أبشر الليله نكفيك الصفوف


وينكم يالعيال

:|:|:|:|:|:|:|:|:|:|
مشعاب
ابن بداح
:|:|:|:|:|:|:|:|:|:|

[ابن بداح]

أنت يا مشعاب شاعر منتدى نقاد سحاحه= والثقه بالنفس عزٍ للرجال وفيك منها
جابك الله واعتبر لعبٍ معك شبه استراحه= يا عساك تتطلع رموز المعاني من كفنها

[مشعاب]

وأنت يا ابن بداح شاعر مير في شعرك شحاحة=وهرجتك في موقف القيفان ما قلل ثمنها
استرح ثم استلم واخذ المعاني في صراحة =والفرس لامن غزيت القوم لا تطلق رسنها

[البدر]

يا سلام يا سلام يا سلام


لاهنت يامشعاب ولا هنت يابو عبدالله

طاروق طيب واصلواا وحنا معكم في الصفوف


اخوكم البدر

[ابن بداح]

انت ويا ابو عمر ضد الحضاره والسياحه= من يفكر في سياسة مملكتكم ما سكنها
التعسف ما يجوز و لا نضن الشرع أباحه=علم الرجال خل الناس تظهر ما لدنها

[مشعاب]

مملكتنا وافيه ما عندنا غير السماحة= و كل من داج الدير ولا حشر جاك وزبنها
وش تبي باللي غشيم ماليٍ راسه وقاحة = لحية ماهيب تستاهل فديته من حسنها

[المسالم]

ماشاءالله واصلوا الله يعطيكم العافيه

وانا ترانا متابعين

وسجلوا اعجابي بكم

[ابن بداح]

مرهف الاحساس ما يقعد هنا يبعد مشاحة= لين يلقى من يسلي النفس ويفرج شحنها
سالفتكم ما يسويها ليا جات الصراحه= غير قاسين القلوب اللي مبلدها شجنها

[مشعاب]

من يمثل عن هل الطلات لا ينزل سلاحه = يحتميها والحقايق لمبة يوضي زمنها
وانت رجال عزيز ولك مباسط في البراحة = والبلدية لها تنظيم جاك العلم عنها

[ابن بداح]

يا خي انت محجرٍ مخّك وتحتاج أنفتاحه=فك حريات خلق الله وحريتك صنها
مالكم يا ثنين غير الطرد الاقصي والإطاحه=لجل تحرير المسوح لمن بغى يشرب لبنها

[مشعاب]

مرضي العالم صعيب و كل غصن له لقاحة = والحكومة فاتحه بيبانها محد شحنها
ارد واشرب يا مفرح دوك رعيان الفلاحه = ارض خصبة كل من جاب الردى فيها دفنها

[كلي مشاعر]

مشعاب وابن بداح:) واصلوا

الله يعطيكم العافيه.........الصفوف يالربع

[ابن بداح]

في زمان ابو دجانه في زمان ابو رواحه=ما حصل تفريق بين الناس يا فارق ضعنها
هيد يا مشعاب خل الصقر يلحفك بجناحه= والصقور مكرمه في شامها وإلإ يمنها

[مشعاب]

حسب احسابك وعاين في المخاسر والرباحة = واليتيمة تنتخي وتصيح ويل اللي طعنها
الحقيقة واضحة واليوم يسعد لك صباحة = والسياسة لا تطريها وتأكل في صحنها






كنت سعيد جدا بالتحاور معك يا ابو عبد الله



تصبح على خير



ولنا لقاءات قادمة بإذنه تعالي

[ابن بداح]

حياك الله


ياخو عجراء




تصبح على خير





تحياتي

[ابن بداح]

الف شكر



لكل من شارك وتابع هذا الطاروق





سامحونا على عدم ذكر الاسماء







شكراً للجميع






مفرح بن بداح

[ابو تركي]

الله الله الله الله



ياسلام عليكم يامبدعين










مشعاب ........... ابو عبدالله



صح الله السنتكم على هالطاروق الجزل والمعتبر



واعذرونا على التأخير



لا هنتواااااااااااااا