وين النشاما... [الأرشيف] - منتديات سبيع الغلباء

مشاهدة النسخة كاملة : وين النشاما...

مروّض

12 - 10 - 2004, 12:43

أخواني...

مرحبا بالجميع...بدون تخصيص

الأقرب فالأقرب....بو تركي..بحر الشوق...المتوهج

الموضوع للمتواجدين...تحضير لليله..

مقتدى الصدر ابتلش ويّا خصومه=نازعوه بورث جدّه و الزعامه
من يدافع عن بلاده ما نلومه=ليه يدفن خشّته مثل النعامه

الهمام..الهمام

الطايفي

12 - 10 - 2004, 20:23

الظاهر إن اسمي يا مروض سقط سهواً <==================على نياتيه:nervous:

إستلم لاهنت.

يامروض مقتدى خارت عزومه = دون ورثه ما يبا غير السلامه

من يبا حقة يشمّر عن كمومه = يعتزي بالله ولا يكثر كلامه

طويق

12 - 10 - 2004, 20:31

أهلا يامروض .. والله الظاهر انتقلت لك العدوى يعني على كذا راحت الدعوى شللية
بس حلو فيه الأقرب فالأقرب .. يمكن يجينا الدور بعد مدة مشعاب صديقك عفوا عفوا مايمديني أمسح
قصدي المتوهج صديق بعد هذا وتوه جاي
المهم استلم .. ياولد وش صار في رديتك مع أبوبداح والله اني داري .. باقي لك كم حركة علشان تتغلغل
بصورة صحيحة ......

الحكومة مالها غير الحكومة = ماتوقف سيل دمام العدامة
الثقة في النفس لاصار معدومة = لاتعكر جو نايم من منامه

طويق

12 - 10 - 2004, 20:34

المعذرة المعذرة يا الطايفي
كمل طال عمرك والله ماشفت ردك
وانت ليا حضرت كفيت ووفيت ..

وأنا ماسك صفك يا الطايفي الدعوى دعاوي شدلي واقطع لك

عيسى السبيعي

12 - 10 - 2004, 23:18

الله الله مروض والطايفي

ماشاءالله طاروق طيب

بس ليه التداخل

وبعدين الجدول

مروض ومشعاب

وبعدين الأخ طويق الرجاء الإحترام

في كل شي ألا اذا أخطي عليك تكلم

من يحترم نفسه لقاله تقادير = ومن يرخص النفس الزكيه دمرها

عيسى السبيعي

12 - 10 - 2004, 23:24

الأخ الطايفي

المفروض ماتدخل في سرا غيرك

مروّض

13 - 10 - 2004, 09:11

هلا...بالجميع

اسمحولي أبدأ من الأخير...

أخي الواسطه...كلامك صحيح و على الراس و العين...لكن الطاروق صباحي...و طلبت المتواجدين فقط..

و كما تعلم يا أخي أن مشعاب لم يعلن استعداده للقاء إلا متأخر...و راسلت أبو تركي أخبره باعتقادي

و رغبتي باللعب معه...فرد أنه مستعد..و عليّ أن أكتب أبياتي حين أراه متواجدا...و هذا ما فعلت...

الطايفي...طويق....أشوف البيع جمله....هذا دليل تفاعل ...لكما الشكر

الطايفي فعلا اسمك سقط سهوا...و اللعب معك يزيد و يشرّف...استلم

المرابي لو يساوم طاش سومه=نعرف أنه ما يساوي ربع خامه
قومة السيّد بها تسعين قومه=تشبه الحجّاج يوم أرخى لثامه

طويق...أول شيء كمّل محاورتك في المنتدى الآخر و بعدين تعال...

تحياتي..

ابو تركي

13 - 10 - 2004, 09:58

الله الله يامروّض

الحظ ما ساعد نكون على الجهاز للتشرف بالرد على الطاروق الطيب

مير الربع يسدون

واصلو وحنا متابعينكم

مع الله

الطايفي

13 - 10 - 2004, 11:16

الأخ الواسطة

الظاهر إتضح الموضوع لي ولك بعد توضيح الأخ مروض ........... لأني والله مثلك مدري وش السالفة إلا إني شفت طاروق ومطلوب ثلاثة قلت أكملهم رابع:icon_bigg .

تحياتي للجميع

وإسلم يا مروض لاهنت....

طير إبن برمان لو يعجبك حومه = ما يجيب الا الكسيفة والهلامه

الهبيلة لا حلم صدق حلومه = يحسب ان الناس تدري عن منامه

مروّض

13 - 10 - 2004, 14:13

الطايفي...

أعتقد بأن الصوره أصبحت واضحه للواسطه و لغيره...

استلم...

لو تشايل بعض الأوادم همومه=قابله لا شفت زوله بابتسامه
من يصوم بلا شهاده راح صومه=مايفيده لو تعامل باستقامه

آسف على التأخير...النت ما يشبك على شبكة سبيع...لا أدري لماذا..

أبو تركي...مرورك يشرفنا...و أنت غالي و ما يلحقك شك...

تحياتي...

الطايفي

13 - 10 - 2004, 18:58

طويق / الله يعطيك العافيه ..........ما له داعي التعذر ......... الدعوى سعودية طال عمرك.......... والطواريق ان الله احيانا واجد .................وماعليك زود ( انت الإستاذ يا ستاد)

إستلم يا مروض لاهنت

كاسب المعروف ما يترك سلومه = والردي مشكوك في صدق إلتزامه

ليلهم مظلم ولا بانت نجومه = ول ياليل التحزب والندامه

مروّض

14 - 10 - 2004, 03:23

مرحبا...مرحبا

استلم...

من يبا العليا تجي نفسه جزومه=ما يحسب حساب لبّاس العمامه
البخيت اللي غناته رزق يومه=ما يخاشر زور في مال اليتامه

تحياتي...

طويق

14 - 10 - 2004, 14:46

الواسطة لاتعكر على العالم الله يجزاك خير

قلت إنا ملاقيف يوم ردينا على الرجال ..... طيب وينك ماترد ولا تدخل لاشاف بعض الناس نفسه ولا يتنازل يرد على الرجال اللي يطلبونه .. صحيح الكلمة المتوازية ضاعت .

عاشوا الشعار : مروض == الطايفي == وكل رجل يقول الحق

الطايفي

14 - 10 - 2004, 21:07

علمنا وصله ولا جتنا علومه = وش علامه يا مروض وش علامه

الضعيف يموت في داخل هدومه = ما تشيلة حزة الهدّه عظامه

مروّض

15 - 10 - 2004, 14:48

أخي...الطايفي

الله لا يهينك على المشاركه...أبياتك كالعاده طيبه و جزله

طويق ... الواسطه ...أبو تركي...أشكركم على المشاركه و المتابعه

و مبارك على الجميع الشهر الفضيل...و كل عام و أنتم بخير

تحياتي...

مروّض

15 - 10 - 2004, 14:51

أخي...الطايفي

الله لا يهينك على المشاركه...أبياتك طيبه و جزله كالعاده...

طويق...الواسطه...أبو تركي...أشكركم على المرور و المشاركه...

و مبارك على الجميع الشهر الفضيل...و كل عام و أنتم بخير

تحياتي...