جيت لأبها وقالوا عودت للرياض من شيلات السليس

[مشعاب]

أقدم لكم هذه الشيلة وهي من كلمات الشاعر: نواف العتيبي
:
ومن أداء: محمد السليس
:
القصيدة كتابياً



جيت ل(أبها) وقالـوا عـودت للريـاض=والله إني مـا جيـت إلا علـى شانهـا
علموني ودمعي فـوق الأوجـان فـاض=وأغـرق (أبهـا) وسودتهـا وشعبانهـا
دمعتي غيث سحبٍ وسطها البرق نـاض=استهلـت بعـد مـا مــاع ربانـهـا
وانخفض ضغط قلبي من عناي انخفاض=وذابت الـروح حيـن اختـل شريانهـا
وقلت يمكن مقدّر مـا عليـه اعتـراض=يالله إنـك تقـوي النـفـس بإيمانـهـا
وتلطف بـروح وردت للمنايـا حيـاض=والسبـب جـادلٍ مـا خـف ميزانـهـا
ويش أوصف وصايفها طـوالٍ عـراض=الله اللي مـن عيـون البشـر صانهـا
خدها فيـه حمـرة ورد شاعـه بيـاض=شعشعـت بالحيـاة وزانـت ألوانـهـا
عين حرٍعلى الخرشـا طلـع بانتهـاض=شافهـا عقـب مـا ناضـت بجنحانهـا
نادرٍ كل مـا شـاف العنيـد استهـاض=يلحـق أطيارهـا لـو طـال ميدانـهـا
وعودها خيزرانٍ غـض لـدنٍ غضـاض=وفارع الطول في أعلاها وفي أغصانهـا
عنقها عنق ريميٍ من الصـوت جـاض=استـذارت وجـات الرّمـيـة وزانـهـا
وكن في صدرها الطير أزرق الريش باض=بيضـةٍ مـا لمسهـا غيـر فستانـهـا
وغير هذا عفيفة مـا مشـت بانخفـاض=راجــحٍ عقلـهـا تفـخـر بجدانـهـا
بنت قومٍ لهم تاريـخ حاضـر ومـاض=تكسب الخيـل هـاك الوقـت برسانهـا
حبهـا زارعٍ لـه بالضمايـر فـيـاض=أزهـرت عشـق والبستـان بستانـهـا
الله اللـي فرضهـا فالضميـر افتـراض=صرت فـي حكمهـا واتبـع لسلطانهـا
ليت أبوها على شانـي تريـض وراض=انتظرنـي وقــدّر دمـعـة أعيانـهـا
بعدها ما لنا ب(أبها) العزيـزة مـراض=تقعد (أبهـا) مثـل مـا هـي لسكانهـا


http://www.5ymah.net/inf/voicesm/3371.ra

[أبـــو ســعــود]

بيض الله وجهك على المشاركه