القلوب المجاريح

[سمو المكحلي]

لاهب نسناس القلوب المجاريح
غنيت أنا مجروح فرقا الدلايل
اللي على الطاله تسابق كماالريح
واللي بقا منها فلاني بقايل
ياوجد حالي يالرجال الطحاطيح
ماشفت منهم باقي الا قلايل
للهزل باب وللجزاله مفاتيح
ولاتجتمع هزلاتها بالجزايل
ولابد ماتعدل غصون التفافيح
دام الهوا لاهب قام يتمايل
حتى يتبينلك عملها بتوضيح
ناسن ورا الغايب تسوق الرحايل
ليا أختلف موجاهها والمساريح
شف واثق الخطوه فلابه صمايل
وصم الجبال اللي حصاها صلافيح
قمه ولاهو من الصواديف زايل
للشاعر /فايز مسرع السبيعي