مهــوـوـوم

[ابن ابوي]

بدون مقدماااات




ياناصر اسمع علوم الشاعر المهموم
وسجل حروفـه وخـل الخلـق تقراهـا
سجـل حروفـه وبيـن ظالـم المظـلـوم
سريتهـا يـوم حزنـي جــى وسـراهـا
العـيـن تـدمـع وجافـهـا لـذيـذ الـنـوم
ع الخـد سالـت وبيـن خــط مجـراهـا
اقـول بكـره وبكـره مثـل حـال اليـوم
الـحـزن ثـابـت والافــراح اتـحـراهـا
تعبـت ياصاحبـي وانـا اخـيـل نـجـوم
قـمـت اتمـنـى ذراهــا حــي مـذراهـا
القلب لو تفتشه ماشفت غير وسـوم
وعـروقـه الداخلـيـه شــان مـبـراهـا
مابه طبيبن يداوي جرحـي المسمـوم
ادري جروح الزمـن محـدن بيبراهـا
يالله يالله يــارحـــمـــن يـــاقـــيـــوم
ياعالم امـر الكواكـب وامـر مسراهـا
تجلي همومن عساها فالصدر مـادوم
عبـدك شكـى حملهـا يشكـي مداراهـا
ياناصر القرم جاتـك والعلـوم اعلـوم
همـوم شاعـر وخـل الخـلـق تقـراهـا