اخ العرب
10 - 11 - 2010, 16:40
السلام عليكم ورحمة الله وبركاته مساكم الله بالخير
اليوم جايب لكم.رديه بين الشاعرين..الأمير فيصل ابن حشر الجبعاء الدويش
و لأمير بندر ابن تركي ابن فيصل الدويش
وكأنت البدايه من فيصل ويقول....
لله من خافـق شـب النـوى نـاره وعين على الدمع والعبرات مجبـوره
قلب لحاه الغـرام وباحـت اسـراره باحت وهي من قبل بالصدر مستوره
أشكي على صاحب نظم الدرر كاره شاعر وله تجربه بالعشق مشهـوره
بندر ابن تركي اللي قـال باشعـاره بيتين لكن مع اهل الشعـر مذكـوره
لـولاك ماعنـي اللكسـز لجـراره في ليلة مظلمـه والأرض ممطـوره
أسلي النفس في نوره وفـي سـاره ولاعاضني فيك لاساره ولا نـوره
ياخوك قفى وليفـي ماعـرف داره ماعرف وش هو سبب تعذيبه وجوره
لايتصل بي ولايرسل لـي أخبـاره والظاهر إني ماعاد أحرك شعـوره
أنشدك وش حيلتي والنفس محتـاره في خافق طعنته من كـف دكتـوره
النفس مختارتـه والقلـب مختـاره والنفس بالحـب منهيـه ومامـوره
لوهو على الكيف انا ماعفت مسياره مشهاة قلبي مشاهـد عينـي لحـوره
لا واللذي حط في قاره جبـل قـاره ماتوب انا عنه روحي فيه مسحـوره
سبحان منهو رفـع بالقلـب مقـداره يخطي وكل الخطايا منـه مغفـوره
لاشـك الايــام دواره وغــداره أقفى زمانـي وحـل لعاذلـي دوره
شمت عذولي وثور وقتـي غبـاره وكل درى عن غلاي اللي طفا نوره
جيت اشتكي لك عذاب الحب وآثـاره وحبيت أعلمك واخليـك بالصـوره
وجأء الرد من الأمير بندر ابن تركي الدويش
يامرحبا والقصيد ان جتنـي افكـاره اخذت منّه مايرضـي ذوق جمهـوره
والنفس يابو حشـر بالسـوء أمّـارة لكنهـا لاذنبـت ماهيـب مـعـذوره
واللي دخل بالغرام ويجهـل اخطـاره يبطى ونفسه من اللوعـات مقهـوره
مثلي دخلت الغرام وضعـت بديـاره وامسيت غرقان في شاطيه وبحـوره
إليا هدا الشوق تـاره يشتعـل تـاره ولو استر الشوق ما الاشوق مستـوره
اشتقت للي يـذوب بصـدره ازراره ومن وسع عينه يذوب الكحل في حوره
ولولاه ماتسـري اللكـزس لجـراره في ليلـةٍ بـارده والارض ممطـوره
يدٍ على القير والاخرى على الطـاره ودموع عيني على الخديـن منثـوره
دخلت برماح والاعصـاب منهـاره وعديت شويه ونفسي غير مسـروره
اليـن اجـي شارعـه وامـر دواره وآخذ علـى بيتهـم دوره ورى دوره
ويذبحني الشوق واسير علـى جـاره الين جاره زهق من كثـر مـازوره
واقـول ياليتنـي ساكـن بهالحـاره في جنب بيته وسور البيت هو سـوره
اقـل مابـه لاضقـت اقبّـل جـداره والا لاهب الهوى تاصلنـي عطـوره
آخر هدايـاه لـي ساعـه ونظّـاره وجرحٍ لهالحين نفسي منه مخطـوره
اللي تركنـي وراح وجتنـي اعـذاره عامين وانا انتظر جيّتـه وحضـوره
اسلي النفس في نـوره وفـي سـاره ولاعاضني فيـه لاسـاره ولانـوره
اتمـنى ان تنـأل القـصائد..اعجأبكم
تحياتي
اخوكم
أخ العرب
اليوم جايب لكم.رديه بين الشاعرين..الأمير فيصل ابن حشر الجبعاء الدويش
و لأمير بندر ابن تركي ابن فيصل الدويش
وكأنت البدايه من فيصل ويقول....
لله من خافـق شـب النـوى نـاره وعين على الدمع والعبرات مجبـوره
قلب لحاه الغـرام وباحـت اسـراره باحت وهي من قبل بالصدر مستوره
أشكي على صاحب نظم الدرر كاره شاعر وله تجربه بالعشق مشهـوره
بندر ابن تركي اللي قـال باشعـاره بيتين لكن مع اهل الشعـر مذكـوره
لـولاك ماعنـي اللكسـز لجـراره في ليلة مظلمـه والأرض ممطـوره
أسلي النفس في نوره وفـي سـاره ولاعاضني فيك لاساره ولا نـوره
ياخوك قفى وليفـي ماعـرف داره ماعرف وش هو سبب تعذيبه وجوره
لايتصل بي ولايرسل لـي أخبـاره والظاهر إني ماعاد أحرك شعـوره
أنشدك وش حيلتي والنفس محتـاره في خافق طعنته من كـف دكتـوره
النفس مختارتـه والقلـب مختـاره والنفس بالحـب منهيـه ومامـوره
لوهو على الكيف انا ماعفت مسياره مشهاة قلبي مشاهـد عينـي لحـوره
لا واللذي حط في قاره جبـل قـاره ماتوب انا عنه روحي فيه مسحـوره
سبحان منهو رفـع بالقلـب مقـداره يخطي وكل الخطايا منـه مغفـوره
لاشـك الايــام دواره وغــداره أقفى زمانـي وحـل لعاذلـي دوره
شمت عذولي وثور وقتـي غبـاره وكل درى عن غلاي اللي طفا نوره
جيت اشتكي لك عذاب الحب وآثـاره وحبيت أعلمك واخليـك بالصـوره
وجأء الرد من الأمير بندر ابن تركي الدويش
يامرحبا والقصيد ان جتنـي افكـاره اخذت منّه مايرضـي ذوق جمهـوره
والنفس يابو حشـر بالسـوء أمّـارة لكنهـا لاذنبـت ماهيـب مـعـذوره
واللي دخل بالغرام ويجهـل اخطـاره يبطى ونفسه من اللوعـات مقهـوره
مثلي دخلت الغرام وضعـت بديـاره وامسيت غرقان في شاطيه وبحـوره
إليا هدا الشوق تـاره يشتعـل تـاره ولو استر الشوق ما الاشوق مستـوره
اشتقت للي يـذوب بصـدره ازراره ومن وسع عينه يذوب الكحل في حوره
ولولاه ماتسـري اللكـزس لجـراره في ليلـةٍ بـارده والارض ممطـوره
يدٍ على القير والاخرى على الطـاره ودموع عيني على الخديـن منثـوره
دخلت برماح والاعصـاب منهـاره وعديت شويه ونفسي غير مسـروره
اليـن اجـي شارعـه وامـر دواره وآخذ علـى بيتهـم دوره ورى دوره
ويذبحني الشوق واسير علـى جـاره الين جاره زهق من كثـر مـازوره
واقـول ياليتنـي ساكـن بهالحـاره في جنب بيته وسور البيت هو سـوره
اقـل مابـه لاضقـت اقبّـل جـداره والا لاهب الهوى تاصلنـي عطـوره
آخر هدايـاه لـي ساعـه ونظّـاره وجرحٍ لهالحين نفسي منه مخطـوره
اللي تركنـي وراح وجتنـي اعـذاره عامين وانا انتظر جيّتـه وحضـوره
اسلي النفس في نـوره وفـي سـاره ولاعاضني فيـه لاسـاره ولانـوره
اتمـنى ان تنـأل القـصائد..اعجأبكم
تحياتي
اخوكم
أخ العرب